Ayat-ayat Alkitab Ternama dari ईशायाह 54

Bagikan

पर तेरी निं किछ़ू अस्त्र-शस्त्रा करै हान्‍नी हणीं, ज़ुंण ताल्है दोश लाआ, ताखा हणअ तिन्‍नें हर गल्‍लो ज़बाब। आपणैं दासो पक्ष लणअ मुंह आप्पै अर तेऊ निं हुंह हारनै दैंदअ।” अह गल्‍ल डाही बिधाता बोली।

च़ाऐ बडै-बडै पर्बत अर धारा ओर्ही पोर्ही सिक्‍के, पर मेरअ ताल्है झ़ूरनअ निं खतम हणअ, ताह संघै मेल़-ज़ोल़े करार डाहणीं मुंह सदा। इहअ बोला हुंह बिधाता ज़ुंण ताल्है खास्सअ झ़ूरा।”

तूह निं डरी आथी, ताह निं ऐबै भिई शर्मिंदी हणअ पल़णअ, तूह निं हैअ चोल़ी आथी। तूह जाणीं तेऊ विश्वास घाता बिस्सरी ज़ुंण तंऐं ज़ुआनी दी किअ, ऐहा गल्‍ले माल़ी निं च़ेती कि तूह छ़ुटी बिधबा बेटल़ी ज़ेही कल्ही।

किल्हैकि ताह बणाणैं आल़अ परमेशर आसा ताल्है तेरै मर्धा ज़िहअ, तेऊ नाअं आसा स्वर्गे सारी सैनो मालक बिधाता। इज़राईले पबित्र परमेशर बिधाता हेरनी तूह बच़ाऊई सारै संसारा प्रैंदै आसा सह ई राज़अ।

आपणैं डेरै कर खुल्है-बिरलै, तेते खिम्भा दी ला लाम्मी-लाम्मी राश्शी अर खुंढी डाह पाक्‍की टोक्‍की।

मुंह बिधाता दैणीं तेरी लुआदा लै आप्पै शिक्षा संघा दैणीं मुंह तिन्‍नां लै बर्गत अर शांती।

हुंह त थोल़ी घल़ी लै रुश्शअ द, ऐबै फिरी मुंह तेरी झींण मुंह झ़ूरनअ ताल्है सदा।’ इहअ बोला सह बिधाता ज़ुंण ताह बच़ाऊंणै आल़अ आसा।

‘मंऐं छ़ाडअ तूह थोल़ी घल़ी लै, पर हुंह झ़ूरा ताल्है खास्सअ अर तूह फरेऊंणअ मुंह बापस।

नूहे ज़मानै बोलअ त मंऐं इहअ कि ऐबै निं मुंह पृथूई दी भिई कधि पाणीं करै प्रल़या करनी। ऐबै बोला हुंह इहअ कि हुंह निं ताल्है भिई रोश्श करदअ, नां ताल्है झांश काढणीं अर नां सज़ा दैणी।

तेरै फेर-फिरदै गहल़े दुआलीए मडाथरू दी लाणैं मुंह मानिक नाओंए पात्थर ज़ेता का च़लकार लागा, तेरी प्रऊल़ी दी बी लाणैं मुंह इहै किम्मती पात्थर ज़ुंण आगी ज़िहै च़मका अर फेर-फिरदी दुआली दी लाणीं मुंह किम्मती मणीं।