Matayo 8
8
Yesu nakimulami̱sa muluku ntua tumbi
(Maliko 1:40-45; Luka 5:12-16)
1Yesu ndia asi̱ma tukaki naseke sa gu̱si̱a, bi̱ya bhakpa nibhakintomba. 2Abha nalibe muluku ntua tumbi mindia ai̱ya naki̱su̱ku̱mana ka kigua Yesu nakingia bhiyo; “Sali̱a, kokabha, onilami̱se.”
3Yesu naki̱mbi̱sabe muluku miyo kibhoko du̱mbi̱ nakingia bhiyo; “Nikabhi̱ya, olame!” Menjo muluku tumbi nakimulamiliabe. 4Du̱mbi̱ Yesu nakingia muluku minjo bhiyo; “Kolokuntolia nkpa poni ndia aenikani̱o, no oye weani̱se kindia mbembi̱ mindia Mambombi̱ bhia bwakai̱so nesi̱ olami̱o toli̱ opesi̱e kisembo ndia Musa alagilia.”#Bhalevi̱ 14:2-32
Yesu nakimulami̱sa nkoli̱ mindia ngbekua bhasilikale ki̱ku̱mi̱
(Luka 7:1-10)
5Yesu ndia aduwa ka tau̱ni̱ ndia ka Kapelenau̱mu̱, ngbekua bhasilikale ki̱ku̱mi̱ mindia ka Loma ai̱ya kindia abhi̱o toli̱ nakinkunga eti ankonie, 6nakingia bhiyo; “Sali̱a, nkoli̱ mindiamo ali ka i̱nji̱ ke ima akatimani̱a toli̱ kozo anzi̱gi̱dhi̱ si̱ni̱.”
7Yesu nakingia bhiyo; “Ki̱ye nimulami̱se.”
8Ngbekua bhasilikale naki̱nsi̱ki̱aku̱ bhiyo; “Sali̱a, kogbokiliani̱ bi̱ka kindiamo. No olagilie u̱kaka toli̱ nkoli̱ mindiamo akilama. 9Nemi nili na bhasilikale bhangbeku ndibha bhakinilagiliaga, toli̱ nili na bhasilikale ndibhe nikibhulagiliaga. Nikimulagiliaga miyo eti ‘Oye’ toli̱ ai̱ya; nitodha nimulagilia mindietolo eti ‘Obi̱ke,’ toli̱ abi̱ka; nikimulagiliaga nkoli̱ mindiamo bhiyo; ‘Okole yoho’ du̱mbi̱ akola.”
10Yesu ndia aoka ngbekua bhasilikale miyo ndia aonga, nki̱li̱ nakintina du̱mbi̱ nakibhugia bhakpa ndibha bhantombi̱o bhiyo; “Ka mazima nikibhutolia eti, kintangi̱mbebe nkpa poni ka Isaleli̱ mindia ali na hi̱ki̱li̱za bhia muluku miyo. 11Nikibhutolia eti, bhakpa bi̱yabho ndibha kali Bhayu̱daya bhia muluku miyo bhakituka kindia mani aki̱hu̱eli̱aga na kindia aki̱gu̱waga bhaki̱li̱ka imamoti̱ ka liaga na bhatatasu̱ Ibbulahi̱mu̱, Isaka na Yakobbo ka kusali̱a ndia gulu. 12No bhenjo ndibhabha nibhagbokiliani̱ bhabho ka kusali̱a ndia Mambombi̱ bhakibhumakia ka ki̱li̱mi̱ki̱aga kindia ada kibha ngamu na kwebhabhu̱a ngaga.”
13Du̱mbi̱ Yesu nakingia ngbekua bhasilikale bhiyo; “Oye, odhuwe abhebhu nesi̱ ohi̱ki̱li̱zi̱o.” Du̱mbi̱ menjo nkoli̱ mindiaki nakilama.
