प्रकास 5の有名な聖句

シェア

इम्बालाइ एसा दोअ्काताङ एनोङ नावा ले लेहि: “नाअ् मोहोरगेलाइ थुरलि कालाउ किताप खोलेलि योग्य हिना, हाइपालिपानु द्‍याङगेलाइ नासेहेङ सेअ्हि कालाउ नाङको सिकाको हितिहोइ नाअ् परमेस्वरको भाअ्सिङ गोताङ कुल, भासा, रास्ट कालाउ जाति-जातिसो झाराङ द्‍याङगेलाइहेङ चोल्न्हा।

इम्बालाइ बारका चेराका गालाहोइ ले लेहि, “सेअ्न्हाका थुमा बाखिनको योग्य हि वाको खाबारा माहान हि, वाको ग्यान वाङखाराका हि, वा हेन्जा सरबुङसाइका हि, वा बास्ताबता धनि हि, लोसु केलाइ वासेहेङ आदर, महिमा कालाउ बाखानाइ पाइने।”

कालाउ नाअ् ओबालाइहेङ राजागेलाइ कालाउ पुजारिगेलाइ बानाइन्हा, जाइ केलाइको प्रभु परमेस्वरको सेवाको काम पाखे, कालाउ इम्बालाइ प्रिथिबिता राजागेलाइ भाइपा सासन पावा।”

कालाउ स्वर्गता, प्रिथिबिता, प्रिथिबि लिता, समुन्द्र कालाउ इन्ता हिका गोताङ प्रानिगेलाइ एसा दोअ्काताङ पाका का हिङघा, “केलाइ सिङहासनता योम्तेङ हिका द्‍याङको बाखिन पाइने। लोसु, थुमाको बाखानाइ पाइने केलाइ वासेहेङ जेलाउ बुङ आदार तिङपाइने, वासेहेङ जेलाउलाउ बुङ महिमा पि, हाइपालिपानु वा झाराङ खान्तेङ सरबुङसाइका हि।”

कालाउ आगुवा मध्ये एमि कासेहेङ दोअ्हि, “माखार! खाङसु, जाइहेङ यहुदाको कुलको खुवाँ दोअ्खे, राजा दाउदको माहान हारागुटिया, वा साइतानहेङ जितिका हि। कालाउ वा कितापको न्हि लोङ मोहोर थुरलि कालाउ खोलिलि योग्यको हि।”