Gị Bụ́ Onye A Họọrọ: N'echetara Onwe Gị Maka Oziọma Kwa ỤbọchịIhe Nhụchatụ

Otu n'ime ụzọ ìzìzì anyị n'esi azụ mkpụrụ obi anyị ịhụ Chineke n'anya bụ̀ site n'ikwusa Oziọma nye mkpụrụ obi anyị. Ka mkpụrụ obi gị na-ahụwanye obe Jizọs, otu a ka ekele na nkwanye-ùgwù gà-abawanye n'ime gị. E merè ụmụ mmadụ òtù ahụ imeghachi omume nye ichu àjà. Ọ gà-esi ike ichepụtà ihe karịrị àjà nke Jizọs chụrụ.

Ọ bụrụ na ị na-eme njem n’ụwa, otu nkebi ahịrịokwu nke zuru ụwa ọnụ n’ụdị ọdịbendị nile—bụ̀ ahịrị a maarà nke ọma site n’Abụ Ọma 103:1: “Gọzie Onye-nwe-anyị, mkpụrụ obi m.”

Ka m kebie ahiriokwu a ka aghọta ya nke ọma. Devid n'azụ mkpụrụ obi ya site n'izi ya Oziọma. Devid gwarà mkpụrụ obi ya mmetụta o kwesịrị inwe na otú ọ ga-esi nye Oziọma nzaghachi: Mkpụrụ obi m, gọzie Chineke, ma ị chọrọ ma ọ bụ na ị chọghị. Ọ bụghị naanị na ọ na-abụ ahịrị mara mma; kama ọ na-agwa onwe ya okwu, ọ na-ama mkpụrụ obi ya aka ka o bilite elu. Akwụkwọ Nsọ na-akọwa àgwà a, na-asị, “Devid merè ka onwe ya dị ike n’ime Onye-nwe-anyị” (1 Samuel 30:6, esv).

N'ụzọ dị mwute, ihe omume a nke ndị n'eso Ụzọ Kraịst abụrụlá ihe furu efu, ihe ọzụzụ mara mma akwụsịrị ime. Kama ị gà-eburu ọnọdụ gị ugbu a, omenala na-agbanwe agbanwe oge nile, ndị gbara gị gburugburu n'enye gị nsogbu, ma ọ bụ, nke ka njọ, ihe ị n'ahụ n'ebe mgbasa-ozi ọhaneze, n'echiche, lee mkpụrụ obi gị anya n'anya ma gwa ya ka ọ lekwasị anya n'obe, na mbilite n'ọnwụ. Nye mkpụrụ-obi gị iwu ka ọ ṅụru site n’obiọma nke Kraịst, Onye naara ihe mgbu na mmerụ ahụ n'ubu Ya ma burú ibu nke mmehie gị.

Mgbe ụfọdụ ị gà-amanye mkpụrụ obi gị iwu ka o lee anya. Jọn Onye Na-eme Baptizim tìrì mkpu si mbara igwe na ala, “Leenụ̀!” ma ọ bụ “Unu gà-elerírí anya!” Ọ sịrị: “Leenụ̀ Nwa-atụrụ Chineke, Onye na-ebupụ mmehie nke ụwa!” (Jọn 1:29). Nke a bụ iwu kwa ụbọchị. Anyị gà-elerírí anya! Légidé anya n'obe ebe Jizọs tara ahụhụ nke ukwuu n'ihi mmehie Ọ na-emeghị ka ị we nwee ike ịṅụrị ọṅụ nke ukwuu n'ezi omume n'ekwesighírí gị.

Oziọma gà-aghọ̀rọ́ mkpụrụ-obi anyị nri kwa ụbọchị, na-ewusi obi anyị ike. Ọ ga-esiri anyị ike ime mkpesa, nwee obi nkụda maka onwe anyị, ma ọ bụ jupụta na nchekasị mgbe mkpụrụ obi anyị hụrụ̀ ka ọbara na-agbadà ihu Kraịst ogwu dụwasịrị. Ekele na-ewuli elu n'ime obi anyị mgbe anyị na-eme nke a n'ụbọchị dum.