Ayat-ayat Alkitab Ternama dari ईशायाह 43

Bagikan

तिन्‍नां गल्‍ला भाल़ा ज़ुंण मंऐं ऐबै लाई करी। तिंयां आसा हंदी गई दी लागी, तम्हां कै तिंयां शुझदी दी निं आथी? मुंह बणाणीं रेगीस्ताना दी खुल्ही सल़क अर तेथ काढणीं मुंह तम्हां लै पाणींए गाडा।

ज़ेभै तम्हैं डुघअ दरैअ टपे, हुंह हणअ तेभै तम्हां संघै, हुंह निं तम्हां तेथ डुबणै दैंदअ। ज़ै तम्हैं भकी दी आगी बाती डेओए, तेता करै निं हुंह तम्हां दझ़णैं दैंदअ, तम्हैं निं धख बी झल़ुशणैं आथी।

पर बिधाता बोला इहअ, “ज़ुंण गल्‍ला बिति गई तेता आद करदै निं लागा, तेते सोठ निं डाह पाई।

इज़राईलीओ, बिधाता ज़ुंणीं तम्हैं बणाऐं दै आसा, सह बोला इहअ, “तम्हैं याकबे आद-लुआद निं डरदै लागी, हुंह बच़ाऊं तम्हां, मंऐं आसा तम्हैं नाअं बोली शादै दै, तम्हैं आसा मेरै।

थारी ज़िन्दगी बच़ाऊंणे पिछ़ू छ़ाडणैं मुंह सोभ देश, किल्हैकि तम्हैं आसा मुल्है सोभी मणछा का खास अर किम्मती। किल्हैकि हुंह झ़ूरा तम्हां लै खास्सअ अर हुंह करा थारअ अदर।

किल्हैकि हुंह ज़ुंण थारअ परमेशर बिधाता, इज़राईलो पबित्र परमेशर आसा, मुंह बच़ाऊंणै तम्हैं आप्पै। तम्हां बच़ाऊंणे बदल़ै छ़ाडणैं मुंह मिसर देश, कूश देश अर सबा नगरी।

तम्हैं निं डरी आथी, तम्हां संघै आसा हुंह आप्पै! तम्हैं आणनैं मुंह पुर्ब-पछ़म दूरा-दूरा का थारै घअरा लै बापस फरेऊई।

हुंह आसा सह ई परमेशर ज़ुंणीं थारै पाप माफ किऐ, अह पल़अ मुंह करनअ किल्हैकि एता सका सिधअ हुंह ई करी, मुंह निं थारै पाप आद डाहणैं।

इज़राईलीओ, मेरै शाजत आसा तम्हैं, मंऐं आसा तम्हैं छ़ांटै दै कि तम्हैं मेरी च़ाकरी करे, ताकि तम्हां का मुंह बिधातो थोघ लागे अर मुंह दी विश्वास करे, ताकि तम्हां समझ़ एछे कि हुंह ई आसा परमेशर एक्‍कै। मुंह छ़ाडी निं होर कोहै परमेशर आथी, नां कुंण मुखा आजी थिअ अर नां आजू कुंण हणअ।

हुंह आसा बिधाता, तम्हां सका सिधअ हुंह बच़ाऊई।

हुंह आसा परमेशर अर हुंह रहणअ सदा। मुखा निं कोहै छ़ुटी सकदअ अर ज़ुण मुंह करनअ, तेता लै निं मुंह कोहै रोक्‍की सकदअ।”

बणें ज़ीबा तोही करनअ मेरअ अदर, हुहल़ू अर शैल़ी-शैल़ठै बी करनीं मेरी ज़ै-ज़ैकार ज़ांऊं मुंह आपणीं परज़ा लै पाणीं दैणा लै रेगीस्तानै पाणींए गाडा बहाऊंणी। अह इज़राईली परज़ा आसा मंऐं आप्पू लै छ़ांटी दी, तिन्‍नां करनीं गिहा बोली मेरी ज़ै-ज़ैकार।”

मुंह बोल़णअ उतर दिशा लै, ‘इना छ़ाडा ओर्ही।’ दखण दिशा लै बोल़णअ मुंह, ‘इना रोक्‍कदै निं लागा।’ मेरै लान्हैं-सुन्हैं आणा पृथूईए पुंझ़ा ओर्ही झाल़ी। तिंयां आसा मेरै आपणैं, मंऐं आसा तिंयां एते तैणीं बणाऐं दै कि तिन्‍नां करै मेरअ प्रतप्प प्रगट होए।”

सह थिअ हुंह बिधाता ई ज़ुंणीं लाल समुंदर दूई बाखा लै किअ संघा बणाईं मांझ़ा-मांझ़ी शुक्‍की बात। सह आणी ती मंऐं मिसर देशे सैना थारै पिछ़ै करदी रथा-घोल़ै पाई, संघा पाई सारी सैना समुंदरै डबेऊई मारी। तिंयां पल़े तेथ लाम्मै अर तेखअ निं तिंयां भिई खल़ै उझ़ुऐ! तिंयां हिठै लाटूए बाती ज़िहै।”

हुंह आसा बिधाता, थारअ पबित्र परमेशर। तम्हैं इज़राईली आसा मंऐं बणाऐं दै अर थारअ राज़अ आसा हुंह।