Markos 3
3
3 Ik.
1Orowa, shui Shinuma Uwekarapa chisei orun ahun; awa nei ita teke shipeshte guru Shinen an wa an. 2Aige, utara anak ne Shinuma eiyonnupba kuni ikkewe kon rusui gusu Shini toho ta shinuma iwangere kusu ne ya nukara gusu orun oshitkurukote nisa ruwe ne. 3Orowa, Shinuma teke shipeshte guru otta, — Utara tumugeta ash yan, ari itak. 4Aige, utara otta Shinuma ene itak-hi :— Shini toho ta pirikap ki hene wenbe ki hene, ramat shiknure hene raige hene iki katu inambe ikashpaotte uweomarepe ne ruwe he an? 5Koroka, nei utara mo no okai ruwe ne. Orowa, Shinuma nei utara sambe nishte wa gusu yairamkoiki hine irushka wa orun ekeshne ingara koro, nei ainu otta, — E teke turi yan, ari itak. Orowa koro teke turi, aige, atumashnure nisa ruwe ne. 6Awa, Parisee un utara soyumba wa, nani nekon a iki wa Shinuma isamka eashkai ya, sekoro Herod un utara tura eukoramkon nisa ruwe ne.
7Orowa, Yesu anak ne koro koikara utara tura atui orun ekohopi: awa, Gariraya wano an poro inne utara nei osh paye nisa ruwe ne: 8samata, Yudea wano hene, Yerusarem wano hene, Idumea wano hene, Yorodan pet ikushta wano hene, Tiros newa Sidon kotan okari wano hene, poro inne utara hemanda porobe Shinuma kara katu nu wa okai gusu orota araki nisa ruwe ne. 9Orowa, ikineipeka inne utara orowa no iki ararapa kuni ne koro koikara utara pon chip etokooiki kuni gusu ye nisa ruwe ne: 10inambe gusu ne yakun, Shinuma inne utara iwangere okere; tambe gusu, nen ne yakka shiyeyepa utara tomooshma kuni ne Shinuma ukonumba shiriki okai ruwe ne. 11Orowa, Ichakkeri ramat anak ne hembara ne yakka Shinuma nukara chiki, kotpoketa hachiripa, orowa, hawe ashte hine ene itak-hi :— Aokai anak ne Kamui Poho E ne ruwe ne, ari itak. 12Orowa, iteki moshima guru otta Shinuma amkirire kuni ne shiri yupke no kashpaotte nisa ruwe ne na.
13Orowa, Shinuma nupuri hemesu, awa, orota rengaine utara hotuyepakara, aige, ahotuyepakara utara Shinuma otta paye nisa ruwe ne. 14Orowa, Shinuma tu niu ikashima wa niu tura no okai kuni ne, 15samata, upaskuma ki kuni ne payere gusu, orowa, nitne kamui oashinge kuni mondum akore kuni gusu are nisa ruwe ne: 16orowa, Simon anak ne Petros ani reikore: 17shui, Zebedaios koro poho Yakob newa shinuma koro iriwak Yoannes, tan utara Boanerges ani reikore, tambe anak Kamui-hum poho ikkewe ani an itak ne: 18orowa, Andreas hene, Piripos hene, Bartoromaios hene, Mattaios hene, Tomas hene, 19Arupaios poho ne Yakob hene, Taddaios hene, Kanaan un Simon hene, orowa, Shinuma ekoshi Kariot kotan un guru ne Yudas hene ne ruwe ne.
20Orowa, Shinuma chisei orun ahun. Awa, shui, aep ibe eaikap pakno inne utara uwekarapa nisa ruwe ne. 21Aige, Shinuma koro uiriwak utara anak nei orushpe nu chiki, — Shinuma chiitasare ruwe ne, ari itak koro kishima kuni ne soyumba. 22Orowa, Yerusarem kotan wano sap kambi-nuye utara anak ne, Shinuma Berusebub koro, orowa, nitne kamui esapanep ani nitne kamui oashinge ruwe ne sekoro itak. 23Orota Shinuma nei utara shikekote hotuyepakara wa itak-maukushte-itak ani ene itak-hi :— Satan anak ne nekon a ki wa Satan oashinge eashkai ya? 24Moshiri uirup anak ne yaikota gusu utashpa uwekopi wa okai chiki, nei moshiri ash eaikap ruwe ne. 25Samata, chisei un utara anak ne yaikota gusu utashpa uwekopi chiki, nei chisei an eaikap kusu ne ruwe ne. 26Orowa, Satan anak ne hopuni wa yaikoiki chiki, yaiuwekopi an; 27aige, okai eaikap wa aokere ruwe ne. Koroka, hoshiki no kiroroashnu guru tupetupe shomoki yakun, nei kiroroashnu guru koro chisei orun ahun wa korobe eikka eaikap; atupetupe yakne koro chisei kowende ruwe ne. 28Son no echi otta Ku ye :— Utara poho utara koro obitta no okai chikokatpak newa koatcha ani iki koatcha ambe anak ne atusare kusu ne; koroka, 29nen ne yakka Ashkanne Ramat koatcha gurʼanak ne nei pakno ne yakka atusare shomoki kusu ne, koroka, nei guru koro chikokatpak hembara pakno ne yakka an ap ne ruwe ne: 30Shinuma anak ne Ichakkere ramat kon ruwe ne, ari nei utara ye nisa ruwe ne gusu ne na. 31Orowa, koro habo newa koro ainu iriwak utara araki, aige, soita roshki wa Shinuma hotuyekara gusu teshkan nisa ruwe ne. 32Awa, inne utara Shinuma okari ta rok wa okai: aige, Shinuma otta utara anak ne ene itak-hi :— Ingarʼan, E koro habo E koro ainu iriwak utara soita okai hine E hunara wa okai ruwe ne. 33Shinuma ese wa ene itak-hi :— Ku habo newa Ku ainu iriwak utara inambe ne ruwe he an? 34Orowa, Shinuma okari rok wa okai utara orun hosari 35ingara wa ene itak-hi :— Ku goro habo Ku goro ainu iriwak utara ingara yan! Inambe gusu ne yakun, nen ne yakka Kamui irenga ki gurʼanak ne, shinuma anak Ku okkai ainu iriwak ne, Ku mat ainu iriwak ne, Ku habo ne ruwe ne gusu ne na, ari itak nisa ruwe ne.
© British and Foreign Bible Society 1897, 2018