Akụkọ Nke IstaIhe Nhụchatụ

Pọl derè na Ndị Filipaị 3 na ọ "chọrọ ịma Kraịst na ike nke mbilite n'ọnwụ Ya na mmekọrịta nke ịkekọrịta na ahụhụ gasị Ọ tarà, n'adị ka Ya n'ọnwụ." O nwerè ike iyi ka ịchọ inwe ahụmahụ nke ntaramahụhụ ndị a gabigará oké agaghị ekwe omume, mana ihe ebube akụkọ a n'enye bụ na anyị pụrụ ịmara Kraịst n'ezie. Mgbe anyị n'ahụ udo, ọñụ, ịdị jụụ n'ahụ na obi, na amara n'amuke n'etiti mbibi na ihe ike niile n'eme, i pụrụ ịhụ ịma mma dị́ n'ịdị ka Ya n'ọnwụ Ya. Ka obibi ndụ Ya si dị oké mfe n'ihi ntụkwasị obi Ya niile n'ebe Chineke nọ. O nweghị nsogbu ma ọ bụ nchegbu nke ụwa a ewezụga nne Ya O nyeferè n'aka ezigbote oyi Ya ka o lekọta ya. Naanị ihe onwunwe dị oké ọnụ O nwerè bụ akwa O n'eyi n'ahụ dabará n'aka onye nche n'agba chaa chaa. Ụdị obibi ndụ ahụ n'enweghị nkwakosí dị na ya. Ụdị nlekwasị anya ahụ nọgideré n'ihe Ọ bịara ime. Ụdị nraranye ahụ nye nzube Chineke. Ụdị ntụkwasị obi ahụ ana apụghị ịkwa aka O nwerè n'ebe Nna Ya nọ. Ha bụ ihe ndị agụụ anyị kwesịrị ịna adọgá nà.