Markos 2
2
2 Ik.
1Nei toho okaketa shui Shinuma Kapernaum machiya otta ahun chiki, Shinuma anak ne chisei ta an sekoro orushpe assuru aashte nisa ruwe ne. 2Awa, inne utara uwekarapa, naa chisei ahup eaikap pakno, apa samake katap okai eaikap pakno shiri-eshik ruwe ne: orowa, Shinuma nei utara otta itak ye nisa ruwe ne. 3Orowa, ine ainu shine tusushke tashum ki guru ani wa araki utara okai, awa, atura wa araki. 4Aige, inne utara okai gusu ko-ehange no araki eaikap chiki, Shinuma an chisei kitai maka nisa ruwe re: nei ambe yaspa aokere yakun tusushke tashum ki guru kata hotke wa an atarabe range nisa ruwe ne. 5Orowa, Yesu nei utara koro eishokor i nukara wa tusushke tashum ki guru otta — Poho, e koro katpak atusare wa an ruwe ne; ari itak. 6Koroka, nei ushiketa rok wa okai kambi-nuye u ara tumugeta keutum ta upaore, aige, — 7Tan guru hemanda gusu nei no itak ya? Kamui koatcha ruwe ne: Shinen moshima, Kamui moshima katpak tusare eashkaibe nen ne ruwe? ari iki ruwe ne. 8Koro ramat ani nani Yesu anak ne shinuma utara keutum oshiketa nei no okaibe upaore katu eramʼan koro, orota ene itak-hi: Hemanda gusu echi keutum ta tap okaibe echi upaore ya? 9Tusushke tashum ki guru otta e koro katpak atusare wa an sekoro itak ye newa hopuni wa atarape ani wa apkash yan, sekoro itak ye anak ne, inambe ye itak katu isaika itak ne ruwe he an? 10Koroka, Ainu Poho shiri kata an wa katpak tusare mondum koro wa an ari ambe echi eramu an kuni gusu 11(tusushke tashum ki guru otta ene itak-hi) e otta Ku ye, hopuni wa koro atarape ani wa e uni un oman yan, ari itak. 12Orowa, nei guru hopuni hine nani atarape koro wa obitta, no okai utara kotchaketa soine nisa ruwe ne; okai utara obitta oyamokte, orowa, Kamui ko oripak wa ene itak-hi :— Tambe nei no tane pakno naa shomo chi nukara ash nisa ruwe ne na, ari itak.
13Shui, Shinuma atui sam un oman, aige, obitta no okai inne utara Shinuma orota araki, awa, Shinuma nei utara epakashnu nisa ruwe ne. 14Orowa, Shinuma shirikush an ita, Arupeus koro poho Rebi yaku-etaye ushiketa a wa an i nukara, awa, otta En osh ek yan, ani itak. Orowa, shinuma hopuni wa I osh oman nisa ruwe ne. 15Orowa shinuma koro chisei ta ibe gusu a wa an, aige, inne yaku-etaye utara newa chikokatpak utara Yesu newa koro koikara utara tura rok wa okai; nei utara inne wa Shinuma osh paye nisa ruwe ne gusu ne na. 16Parisee un utara koro kambi-nuye utara anak ne Shinuma chikokatpak utara newa yaku-etaye utara tura ibe katu nukara chiki koro koikara utara otta ene itak-hi :— Shinuma yaku-etaye utara newa chikokatpak utara tura ibe hemhem ki iku hemhem ki ruwe ne, ari itak. 17Yesu tap ambe nu yakun nei utara otta ene itak-hi :— Iwange no okai utara anak ne potara guru irannakka, ouse tashum an guru patek kon rusui ruwe ne: Kuani anak ne oupeka utara hotuyekara gusu Ku ek ka shomoki, katpak koro utara Ku hotuyekara gusu Ku ek nisa ruwe ne na.
18Orowa, Yoannes koro koikara utara newa Parisee un utara koro koikara utara anak ne shomo ramnu ki korʼan, awa, Shinuma orun utara araki wa orota ene itak-hi :— Hemanda gusu Yoannes koro koikara utara newa Parisee un utara koro koikara utara shomo ramnu ki a koroka E koro koikara utara shomo ramnu ki ka shomoki mwe he an? 19Orota Yesu ene itak-hi :— Tane mat-ahupkara guru koro tumbu ta ahup utara anak ne nei mat-ahupkara guru an ita shomo ramnu ki eashkai ruwe he an? Tane mat-ahupkara guru anak ne utara tura no an rapoketa shomo ramnu ki eaikap ruwe ne na. 20Koroka, nei mat-ahupkara guru auk toho ek kusu ne, nei toho ta utara shomo ramnu ki kusu ne na. 21Chiworo-at ani fushko amip utapke guru isam; nei no ki yakun autapke ashiribe anak ne fushko ambe orowa no yara, orowa, nei yara ushike naa aporore ruwe ne. 22Shui, ashiri tonoto fushko kapu pukuru ta omare guru isam: nei no ki yakun tonoto anak ne pukuru patkere, orowa, tonoto newa pukuru aisamka ruwe ne: koroka, ashiri tonoto ashiri kapu pukuru orota aomare ruwe ne.
23Orowa, Shini toho ta Shinuma mungi toi kush wa oman korʼan; awa, koro koikara utara paye rapoketa mungi push tuiba heashi nisa ruwe ne. 24Aige, Parisee un utara Shinuma otta ene itak-hi :— Ingarʼan, hemanda gusu nei utara Shini toho ta aki yak ne tuitak otereke nep ki koro okai ruwe he an? 25Orota Shinuma ene itak-hi :— Dabid newa tura no okai utara ibe rusui wa aeishiramnep an ita iki orushpe naa shomo echi orooitak ya? 26Kamui kora kenru iyotta pase esapane guru Abiatar an ita, shinuma Kamui kora kenru orun ahun wa Kamui kora kenru esapane utara moshima okai utara e ambe tuitak oterekep ne Kamui otta ayange pan uk wa yaikota e, samata, tura no okai utara ne yakka ere ambe echi oro-oitak shomoki ruwe he an? 27Orota shui Shinuma ene itak hi :— Shini toho anak ne ainu gusu akarape ne, ainu anak ne Shini toho gusu akarape shomo ne ruwe ne; tambe gusu, 28Ainu Poho anak ne Shini toho poka enishpane ruwe ne na.
© British and Foreign Bible Society 1897, 2018