Ihe Òfùfè-Gasị maka Lentị sitere na Holy Bible: MosiacIhe Nhụchatụ

Pandita Ramabai (India, 1858-1922)

Afọ ole na ole gara aga, e mere ka m ghọta na nkwenye m bụ naanị nkwenye nke ọgụgụ isi - nkwenye nke ndụ n'adịghị na ya. Nkwenye m ahụ bụ na m nọ na-ele anya inweta nzọpụta n'ọdịnihu mgbe m nwụchara; nke pụtara na mkpuru obi m “Esibeghị n'ọnwụ pụta banye na ndụ”. Chineke gosiri m otú ọnọdụ m si wee dị ezigbote ize ndụ, na ihe m bụ ajọ onye mmehie na onye furu efu, na otú ọ si diri m ezigbo mkpa inweta nzọpụta ugbu a, a bụghị n'oge dịnihu. Ncheghari m weerè nnukwu oge; Enweghị m ezumike ma fó ihe obere ka ahụ rịa m, ehighikwa m ụra ọtụtụ anyasị. Aka Mmụọ Nsọ dị oké ike n'ahụ m nke mere na ezumike gbara ọsọ n'ebe m nọ ruo mgbe m nabatara nzọpụta mgbe ahụ na n'oge ahụ. N’ihi ihe ndị a, ekpesiri m ekpere ike ka Chineke gbaghara m mmehie m n’ihi Jizọs Kraịst ma mee ka m ghọta na enwetawo m nzọpụta n’ezie site n’aka Ya. Ekweere m nkwa Chineke wee tinye obi m niile n’Okwu Ya, ma mgbe m meworo nke a, ibu arọ m si n'ahụ m dapụ, m wee chọpụta na a gbághàráwo m na napụta m n’ike nke mmehie.