Dæmisögur JesúSýnishorn

ÁVAXTALAUST TRÉ
Í guðspjöllum Matteusar og Markúsar lesum við hliðstæðar sögur um það þegar Jesús formælti ávaxtalausu tré. Lúkas greinir frá svipaðri dæmisögu af manni sem plantaði tré sem bar ekki ávöxt eins og til var ætlast. Þótt þessar þrjár frásagnir séu ekki sama dæmisagan þá fjalla þær allar um tré sem áttu að bera ávöxt en gerðu það ekki.

Í frásögnum Matteusar og Markúsar var tréð laufgað, sem merkir að það virtist vera heilbrigt, en samt bar það engan ávöxt. Í guðspjöllunum birtist oft áskorun og krafa um að við berum ávöxt í lífi okkar. Við eigum ekki bara að forðast það að veslast upp, eða einungis virðast vera heilbrigð á yfirborðinu, heldur á líf okkar að gefa eitthvað af sér.

Við ættum að prófa okkur sjálf til að sjá hvort við berum ávexti umbreytts lífs, þann ávöxt að gera nýja að lærisveinum og þann ávöxt að leita hinna týndu.