Ayat-ayat Alkitab Ternama dari ईशायाह 42

Bagikan

“मंऐं बिधाता छ़ांटै तम्हैं कि तम्हैं अर तम्हां लै दैनअ मंऐं बल कि तम्हैं पृथूई दी नसाफ भाल़ी सके। तम्हां बाती करनीं मुंह सोभी लोगा संघै करार अर तम्हां करै करनअ मुंह सोभी देशा लै प्रैश्शअ। मुंह करनअ इहअ कि तम्हैं कांणै मणछे आछी घुआल़े अर तिन्‍नां आज़ाद करे ज़ुंण न्हैरै कैदखानै आसा बेठै दै।

हुंह आसा बिधाता अर अह ई आसा मेरअ नाअं। होर देअ-देबी निं मेरै प्रतप्पा दी साझ़ू आथी ज़ुंण स्तोती मेरी लोल़ी हुई, तेतो भाग निं हुंह हाथा करै बणाईं दी मुहुर्ती लै दैंदअ।

बिधाता बोला इहअ, “मेरै दासा भाल़ा, ज़ुंण मंऐं आसा सभाल़अ द, ज़ुंण मंऐं छ़ांटअ द आसा, ज़हा का हुंह खुश आसा। मंऐं पाई तेऊ दी आपणीं आत्मां अर मुंह करनअ ज़ाती-ज़ाती लै नसाफ।”

तेऊ निं जैंटी दी नगाल़ै चोल़णी, नां तेऊ हिठदी धूँआं दैंदी बाती दैणअ हिठणै, तेऊ दैणअ सोभी लै सत्त अर नसाफ। नां सह थकणअ अर नां तेऊ हैअ चोल़णअ, ज़ेभै तैणीं तेऊ पृथूई सारै दी नसाफ निं आणअ। दूर समुंदरे टापू दी बस्सै दै मणछा बी रहणअ तेऊए शिक्षा न्हैल़ै लागी।

आपणीं कांणी परज़ा नढैऊंणीं मुंह तैहा बाता ज़ेथ तिंयां कधि निं हांढै। तिन्‍नों न्हैरअ बदल़णअ मुंह प्रैश्शै दी ढेक-ढुंखरा आल़ी ज़ैगा करनीं मुंह तिन्‍नां लै सरली। अह गल्‍ल डाही मंऐं बिधाता बोली अर अह करनीं मुंह ज़िहअ मंऐं बोलअ तेही ई पूरी।

राम्बल़ै करै भाल़ा! ज़ुंण मंऐं बोलअ त, सह निभअ तिहअ ई। ऐबै डाहणीं मुंह तम्हां का होर नऊंईं गल्‍ला खोज़ी, तिन्‍नां हणैं का आजी डाहणअ मुंह तेते बारै तम्हां का खोज़ी।”