1
गलाती 6:9
बाघली सराज़ी बोली दी पबित्र शास्त्र
OSJ
हाम्हां निं भलै कामां करना लै हैअ छ़ाडणअ, किल्हैकि, ज़ै हाम्हैं ढिलै नां होए, तै भेटणअ हाम्हां परमेशरे सोठी दी बेला दी तेतो फल।
Bandingkan
Telusuri गलाती 6:9
2
गलाती 6:10
तै बोला हुंह कि ज़िधी तैणीं हाम्हां मोक्कअ भेटे, हाम्हां करनी सोभी संघै भलाई, खासकर भाई-बैहणी संघै ज़ुंण मसीहा दी विश्वास करनै करै म्हारै टबरा ज़िहै आसा।
Telusuri गलाती 6:10
3
गलाती 6:2
हाम्हां लागा एकी दुजे मज़त करनी ज़ुंण बी हाम्हां मांझ़ै तंगी-तकलिफी दी होए अर एऊ ई साबै करै मसीहे बधाना पूरै।
Telusuri गलाती 6:2
4
गलाती 6:7
आप्पू लै धोखअ निं दैआ, ज़ै हाम्हैं इहअ सोठा कि हाम्हैं सका परमेशरा लै धोखअ दैई ता, तै आसा हाम्हैं ऐडै, किल्हैकि मणछ ज़िहअ बऊआ, तिहअ ई लऊंणअ बी तेऊ।
Telusuri गलाती 6:7
5
गलाती 6:8
किल्हैकि ज़ुंण मणछ आपणैं पापी सभाबे साबै काम करा तेऊ का शुझणीं कि तेता करै आई तेऊ लै मौत। पर ज़ुंण पबित्र आत्में साबै काम करे तेऊ का शुझणअ कि पबित्र आत्मां दैनी तेऊ लै सदा रहणैं आल़ी ज़िन्दगी।
Telusuri गलाती 6:8
6
गलाती 6:1
भाईओ, तम्हैं ज़ुंण पबित्र आत्में साबै ज़िन्दगी ज़िऊआ ज़ै तम्हां का कसरै बारै इहअ थोघ लागे कि तेऊ किअ पाप, तेऊ फरेऊआ बडी झ़ूरी संघै बापस। आपणअ बी डाहा धैन कि तम्हैं बी निं किधी तिहअ ई पाप करे।
Telusuri गलाती 6:1
7
गलाती 6:3-5
ऐहा गल्लो डाहै धैन ज़ुंण इहअ समझ़ी दुजे मज़त नांईं करदै कि तिंयां आसा होरी का खास्सै ज़रूरी, असली दी निं तिंयां खास्सै ज़रूरी आथी अर तिंयां दैआ आप्पू लै धोखअ। हरेक मणछ दैआ आप्पू परखणीं कि थारै काम भलै आसा कि नांईं। ज़ै तम्हैं बधिया किअ, तैहा गल्ला सका आपणीं बड़ैई करी पर होरीए कामां संघै निं तेते तोल करदै लागणअ। किल्हैकि हाम्हां सोभी लागा आपणैं कामें ज़िम्मैंबारी आप्पै लणी।
Telusuri गलाती 6:3-5