Ծրագրի մասին
Ինչպե՞ս ապրել Աստծու իշխանության ներքո և ստանալ խոստացված ժառանգությունըՕրինակ
Ստացեք հավելվածը
Դու հաղթո՛ղ ես Տեր Աստծո մեջ
«Սրանից հետո տեսա. ահա մեծ բազմություն, որին ոչ ոք չէր կարող հաշվել, կազմված բոլոր ազգերից, ցեղերից, ժողովուրդներից ու լեզուներից, որոնք կանգնած էին աթոռի և Գառան առաջ՝ սպիտակ զգեստներ հագած և արմավենու ճյուղեր իրենց ձեռքերին։ Եվ բարձրաձայն աղաղակում էին ու ասում. «Փրկությունը մեր Աստծունն է, որ նստում է աթոռի վրա, և Գառանը» (Հայտնություն 7.9-10):
Սիրելի՛ բարեկամ, Տեր Հիսուսը նստած է Իր փառքի գահին, և չկա մեկը, ով կարող է մրցակցել Նրա հետ Իր ունեցած այս փառքի և տարած հաղթանակի մեջ։ Նա տիրում է Իր ողջ վեհափառությամբ և պատվով։ Նա հաղթել է պայքարը՝ կործանելով մահվան զորությունը։ Եվ եթե դու Քրիստոսի աշակերտն ես, ապա ահա թե ինչ է այս ամենը նշանակում քեզ համար․
- Դու հաղթող ես Քրիստոսի շնորհիվ։
- Դու ազատ ես։ Քո բոլոր կապանքները փշրված են։
- Տեր Հիսուս Քրիստոսի հետ դու Աստծո Արքայության ժառանգորդ ես։
- Դու համարձակ կարող ես քայլել Նրա իշխանության մեջ։
- Դու լցված ես Նրա կյանքով։
- Դու Նրա Սուրբ Հոգու տաճարն ես։
Աստծո համար թանկ ու սիրելի՛ զավակ, քանի որ Տեր Հիսուսը հաղթել է և կործանել մեղքի իշխանությունը, դու հիմա ամեն օր կարող ես քայլել Նրա զորության և աննկարագրելի հաղթանակի մեջ։
Աղոթի՛ր ինձ հետ միասին դավանության այս աղոթքով. «Տե՛ր Հիսուս, ես հավատում եմ Քեզ։ Դու իմ կյանքի Տերն ես ու իմ Փրկիչը։ Դու իմ Արքան ես՝ իմ կյանքի Տերը։ Դու իմ արդարությունն ես։ Ես Քո մեջ եմ գտել իմ խաղաղությունը։ Քո իշխանության ներքո ապրելը իմ կյանքի ուրախությունն է։ Դու արքաների Արքան ես և տերերի Տերը։ Ես հաղթող եմ Քո՛ մեջ։ Եվ ես որոշել եմ համարձակ քայլել կյանքի բոլոր դժվարությունների միջով՝ լցված այն զորությամբ, որը Քո Սուրբ Հոգուց է բխում։ Աղոթում եմ Քո սուրբ ու պատվական անունով։ Ամե՛ն»։
Հիշի՛ր, որ դու Աստծո հրաշքն ես, և Աստված սիրում է քեզ։
Շնորհակալ եմ, որ դու կա՛ս։
Հ.Գ. Ընթերցանության այս ծրագրի տեքստը վերցված է «Քո հրաշքն՝ ամեն օր» ուղերձներից, որոնց շնորհիվ ամեն օր Արման Մանուկյանը կիսվում է Աստծո Խոսքի շուրջ խրախուսական մտորումներով՝ ի քաջալերանք յուրաքանչյուրի, ով սիրում և անկեղծորեն հետևում է Տեր Հիսուսին։ Ամենօրյա քաջալերական ուղերձները ստանալու համար կարող եք բաժանորդագրվել.Hisus.amկայքում։
Եվ թող ամեն օրվա Ձեր հրաշքն ու քաջալերանքն անպայմա՛ն հասնեն Ձեզ ու լուսավորեն Ձեր կյանքը։
Սուրբ Գրություն
Այս Ծրագրի Մասին
Տեր Հիսուսը նստած է Իր փառքի գահին, և չկա մեկը, ով կարող է մրցակցել Նրա հետ Իր ունեցած այս փառքի և տարած հաղթանակի մեջ։ Նա տիրում է Իր ողջ վեհափառությամբ և պատվով։ Նա հաղթել է պայքարը՝ կործանելով մահվան զորությունը։ Եվ ե...
More
Մենք ցանկանում ենք շնորհակալություն հայտնել hisus.am-ին այս պլանը տրամադրելու համար: Լրացուցիչ տեղեկությունների համար այցելեք՝ https://hisus.am/
