Mateo 13の有名な聖句

シェア

Qaláxasa jaso' peta 'me talégue so' 'ónaxaic 'aléua, jaso'me náỹi jen' siỹaxadipi 'me naquiáxana da' n'aqtac, qaa'le ỹátaqta ỹaỹáteet'eguet, ỹátaqta 'ónaxaic da' jaláỹaxac da' qonaqat. 'Uo jan' 'ená'am jaga' peta 'me ỹóvi' jan' cien jan' jala, qataxa 'uo jan' ỹóvi' jan' sesenta, qataxa 'uo jan' ỹóvi' treinta jan' jala.

Jaso' peta 'me talégue so' l'acháqa' jan' ỹaxat, qaa'le jaso'me náỹi jen' siỹaxadipi 'me naquiáxatapega da' n'aqtac. Qaláxasa ỹasouaxat da' ỹimelégue ỹima jen' chaqáina huetalégue jen' 'aléua qataxa da' loqopi'chi da' nesaliaxa, ỹima jen'me ỹí'et da' sa 'te da' naséguem qa'en da' n'aqtac, qataxa qaỹa ga' jaláỹaxac qa'en jen'me siỹaxadipi.

Jega'me naquiáxatapega da' n'aqtaguec jeda'me l'onataxanaxac ñi' Dios 'me net'ague da' piỹem, qaláxasa sa 'te da' ỹaỹáten, jega'me 'ená'am jaso' peta 'me talégue so' naq'aic. Ỹim, qana'chi janac so' qadó'o paiỹac, qana'chi deuootáxanec jeso'me n'aqtac 'me huétaỹi jañi' liquidiaqte.

Jaso' peta 'me talégue jeso'me 'aléua 'me ỹalcapíỹi jen' qa', qaa'le jaso'me náỹi jen' siỹaxadipi 'me naquiáxatapega da' n'aqtac, qana'chi 'uo da' netónaxac. Qaláxasa ỹasouaxat da' qaỹa ga' lepata' da' n'aqtac, qana'chi sa 'te da' na'chi 'eeta't. Qá'a da' 'uo da' napiinaguec, 'uootaxa da' necanáguec ỹasouaxat da' n'aqtac, qana'chi qoséegue.

Da' l'onataxanaxac ñi' Dios 'me net'ague da' piỹem, jeda'me 'ená'am jaga' lai't jan' laicaua 'me qoỹoxotóoue jen' 'aléua. 'Uo so' siỹaxaua ỹilalégue jaso' lai't jan' laicaua. Qana'chi ỹitaxa ỹoxochiñi, ỹipagaqchíichii'ña ga' l'acháqa'. Qana'chi ỹátaqta jalcote da' netónaxac, qana'chi v'iỹílaq. Ỹim, qana'chi ỹimen ỹima jeso'me loxotpi, qana'chi neuodéna so' 'aléua.

Qaláxasa jaso' laqáỹa nepeta tatelégue jeso'me 'ónaxaic 'aléua, qana'chi ỹátaqta 'ónaxaic da' jaláỹaxac joca'li qonaqat. 'Uo jan' ỹóvi' jan' cien jan' jala, qataxa 'uo jan' ỹóvi' setenta jan' jala, qataxa 'uo jan' ỹóvi' treinta jan' jala joca'li qonaqat.

N'óota da' 'amachíit'a da' naquétasee'ma't jenaa'me, na'chidáta qomle ỹivíta ga' lalóqo' da' qonaqat na' trigo. Qana'chi jaỹim samaxalégue qomle ga' qataxanaxaicpi da' ỹ'áuaxañi da' napoc jan' ta'asot. Ỹim, qana'chi ỹa'uo jen' laaqtapi, qaidi qoỹigóoue. Qomle ỹim, qana'chi qoỹiỹamaxat jan' jala na' trigo da' ỹacháaue ñi' ỹiquipi.”