Matayo 9
9
Yesu nakimulami̱sa muluku mindia yakatimani̱o
(Maliko 2:1-12; Luka 5:17-26)
1Du̱mbi̱ Yesu nakidhaya bhwati̱ nakizaba ka tau̱ni̱ kindia yali̱kaga.#9:1 Yesu yali̱kaga ka tau̱ni̱ ndia ka Kapelenau̱mu̱. 2Bhaluku bemoti̱ nibhaki̱mbi̱ki̱sa muluku mindia yakatimani̱o nibhanku̱mbei̱ ka mukeka. Yesu ndia atangia nibhali na hi̱ki̱li̱za, nakingia muluku mindia yakatimani̱o bhiyo; “Mi̱ki̱ mindiamo mu̱lu̱ku̱aki, odhuwe tuntula, kibi ndiako bhakugani̱li̱a.”
3Du̱mbi̱ bhaegesi̱ sa kilagilo ndia Mambombi̱ ampesi̱a Musa nibhakyeli̱li̱kana bhiyo; “Muluku miyo ali kabbaki̱si̱a Mambombi̱.”
4Yesu ndia ai̱ba ndia bhabhi̱ kakweli̱li̱kana, abhugia bhiyo; “Bhuli kakweli̱li̱kana kima mazinana ka mulima ndianu̱ nangeki? 5Adhoti̱ gia bhiyo; ‘Kibi ndiako bhakugani̱li̱a,’ kedha gia bhiyo; ‘Ome toli̱ odhetage’? 6No nikikabha bhu̱i̱be eti, Mi̱ki̱ mindia Nkpa ali na mani̱ ka nsi sa gani̱li̱a kibi.” Du̱mbi̱ nakingia muluku mindia yakatimani̱o bhiyo; “Ome, oku̱mbe mukeka ndiako oye ka i̱nji̱.” 7Du̱mbi̱ muluku nakima toli̱ naki̱ya ka i̱nji̱. 8Bi̱ya bhakpa ndia bhatangia ndia aenikani̱o, nki̱li̱ nakibhutina toli̱ nibhakinsinda Mambombi̱ mindia abhupesi̱a bhakpa mani̱ sie yoho.
Yesu nakimbuwa Matayo
(Maliko 2:13-17; Luka 5:27-32)
9Yesu nalia ki̱ya katukaki kindia yabhi̱o, antangia muluku i̱naki nandiye Matayo nali̱kagi̱ kindia yabhakumesiliaga musolo. Yesu nakingia bhiyo; “Onitombe oyage nemi,” toli̱ Matayo nakima nakintomba.
10Yesu na bhaegi̱ ndibhaki nibhaki̱ya ka i̱nji̱ ndia Matayo tamabhugo-bhugo. Nibhalia kiliaga, bhaku̱mesi̱ musolo bi̱yabho na bhakoli̱ kibi nibhakiliaga naye. 11Bhafali̱sayo ndia bhatangia yoho, bhabhuolu̱li̱a bhaegi̱ ndibhaki bhiyo; “Mwegesi̱ mindianu̱ akiliagaga na bhaku̱mesi̱ musolo na bhakoli̱ kibi nangeki?”
12Yesu ndia aoka yoho, abhu̱si̱ki̱aku̱ bhiyo; “Mindia alwali̱o akinkabhaga ndiye mulami̱si̱ no ndia kandi mindia kalwali̱. 13No bhu̱ye bhuege makulu si̱: Nikikabha bhakpa bhabhugbelie bhadabho kobhu̱, no ndia kali bhembiliami#9:13 Hoseya 6:6., nanga ki̱bi̱ka kabha ndibha bhagbokiliani̱o no bhakoli̱ kibi.”
Yesu nakiegesabe si̱ba
(Maliko 2:18-22; Luka 5:33-39)
14Du̱mbi̱ bhaegi̱ ndibha Yohana Mbati̱zi̱ nibhaki̱ya olu̱li̱a Yesu bhiyo; “Bhesu̱ imamoti̱ na Bhafali̱sayo ki̱ki̱si̱baga no bhaegi̱ ndibhako bhakaki̱si̱baga nangeki?”