Yesu nakibhulami̱sa bhakpa bi̱yabho
(Maliko 1:29-34; Luka 4:38-41)
14Du̱mbi̱ Yesu nakigodha ka ndabho ndia Petelo, nakintangia nki̱ya Petelo nkali̱aki na angi̱ ke ima nalwali̱ mu̱swi̱ja. 15Yesu nakingba ka kibhoko du̱mbi̱ nakilama. Nakima toli̱ naki̱mpesi̱a Yesu li̱eli̱.
16Ndia aduwa tamabhugo-bhugo, bhakpa bhabhu̱bi̱ki̱sa bhenjo ndibha bhabhi̱ na bhali̱mo guabho, Yesu nakibhubhiyabe bhali̱mo nakoli̱si̱ mani̱ sa kigambo ndiaki. Toli̱ nakibhulami̱sa bhenjo poni ndibhabha nibhalwali̱o. 17Yesu akola yoho ka tu̱mi̱sa poni ndia nabbi̱ Isaya aonga bhiyo;
“Akibhuwabe bhugenge ndiasu̱
toli̱ nakikilami̱sa ndwali̱.”
Ti̱gi̱kana ndia ali ka tomba Yesu
(Luka 9:57-62)
18Yesu ndia abhutangia bi̱ya bhakpa nibhanki̱ti̱, abhulagilia bhaegi̱ ndibhaki eti bhazabe naseke ndietolo se tu̱li̱. 19Du̱mbi̱ mwegesi̱ sa Kilagilo ndia Mambombi̱ ampesi̱a Musa nakingia Yesu bhiyo; “Mwegesi̱, nikukutomba ni̱yage newe.”
20Yesu naki̱nsi̱ki̱aku̱ bhiyo; “Bhanyama ndibha ka mabhi̱li̱ bhali na kindia bhakisiaga na bhambu̱lu̱ bhali na kisui ndiabho, no Mi̱ki̱ mindia Nkpa kali na poni kindia akihumulilia.”
21Mwegi̱ mindietolo nakingia Yesu bhiyo; “Sali̱a, otekete odhuwe ni̱ye ni̱mu̱lu̱mbe aba.”
22No Yesu naki̱nsi̱ki̱aku̱ bhiyo; “Onitombe, toli̱ obhudhuwe bhenjo ndibha bhaku̱wo bhabhu̱lu̱mbe bhenjo ndibha bhaku̱wo.”
Yesu nakilagilia wewelia sa mani̱ dudhukanai̱
(Maliko 4:35-41; Luka 8:22-25)
23Du̱mbi̱ Yesu nakidhaya bhwati̱ imamoti̱ na bhaegi̱ ndibhaki. 24Menjo wewelia sa mani̱ naki̱bi̱ka, ngala li̱bho nakitandika bhi̱nda bhwati̱, no Yesu yalali̱a. 25Bhaegi̱ ndibhaki bhai̱ya nibhaki̱nzu̱zu̱la, nibhakingia bhiyo “Sali̱a, okizune, li̱bho ali ka medhasu̱.”
26Yesu naki̱bhu̱si̱ki̱aku̱ bhiyo; “Bhenu̱ ndibho bhuli na hi̱ki̱li̱za nke, ndia adhu̱ ni̱bhu̱tu̱ntu̱li̱ andiki?” Du̱mbi̱ nakitelema, nakilagilia wewelia na ngala li̱bho eti adhwelie menjo toli̱ nakidudhukana.
27Bhaegi̱ nki̱li̱ nakibhutina, nibhakyeolu̱li̱a bhiyo; “Miyo andi muluku ti̱na mindia wewelia na ngala li̱bho akimuokaga?”
