Ayat-ayat Alkitab Ternama dari Mbete Matiye 15

Bagikan

Ɓay ké ti̧h ke nzak nzuk ba, sa̧wu ur ke law nzuk. Kaŋ mí suya ké nzuk ɓah mí hi̧ Ŋgerzah ko nzuku ɓa fe a kala. Sa̧w kerɓay a pipiri-uri ti̧h ke ɓil law kandɔk í nzuk, mbí wu̧y wo̧ro, láɓ nunpuki, ríh riɓa, kúŋ ɓay ku̧ nzak nzuk, ɓáh suya ke riŋ nzuk.

Fe ké nzuk su̧ si rih ɓil ye ta sih law nzuku ké nun Ŋgerzah ya. Wara le ɓay ké nzuk ɓah ke nzak ye mí hi̧ Ŋgerzah ko ni ɓa fe a kala. »

“Gun Izarayelri-ay, ku hȩk mi ke nzak, law woyri le ɗi-ɗih ziŋ mi. Ku dim mi gɔr. Fe firma kú-u firma nzukri le ɓa kerɓay nzuk pirmatulri. ” »

Wara mí Zezu yih nzak ye ɓahri : « Wu̧y, soko wo. Law wo ké te sa tul bi ŋgi̧ mbamba. Fe-u ɓá laɓ kandɔk ké mu yih. » Kaŋ mí záh ra ti̧h poŋ gun wu̧y ra hi̧ ke tu mun ye ke sa̧wseh-u-aw.

Wu̧y ra loh ma ta̧w Zezu, mí ke huk siɓa ɓahri : « Gaŋ a luki, í ya̧ ta̧hna bi ge. » Zezu ba, ɓahri : « Mbí fe su̧na gunri vbu siɓa hi̧ gun gayri suya. » Bale wu̧y ra ɓahri : « Gaŋ a luki ɓah ketina ɓayu ké gun gayri dam bukma fe su̧na ké ga̧y ku̧ siɓa ké gel fe su̧na gaŋ woyri. »