Ayat-ayat Alkitab Ternama dari इफिसी 1

Bagikan

हुंह करा प्राथणां बी कि परमेशर थारै दिलै तैहा गल्‍ला प्रगट करे ज़ेता सह हाम्हां लै दैणअ च़ाहा, ताकि तम्हां का थोघ लागे कि ज़ेते हाम्हां तेऊ का आशा आसा तिंयां गल्‍ला हाम्हां लै केतरी महान आसा। अर तिन्‍नां सोभी लै बी ज़ुंण तेऊ पबित्र हणें तैणीं शादै दै आसा। हुंह च़ाहा इहअ कि तम्हां का परमेशरे महान शगतीओ थोघ लागे ज़ुंण हाम्हां मसीहा दी विश्वास करनै आल़ै लै आसा डाही दी। अह आसा सह ई महान शगती ज़ेता करै परमेशरै मसीहा भिई ज़िऊंदअ किअ अर सह मसीहा स्वर्गै आपणीं दैहणीं बाखा सोभी का बडी पदबी दी बशैल़अ। तेऊ संसारै हणअ मसीहा सोभी प्रैंदै राज़अ। हरेक शगती आल़ी आत्मां, हर राज़ करनै आल़ै नाअं ज़ुंण बी आसा तिन्‍नां सोभी का आसा मसीहा सोभी का बडअ सदा लै राज़अ।

अह आसा इहअ कि स्वर्ग अर पृथूई बणाणैं का पैहलै ई छ़ांटै परमेशरै हाम्हैं मसीहा करै आप्पू लै। ताकि हाम्हैं पबित्र होए अर हाम्हां दी परमेशरा किछ़ै खोट निं शुझिए। किल्हैकि परमेशर करा हाम्हां लै झ़ूरी, तेऊ डाही पैहलै ई अह गल्‍ल हाम्हां लै सोठी कि तेऊ बणाणैं हाम्हैं मसीहा ईशू करै आपणैं शोहरू।

परमेशर आसा जश अर झींण करना लै सेठ। ज़ेभै मसीहा म्हारी तैणीं आप्पू बल़ीदान हुअ, परमेशरै दैनअ हाम्हां लै मसीहे लोहू करै छ़ुटकारअ अर म्हारै पाप किऐ तेऊ माफ।

परमेशरो करा शूकर ज़ुंण म्हारै प्रभू मसीहा ईशूओ बाब आसा। तेऊ दैनी हाम्हां लै मसीहा दी स्वर्गे ज़ैगा सोभी रंगे आत्मिक बर्गत। किल्हैकि हाम्हैं हुऐ मसीहा संघै एक।