Yesu nakitodha lami̱sa bhaluku bhebhali
(Maliko 5:1-20; Luka 8:26-39)
28Yesu ndia aki̱dha naseke ndietolo se tu̱li̱ ka kyalo ndia ka Gadalene, bhaluku bhebhali ndibha yabhabhubhandu̱ bhali̱mo bhatuka ka nku̱ku̱ kindia Bhayu̱daya yabhabhu̱lu̱mbaga bhakpa nibhakintakana Yesu. Bhabhi̱ nibhakalami si̱ni̱ toli̱ bhakpa yabhatiyaga tomba ka nesi̱yo kindia bhabhi̱o. 29Menjo bhali̱mo nibhakitandika habhaga nibhakigia bhiyo; “Okukikabhi̱sa eki uwe Mi̱ki̱ mindia Mambombi̱? Obi̱ki̱ fubiliasu̱ bwile ndia kadoi̱mbe?”
30Bi̱ya menjo abha nalibe bhi̱hi̱yo sa bhanguya nibhali kaliaga. 31Du̱mbi̱ bhali̱mo bhehe nibhakinkunga Yesu bhiyo; “Kokibhiyabe bhakpa bhehe, okisindike ka bhi̱hi̱yo sa bhanguya bheho.”
32Yesu nakibhulagilia bhiyo; “Bhu̱ye” du̱mbi̱ nibhaki̱ya nibhaki̱si̱eli̱a ka bhi̱hi̱yo sa bhanguya. Bhanguya bhenjo bhoponi bhai̱ya nibhakitetia nibhaki̱mu̱ga ke tu̱li̱ nibhakisweka. 33Bhaluku ndibhabhi̱ kali̱si̱a bhanguya bhenjo bhatetia nibhaki̱ya ka tau̱ni̱ nibhakibhutolia bhakpa ndia abhuenikani̱be bhaluku ndibhabhi̱ nibhabhubhandu̱ bhali̱mo. 34Du̱mbi̱ bhakpa bhoponi bhatuka ka tau̱ni̱ nibhaki̱ya takanana Yesu. Toli̱ ndia bhantangia, bhankunga eti atuke ka kyalo ndiabho.
Արդեն Ընտրված.
Matayo 8: KWAMBA
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc., 2025
Matayo 8
8
Yesu nakimulami̱sa muluku ntua tumbi
(Maliko 1:40-45; Luka 5:12-16)
1Yesu ndia asi̱ma tukaki naseke sa gu̱si̱a, bi̱ya bhakpa nibhakintomba. 2Abha nalibe muluku ntua tumbi mindia ai̱ya naki̱su̱ku̱mana ka kigua Yesu nakingia bhiyo; “Sali̱a, kokabha, onilami̱se.”
3Yesu naki̱mbi̱sabe muluku miyo kibhoko du̱mbi̱ nakingia bhiyo; “Nikabhi̱ya, olame!” Menjo muluku tumbi nakimulamiliabe. 4Du̱mbi̱ Yesu nakingia muluku minjo bhiyo; “Kolokuntolia nkpa poni ndia aenikani̱o, no oye weani̱se kindia mbembi̱ mindia Mambombi̱ bhia bwakai̱so nesi̱ olami̱o toli̱ opesi̱e kisembo ndia Musa alagilia.”#Bhalevi̱ 14:2-32
Yesu nakimulami̱sa nkoli̱ mindia ngbekua bhasilikale ki̱ku̱mi̱
(Luka 7:1-10)
5Yesu ndia aduwa ka tau̱ni̱ ndia ka Kapelenau̱mu̱, ngbekua bhasilikale ki̱ku̱mi̱ mindia ka Loma ai̱ya kindia abhi̱o toli̱ nakinkunga eti ankonie, 6nakingia bhiyo; “Sali̱a, nkoli̱ mindiamo ali ka i̱nji̱ ke ima akatimani̱a toli̱ kozo anzi̱gi̱dhi̱ si̱ni̱.”
7Yesu nakingia bhiyo; “Ki̱ye nimulami̱se.”