15Yesu naki̱bhu̱si̱ki̱aku̱ bhiyo; “Bhaegi̱ ndibhamo bhali bhia bhageni̱ ka bhu̱geni̱ sa amana. Bhakitoka bhoni̱ si̱ba emi ngoli mu̱lu̱ku̱aki ninilia nabho? Bwile akiduwa ndia bhada kibhubhuwabe ngoli mu̱lu̱ku̱aki. Menjo bhada ki̱si̱ba.
16“Kalibe mindia akisaniaga ngoye zali̱ei̱ kindia anyoki̱o na hala ngoye mpiaka, nanga hala ngoye mpiaka injo akidhua ngoye zali̱ei̱ anyokage si̱ni̱. 17Nesi̱ ndia kalibe nkpa mindia akitoka bi̱si̱li̱a maondo ka nkoba zali̱ei̱ nanga maondo injo kahu̱la akibbuma nkoba du̱mbi̱ adhu̱kane gwabhi̱mba. Bhuai̱be maondo bhaki̱bi̱si̱li̱aga ka nkoba mpiaka andu̱lu̱ maondo injo kahu̱la, kalakibbuma nkoba toli̱ kalibe ndia aki̱lu̱zu̱kana.”
Yesu naki̱mu̱hu̱mbu̱la nsika na lami̱sa nkali̱
(Maliko 5:21-43; Luka 8:40-56)
18Yesu nalia kionga na bhaegi̱ ndibha Yohana, mulemi ai̱ya naki̱su̱ku̱mana kei̱soaki nakingia bhiyo; “Mi̱ki̱ mindiamo nkali̱aki aku̱ endindi. Obi̱ke ombi̱sebe kibhoko ndiako du̱mbi̱ aki̱hu̱mbu̱ka.” 19Yesu na bhaegi̱ ndibhaki bhameliaku̱ nibhaki̱ya naye.
20Andu̱lu̱ ndia nkali̱ mindia abhi̱ naladhaki̱ mwaka komi̱ namu̱lu̱ bhali nali na ndwali̱ sa dhu̱kana magi̱la ambi̱ki̱li̱a Yesu mbu̱sa nakigba ka nsondo sa gandula ndiaki. 21Nkali̱ miyo nakyeli̱li̱kana ka mulima ndiaki bhiyo; “Kigba ka gandula ndiaki, nikilama.”
22Yesu nakigali̱ngana, ndia antangia nakingia bhiyo; “Kolokutiya, hi̱ki̱li̱za ndiako akulami̱si̱a.” Menjo nkali̱ nakilama.
23Yesu ndia agodha ka ndabho ndia mulemi abhutakana bi̱ya bhakpa nibhali kalimba limbo sa lu̱mba bhakpa ndibha bhaku̱wo na ndibhetolo nibhali ka ngamu, 24nakibhugia bhiyo; “Bhu̱ye kansenge, nsika kaku̱, no alali̱a.” Du̱mbi̱ nibhakintebiaga. 25Bi̱ya bhakpa ndia bhahu̱wa ka ndabho, Yesu agodha ka kisika ndia nsika nakingba ka kibhoko du̱mbi̱ nakima. 26Makulu yoho nakidhakiaga kyalo poni.
Yesu nakibhulami̱sa bhaluku bhebhali bhadhakanagi̱ i̱so
27Yesu nali katukaki ka i̱nji̱ ndia mulemi, bhaluku bhebhali bhadhakani̱ i̱so bhai̱ya nibhantombi̱ nibhalia kimueka bhiyo; “Nana Dhau̱dhi̱, okigbelie kobhu̱.”
28Yesu ndia agodha ka ndabho, bhaluku bhadhakani̱ i̱so nibhakimuyabe toli̱ nakibhuolu̱li̱a bhiyo; “Bhuli na hi̱ki̱li̱za eti nikitoka lami̱sanu̱?” Nibhaki̱nsi̱ki̱aku̱ bhiyo; “Alibhu Sali̱a.”
29Du̱mbi̱ nakibhugba ke i̱so nakigia bhiyo; “Akibhabhu nanga hi̱ki̱li̱za ndianu̱.” 30Toli̱ nibhaki̱zi̱ba. Yesu nakibhuhabhula bhiyo; “Bhukulukuntolia nkpa poni yoho.” 31No ndia bhai̱ya, bhai̱sa makulu yoho ka kyalo poni.
