प्रकास 6の有名な聖句

シェア

कालाउ का याउका रङगको एनोङ ओह्याँ तिङघा। ओह्याँ सावारहेङ काल दोअ्घाहि। वाको भेरपा पाअ्तेङ न्हु हानिघाहि। वासेहेङ सुमिङको ए चौथाइ द्‍याङगेलाइहेङ सेअ्लि खाबारा निङहि। कालाउ वा ओबालाइहेङ कात्तिहोइ सेअ्हि। वा ओबालाइहेङ म्हितुपाङ सेअ्हि कालाउ मारेम्का मिसाहोइ सेअ्हि कालाउ झारभारिको गुपुसगेलाइसो सेअ्लि लाअ्पिहि।

कालाउ इन्ता कासेहेङ एनोङ जेका रङको ओह्याँ तिङपा पिहि, इङको ह्रुता सावार जेङका दोफा एनोङ धनु हिघाहि, कालाउ उङकोहेङ एनोङ मुकुट पिहि। वा स्वर्गसो ओल्लेतेङ प्रिथिबिता हानिहि, वाको भाइपा जेदोङ लाम्फा बिजोइ जेङका हि कालाउ आरोङ बिजोइ जेनाङ।

जेलाउ थुमा नातेङ मोहर खाइहि, कालाउ का स्वर्गको बेदि लिता इङको द्‍याङगेलाइको आत्मागेलाइ तिङघा जाइ सेअ्न्हाका हिघाहि, हाइपालिपानु इम्बालाइ परमेस्वरको बचन कालाउ इम्बालाइको निङका सत्ये सन्‍देस दोफा खाङधुरि योग्य हिघाहि।

कालाउ इम्बालाइ एसा दोअ्काताङ बारका गालाहोइ परमेस्वरहेङ दोअ्हि, “ओइ पबित्तरो कालाउ सत्ये प्रभु, हाइ पालि नाअ् प्रिथिबिता हिका इङको दुस्ट द्‍याङगेलाइहेङ साजाइ पिलि इदोइ झोको बेलोम्पा थेकापा ह्रुम्खेना? केलाइ नासेहेङ बिन्ति पानाखे कि केलाइहेङ सेअ्का द्‍याङको इसिका ब्यभारको भाअ्सिङ नाअ् वासेहेङ बदला पि।” कालाउ न्हुसो इङको झाराङहेङ जे:का होङका धाबा पिहि। परमेस्वर इम्बालाइहेङ आले सोमोइ आरोङ ह्रुम्लि दोअ्हि। हाइपालिपानु इम्बालाइ भाइपा माकुनु आरोङ बुङ प्रभुको आरु सेवकगेलाइ कालाउ ओनेगेलाइ जाइ येसुको सेवा पाघाखे इम्बालाइ भाइपाङ सेअ्न्हालि गोयाङ। जेलाउ सेअ्न्हाका द्‍याङगेलाइको गान्दिका पुरा माजेङका थेकापा, इम्बालाइको भाअ्सिङ हुम्लि गोइका हि।

एन्सालाउ दोङ जेता सिङहासन हिघाहि, इन्तासोङ हेन्जा इ:का ओह्याँ बाहार लोहि। इङको इ:का ओह्याँ सवारिहेङ एनोङ कात्ति पिहि। परमेस्वर वासेहेङ सुमिङसो सान्ति नासा पालिको भाअ्सिङ कालाउ दुख पिलिको भाअ्सिङ खाबारा पिहि, कालाउकि इम्बालाइ एमिसो भेनेङहेङ सेअ्ताको।

हाइपालिपानु, इङको थिलि गोइका दिना लोलि दोहोइ जेलाउ परमेस्वर कालाउ थुमा झाराङहेङ साजाइ प्याङ कालाउ हासु बुङ इङको दन्डसो बान्चिलि माद्वाङ।

कालाउ का थुमा तुतेङ मोहर खाइका तिङघा। इन्ता एनोङ बारका भुइचाल हानिहि। सान्हे डाहि जेसाङ दा:का रङको धुसा भाइका जेङहि, कालाउ तालि गोताङ हिति भाइपाङ इ:का जेङहि। जेसाङ एनोङ सिङको फलगेलाइ भेरमाहोइ हेङगालाइलाउ सिङसो फल हुल्खे, एन्सिकाङ फुरुगेलाइ आकाससो प्रिथिबिता हुल्हि।

जेलाउ थुमा सुम्तेङ मोहोर खाइहि, कालाउ सुम्तेङ हुसि हिका प्रानि दोअ्का का हिङघा, “एला हानाइने, आगा लाङ।” कालाउ का खाङघा, एनोङ दा:का ओह्याँ बाहार ओल्लेतेङ लोहि। ओह्याँ सवारको खुरता एनोङ दोङका सेर हिघाहि। कालाउ न्हुसो, का द्‍यामि हुसि हिका प्रानिगेलाइ माझासो हासु बुङ नुइ धुइका हिङघा इङको गाला द्‍याङको भाइका हिघाहि। इङको गाला दोअ्हि, “भबिस्यता प्रिथिबिता आनिकाल जेनाङ कालाउ ओदोङ भाअ्सिङ ए दिनाको ज्याला ए-किलो उम माकुनु सुम किलो माकै चोल्लि हेन्जा जेनाङ। कालाउ चुइति कालाउ दाखरसको दाम माफेरियाङ।”

आकास कितापको पन्ना भाइपा लुम्न्हातेङ राम्हि। कालाउ गोताङ रागेलाइ कालाउ समुन्द्रको टापुगेलाइ इम्बालाइहेङ इङको थामेसो ओल्लापापिहि। इङको को कारन प्रिथिबिको गोताङ द्‍याङगेलाइ जेदोङता राजा, राजकुमारगेलाइ, बारका सेनापतिगेलाइ, धनिगेलाइ, बलियाकागेलाइ, गोताङ बान्धाइतिगेलाइ, कालाउ जाइ बान्धाइति मान्थुकागेलाइ, गोताङ रा गेलाइको आरडाङ कालाउ उन्ठुइको आरडाङगेलाइ लिता म्होहि।