8Ngbekua bhasilikale naki̱nsi̱ki̱aku̱ bhiyo; “Sali̱a, kogbokiliani̱ bi̱ka kindiamo. No olagilie u̱kaka toli̱ nkoli̱ mindiamo akilama. 9Nemi nili na bhasilikale bhangbeku ndibha bhakinilagiliaga, toli̱ nili na bhasilikale ndibhe nikibhulagiliaga. Nikimulagiliaga miyo eti ‘Oye’ toli̱ ai̱ya; nitodha nimulagilia mindietolo eti ‘Obi̱ke,’ toli̱ abi̱ka; nikimulagiliaga nkoli̱ mindiamo bhiyo; ‘Okole yoho’ du̱mbi̱ akola.”
10Yesu ndia aoka ngbekua bhasilikale miyo ndia aonga, nki̱li̱ nakintina du̱mbi̱ nakibhugia bhakpa ndibha bhantombi̱o bhiyo; “Ka mazima nikibhutolia eti, kintangi̱mbebe nkpa poni ka Isaleli̱ mindia ali na hi̱ki̱li̱za bhia muluku miyo. 11Nikibhutolia eti, bhakpa bi̱yabho ndibha kali Bhayu̱daya bhia muluku miyo bhakituka kindia mani aki̱hu̱eli̱aga na kindia aki̱gu̱waga bhaki̱li̱ka imamoti̱ ka liaga na bhatatasu̱ Ibbulahi̱mu̱, Isaka na Yakobbo ka kusali̱a ndia gulu. 12No bhenjo ndibhabha nibhagbokiliani̱ bhabho ka kusali̱a ndia Mambombi̱ bhakibhumakia ka ki̱li̱mi̱ki̱aga kindia ada kibha ngamu na kwebhabhu̱a ngaga.”
13Du̱mbi̱ Yesu nakingia ngbekua bhasilikale bhiyo; “Oye, odhuwe abhebhu nesi̱ ohi̱ki̱li̱zi̱o.” Du̱mbi̱ menjo nkoli̱ mindiaki nakilama.
Yesu nakibhulami̱sa bhakpa bi̱yabho
(Maliko 1:29-34; Luka 4:38-41)
14Du̱mbi̱ Yesu nakigodha ka ndabho ndia Petelo, nakintangia nki̱ya Petelo nkali̱aki na angi̱ ke ima nalwali̱ mu̱swi̱ja. 15Yesu nakingba ka kibhoko du̱mbi̱ nakilama. Nakima toli̱ naki̱mpesi̱a Yesu li̱eli̱.
16Ndia aduwa tamabhugo-bhugo, bhakpa bhabhu̱bi̱ki̱sa bhenjo ndibha bhabhi̱ na bhali̱mo guabho, Yesu nakibhubhiyabe bhali̱mo nakoli̱si̱ mani̱ sa kigambo ndiaki. Toli̱ nakibhulami̱sa bhenjo poni ndibhabha nibhalwali̱o. 17Yesu akola yoho ka tu̱mi̱sa poni ndia nabbi̱ Isaya aonga bhiyo;
“Akibhuwabe bhugenge ndiasu̱
toli̱ nakikilami̱sa ndwali̱.”
Ti̱gi̱kana ndia ali ka tomba Yesu
(Luka 9:57-62)
18Yesu ndia abhutangia bi̱ya bhakpa nibhanki̱ti̱, abhulagilia bhaegi̱ ndibhaki eti bhazabe naseke ndietolo se tu̱li̱. 19Du̱mbi̱ mwegesi̱ sa Kilagilo ndia Mambombi̱ ampesi̱a Musa nakingia Yesu bhiyo; “Mwegesi̱, nikukutomba ni̱yage newe.”
20Yesu naki̱nsi̱ki̱aku̱ bhiyo; “Bhanyama ndibha ka mabhi̱li̱ bhali na kindia bhakisiaga na bhambu̱lu̱ bhali na kisui ndiabho, no Mi̱ki̱ mindia Nkpa kali na poni kindia akihumulilia.”