Yesu nakimulami̱sa ki̱ngi̱
32Nibhalia ki̱ya, muluku mindia yabhubhandu̱ bhali̱mo, toli̱ nali ki̱ngi̱ bhamu̱i̱sa kindia Yesu. 33Ndia ambiyabe muluku miyo bhali̱mo, ki̱ngi̱ nakitandika onga. Bhakpa bhoponi nki̱li̱ nakibhutina toli̱ nibhakigia bhiyo; “Kima mabhiyo kaenikanimbebe ka Isaleli̱.”
34No Bhafali̱sayo nibhakigia bhiyo; “Nkuma bhali̱mo poni ampesi̱ ndiye mani̱ sa bhiyabe bhakpa bhali̱mo.”
Yesu nakibhugbelia bhakpa kobhu̱
35Yesu ai̱ya ka tau̱ni̱ na ngongwa-mbi̱li̱ bi̱yai̱ ndia ka Galilaya, nakibhuegesa bhakpa ka Ndabho kindia Bhayu̱daya yabhalami̱li̱aga poni na tebeza Makulu Mabhonga sa kusali̱a ndia Mambombi̱ na lami̱sa ndwali̱ poni ka bhakpa. 36Ndia abhutangia bi̱ya bhakpa nibhatu̱ntu̱li̱ ndia bhakamuli na mindia akibhukonia, nakibhugbelia kobhu̱, bhia bhantama ndibha bhakamuli na mindia aki̱bhu̱li̱si̱a. 37Du̱mbi̱ nakibhugia bhaegi̱ ndibhaki bhiyo; “Sa hululai̱ amadhi̱a, no bhakoli̱ bhali bhake. 38Ti̱-no, bhunkunge Sali̱a nkuma ti̱ko, andu̱lu̱ abhutike bhakoli̱ bhamamadha ndibha bhakihulula.”
Արդեն Ընտրված.
Matayo 9: KWAMBA
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc., 2025
Matayo 9
9
Yesu nakimulami̱sa muluku mindia yakatimani̱o
(Maliko 2:1-12; Luka 5:17-26)
1Du̱mbi̱ Yesu nakidhaya bhwati̱ nakizaba ka tau̱ni̱ kindia yali̱kaga.#9:1 Yesu yali̱kaga ka tau̱ni̱ ndia ka Kapelenau̱mu̱. 2Bhaluku bemoti̱ nibhaki̱mbi̱ki̱sa muluku mindia yakatimani̱o nibhanku̱mbei̱ ka mukeka. Yesu ndia atangia nibhali na hi̱ki̱li̱za, nakingia muluku mindia yakatimani̱o bhiyo; “Mi̱ki̱ mindiamo mu̱lu̱ku̱aki, odhuwe tuntula, kibi ndiako bhakugani̱li̱a.”
3Du̱mbi̱ bhaegesi̱ sa kilagilo ndia Mambombi̱ ampesi̱a Musa nibhakyeli̱li̱kana bhiyo; “Muluku miyo ali kabbaki̱si̱a Mambombi̱.”
4Yesu ndia ai̱ba ndia bhabhi̱ kakweli̱li̱kana, abhugia bhiyo; “Bhuli kakweli̱li̱kana kima mazinana ka mulima ndianu̱ nangeki? 5Adhoti̱ gia bhiyo; ‘Kibi ndiako bhakugani̱li̱a,’ kedha gia bhiyo; ‘Ome toli̱ odhetage’? 6No nikikabha bhu̱i̱be eti, Mi̱ki̱ mindia Nkpa ali na mani̱ ka nsi sa gani̱li̱a kibi.” Du̱mbi̱ nakingia muluku mindia yakatimani̱o bhiyo; “Ome, oku̱mbe mukeka ndiako oye ka i̱nji̱.” 7Du̱mbi̱ muluku nakima toli̱ naki̱ya ka i̱nji̱. 8Bi̱ya bhakpa ndia bhatangia ndia aenikani̱o, nki̱li̱ nakibhutina toli̱ nibhakinsinda Mambombi̱ mindia abhupesi̱a bhakpa mani̱ sie yoho.
Yesu nakimbuwa Matayo
(Maliko 2:13-17; Luka 5:27-32)
9Yesu nalia ki̱ya katukaki kindia yabhi̱o, antangia muluku i̱naki nandiye Matayo nali̱kagi̱ kindia yabhakumesiliaga musolo. Yesu nakingia bhiyo; “Onitombe oyage nemi,” toli̱ Matayo nakima nakintomba.
10Yesu na bhaegi̱ ndibhaki nibhaki̱ya ka i̱nji̱ ndia Matayo tamabhugo-bhugo. Nibhalia kiliaga, bhaku̱mesi̱ musolo bi̱yabho na bhakoli̱ kibi nibhakiliaga naye. 11Bhafali̱sayo ndia bhatangia yoho, bhabhuolu̱li̱a bhaegi̱ ndibhaki bhiyo; “Mwegesi̱ mindianu̱ akiliagaga na bhaku̱mesi̱ musolo na bhakoli̱ kibi nangeki?”
12Yesu ndia aoka yoho, abhu̱si̱ki̱aku̱ bhiyo; “Mindia alwali̱o akinkabhaga ndiye mulami̱si̱ no ndia kandi mindia kalwali̱. 13No bhu̱ye bhuege makulu si̱: Nikikabha bhakpa bhabhugbelie bhadabho kobhu̱, no ndia kali bhembiliami#9:13 Hoseya 6:6., nanga ki̱bi̱ka kabha ndibha bhagbokiliani̱o no bhakoli̱ kibi.”
Yesu nakiegesabe si̱ba
(Maliko 2:18-22; Luka 5:33-39)
14Du̱mbi̱ bhaegi̱ ndibha Yohana Mbati̱zi̱ nibhaki̱ya olu̱li̱a Yesu bhiyo; “Bhesu̱ imamoti̱ na Bhafali̱sayo ki̱ki̱si̱baga no bhaegi̱ ndibhako bhakaki̱si̱baga nangeki?”
15Yesu naki̱bhu̱si̱ki̱aku̱ bhiyo; “Bhaegi̱ ndibhamo bhali bhia bhageni̱ ka bhu̱geni̱ sa amana. Bhakitoka bhoni̱ si̱ba emi ngoli mu̱lu̱ku̱aki ninilia nabho? Bwile akiduwa ndia bhada kibhubhuwabe ngoli mu̱lu̱ku̱aki. Menjo bhada ki̱si̱ba.
16“Kalibe mindia akisaniaga ngoye zali̱ei̱ kindia anyoki̱o na hala ngoye mpiaka, nanga hala ngoye mpiaka injo akidhua ngoye zali̱ei̱ anyokage si̱ni̱. 17Nesi̱ ndia kalibe nkpa mindia akitoka bi̱si̱li̱a maondo ka nkoba zali̱ei̱ nanga maondo injo kahu̱la akibbuma nkoba du̱mbi̱ adhu̱kane gwabhi̱mba. Bhuai̱be maondo bhaki̱bi̱si̱li̱aga ka nkoba mpiaka andu̱lu̱ maondo injo kahu̱la, kalakibbuma nkoba toli̱ kalibe ndia aki̱lu̱zu̱kana.”
Yesu naki̱mu̱hu̱mbu̱la nsika na lami̱sa nkali̱
(Maliko 5:21-43; Luka 8:40-56)
18Yesu nalia kionga na bhaegi̱ ndibha Yohana, mulemi ai̱ya naki̱su̱ku̱mana kei̱soaki nakingia bhiyo; “Mi̱ki̱ mindiamo nkali̱aki aku̱ endindi. Obi̱ke ombi̱sebe kibhoko ndiako du̱mbi̱ aki̱hu̱mbu̱ka.” 19Yesu na bhaegi̱ ndibhaki bhameliaku̱ nibhaki̱ya naye.