21Mwegi̱ mindietolo nakingia Yesu bhiyo; “Sali̱a, otekete odhuwe ni̱ye ni̱mu̱lu̱mbe aba.”
22No Yesu naki̱nsi̱ki̱aku̱ bhiyo; “Onitombe, toli̱ obhudhuwe bhenjo ndibha bhaku̱wo bhabhu̱lu̱mbe bhenjo ndibha bhaku̱wo.”
Yesu nakilagilia wewelia sa mani̱ dudhukanai̱
(Maliko 4:35-41; Luka 8:22-25)
23Du̱mbi̱ Yesu nakidhaya bhwati̱ imamoti̱ na bhaegi̱ ndibhaki. 24Menjo wewelia sa mani̱ naki̱bi̱ka, ngala li̱bho nakitandika bhi̱nda bhwati̱, no Yesu yalali̱a. 25Bhaegi̱ ndibhaki bhai̱ya nibhaki̱nzu̱zu̱la, nibhakingia bhiyo “Sali̱a, okizune, li̱bho ali ka medhasu̱.”
26Yesu naki̱bhu̱si̱ki̱aku̱ bhiyo; “Bhenu̱ ndibho bhuli na hi̱ki̱li̱za nke, ndia adhu̱ ni̱bhu̱tu̱ntu̱li̱ andiki?” Du̱mbi̱ nakitelema, nakilagilia wewelia na ngala li̱bho eti adhwelie menjo toli̱ nakidudhukana.
27Bhaegi̱ nki̱li̱ nakibhutina, nibhakyeolu̱li̱a bhiyo; “Miyo andi muluku ti̱na mindia wewelia na ngala li̱bho akimuokaga?”
Yesu nakitodha lami̱sa bhaluku bhebhali
(Maliko 5:1-20; Luka 8:26-39)
28Yesu ndia aki̱dha naseke ndietolo se tu̱li̱ ka kyalo ndia ka Gadalene, bhaluku bhebhali ndibha yabhabhubhandu̱ bhali̱mo bhatuka ka nku̱ku̱ kindia Bhayu̱daya yabhabhu̱lu̱mbaga bhakpa nibhakintakana Yesu. Bhabhi̱ nibhakalami si̱ni̱ toli̱ bhakpa yabhatiyaga tomba ka nesi̱yo kindia bhabhi̱o. 29Menjo bhali̱mo nibhakitandika habhaga nibhakigia bhiyo; “Okukikabhi̱sa eki uwe Mi̱ki̱ mindia Mambombi̱? Obi̱ki̱ fubiliasu̱ bwile ndia kadoi̱mbe?”
30Bi̱ya menjo abha nalibe bhi̱hi̱yo sa bhanguya nibhali kaliaga. 31Du̱mbi̱ bhali̱mo bhehe nibhakinkunga Yesu bhiyo; “Kokibhiyabe bhakpa bhehe, okisindike ka bhi̱hi̱yo sa bhanguya bheho.”
32Yesu nakibhulagilia bhiyo; “Bhu̱ye” du̱mbi̱ nibhaki̱ya nibhaki̱si̱eli̱a ka bhi̱hi̱yo sa bhanguya. Bhanguya bhenjo bhoponi bhai̱ya nibhakitetia nibhaki̱mu̱ga ke tu̱li̱ nibhakisweka. 33Bhaluku ndibhabhi̱ kali̱si̱a bhanguya bhenjo bhatetia nibhaki̱ya ka tau̱ni̱ nibhakibhutolia bhakpa ndia abhuenikani̱be bhaluku ndibhabhi̱ nibhabhubhandu̱ bhali̱mo. 34Du̱mbi̱ bhakpa bhoponi bhatuka ka tau̱ni̱ nibhaki̱ya takanana Yesu. Toli̱ ndia bhantangia, bhankunga eti atuke ka kyalo ndiabho.
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc., 2025