20Andu̱lu̱ ndia nkali̱ mindia abhi̱ naladhaki̱ mwaka komi̱ namu̱lu̱ bhali nali na ndwali̱ sa dhu̱kana magi̱la ambi̱ki̱li̱a Yesu mbu̱sa nakigba ka nsondo sa gandula ndiaki. 21Nkali̱ miyo nakyeli̱li̱kana ka mulima ndiaki bhiyo; “Kigba ka gandula ndiaki, nikilama.”
22Yesu nakigali̱ngana, ndia antangia nakingia bhiyo; “Kolokutiya, hi̱ki̱li̱za ndiako akulami̱si̱a.” Menjo nkali̱ nakilama.
23Yesu ndia agodha ka ndabho ndia mulemi abhutakana bi̱ya bhakpa nibhali kalimba limbo sa lu̱mba bhakpa ndibha bhaku̱wo na ndibhetolo nibhali ka ngamu, 24nakibhugia bhiyo; “Bhu̱ye kansenge, nsika kaku̱, no alali̱a.” Du̱mbi̱ nibhakintebiaga. 25Bi̱ya bhakpa ndia bhahu̱wa ka ndabho, Yesu agodha ka kisika ndia nsika nakingba ka kibhoko du̱mbi̱ nakima. 26Makulu yoho nakidhakiaga kyalo poni.
Yesu nakibhulami̱sa bhaluku bhebhali bhadhakanagi̱ i̱so
27Yesu nali katukaki ka i̱nji̱ ndia mulemi, bhaluku bhebhali bhadhakani̱ i̱so bhai̱ya nibhantombi̱ nibhalia kimueka bhiyo; “Nana Dhau̱dhi̱, okigbelie kobhu̱.”
28Yesu ndia agodha ka ndabho, bhaluku bhadhakani̱ i̱so nibhakimuyabe toli̱ nakibhuolu̱li̱a bhiyo; “Bhuli na hi̱ki̱li̱za eti nikitoka lami̱sanu̱?” Nibhaki̱nsi̱ki̱aku̱ bhiyo; “Alibhu Sali̱a.”
29Du̱mbi̱ nakibhugba ke i̱so nakigia bhiyo; “Akibhabhu nanga hi̱ki̱li̱za ndianu̱.” 30Toli̱ nibhaki̱zi̱ba. Yesu nakibhuhabhula bhiyo; “Bhukulukuntolia nkpa poni yoho.” 31No ndia bhai̱ya, bhai̱sa makulu yoho ka kyalo poni.
Yesu nakimulami̱sa ki̱ngi̱
32Nibhalia ki̱ya, muluku mindia yabhubhandu̱ bhali̱mo, toli̱ nali ki̱ngi̱ bhamu̱i̱sa kindia Yesu. 33Ndia ambiyabe muluku miyo bhali̱mo, ki̱ngi̱ nakitandika onga. Bhakpa bhoponi nki̱li̱ nakibhutina toli̱ nibhakigia bhiyo; “Kima mabhiyo kaenikanimbebe ka Isaleli̱.”
34No Bhafali̱sayo nibhakigia bhiyo; “Nkuma bhali̱mo poni ampesi̱ ndiye mani̱ sa bhiyabe bhakpa bhali̱mo.”
Yesu nakibhugbelia bhakpa kobhu̱
35Yesu ai̱ya ka tau̱ni̱ na ngongwa-mbi̱li̱ bi̱yai̱ ndia ka Galilaya, nakibhuegesa bhakpa ka Ndabho kindia Bhayu̱daya yabhalami̱li̱aga poni na tebeza Makulu Mabhonga sa kusali̱a ndia Mambombi̱ na lami̱sa ndwali̱ poni ka bhakpa. 36Ndia abhutangia bi̱ya bhakpa nibhatu̱ntu̱li̱ ndia bhakamuli na mindia akibhukonia, nakibhugbelia kobhu̱, bhia bhantama ndibha bhakamuli na mindia aki̱bhu̱li̱si̱a. 37Du̱mbi̱ nakibhugia bhaegi̱ ndibhaki bhiyo; “Sa hululai̱ amadhi̱a, no bhakoli̱ bhali bhake. 38Ti̱-no, bhunkunge Sali̱a nkuma ti̱ko, andu̱lu̱ abhutike bhakoli̱ bhamamadha ndibha bhakihulula.”
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc., 2025