Matayo 10
10
Yesu nakibhutika bhakwenda komi̱ na bhebhali
(Maliko 3:13-19; Luka 6:12-16)
1Yesu abhueka bhaegi̱ ndibhaki komi̱ na bhebhali nakibhupesi̱a mani̱ sa bhiyabe bhakpa bhali̱mo na lami̱sa ndwali̱ poni.
2Yoho andu̱lu̱ i̱na bhakwenda komi̱ na bhebhali: Mindia kateketa, Si̱moni̱ (nandiye Petelo) na namaki Andeleya na Yakobbo mi̱ki̱ mindia Zebedayo na namaki Yohana na 3Fi̱li̱po na Bhatu̱lu̱mayo na Tomasi na Matayo nku̱mesi̱ musolo na Yakobbo mi̱ki̱ mindia Alifayo na Tadewa 4Si̱moni̱ Nzi̱loti̱ na Yu̱da Esi̱kali̱oti̱ mindia amuleliana Yesu.
5Yesu abhutika komi̱ na bhebhali bhehe nakibhulagilia bhiyo; “Bhu̱ku̱lu̱ku̱ya ka kyalo ndia Bhakpa ndibha kali Bhayu̱daya na ka tau̱ni̱ poni ndia Bhasamali̱ya. 6Bhuai̱be bhu̱ye ka bhakpa ndibha ka Isaleli̱ nanga bhali bhia bhantama ndibha bhabhu̱li̱yo.” 7Ndio bhuli kayanu̱, bhutebeze bhiyo; “Kusali̱a ndia gulu ali bi̱ya.” 8Bhubhulami̱se bhenjo ndibha bhalwali̱o, bhu̱bhu̱hu̱mbu̱le ndibha bhaku̱wo, bhubhulami̱se bhatua tumbi, bhubhubhiyebe bhakpa bhali̱mo. Bhu̱tu̱ngi̱li̱ kitelu mani̱ yoho, na bhenu̱ bhupesi̱li̱e kitelu.
9“Bhu̱ku̱lu̱ku̱ya na mbangana poni ka ku̱du̱, 10bhu̱ku̱lu̱ku̱ya na ku̱nda poni ka gendo ndianu̱ kedha sati̱ bhali-bhali, kedha nkai̱to bhali-bhali, kedha mpangi̱, nanga bhakoli̱ bhagbokiliani̱ tunga ndia bhakikabha.” 11Tau̱ni̱ kedha ngongwa-mbi̱li̱ poni ndio bhu̱ku̱yaku̱ bhubhukabheku̱ bhakpa ndibha bhakibhala tangililianu̱ toli̱ bhu̱li̱ke kau̱ doi̱sa ni̱bhu̱tu̱ki̱ku̱. 12I̱nji̱ poni ndio bhu̱ku̱li̱ka yai̱ku̱, bhubhusabiliage na pesi̱abho nki̱sa. 13I̱nji̱ injo kabhutangililia, bhupesi̱e nki̱sa no kabha ndia kabhutangi̱li̱li̱, bhukulukupesi̱a nki̱sa. 14Toli̱ nkpa poni kakoma tangililianu̱ na okiananu̱, bhulagali̱e bu̱lu̱ ku̱si̱a nkai̱to ndianu̱ ani̱sa nesi̱ ndia bhakola kabhongi̱ toli̱ bhutuke ka i̱nji̱ kedha tau̱ni̱ injo. 15Toli̱ ka mazima nikibhutolia eti, ka Tolo sa cuwaku̱ musango Mambombi̱ ada kifubilia tau̱ni̱ injo koli̱sa Sodomu na Gomola.
16“Bhuokiane, nili katikanu̱ bhia bhantama ndibha bhali sobhe sa bhi̱hi̱yo sa bhanyama bhamakalamaga bhwegendi̱e bhia bhanjoka na bhia bhapi̱so ndibha bhakali na musango. 17Bhwegendi̱e bhakpa bhenjo, bhakibhugba bhabhu̱i̱se ka koti̱ ndia bhalemi toli̱ bhabhu̱bhi̱ndi̱li̱e ka Ndabho kindia Bhayu̱daya yabhalami̱li̱aga. 18Bhaki̱bhu̱i̱sa kei̱soa bhagavuna na bhasali̱a pesi̱a bwakai̱so ndia anigbei̱be kei̱soa Bhakpa ndibha kali Bhayu̱daya. 19Bhukulukutuntula nanga ndio bhu̱ku̱ya ongai̱ kedha nesi̱ bhukuonga. Ka bwile injo Mambombi̱ akibhupesi̱a ndio bhukuonga, 20nanga kakibha nandi bhenu̱ ka onga, no akibha nandi Mwoyo ndia Abanu̱ ka ongilianu̱ku̱.” 21“Bhakpa bhada kibhuleliana bhanamabho eti bhabhuole na aba mi̱ki̱ ada kimuleliana mi̱ki̱ mindiaki eti bhamuole na bhani̱ki̱ bhada kidhua oka bhabhokoti̱ ndibhabho toli̱ bhabhuole. 22Bhakpa bhoponi bhakibhuyala nanga emi, no mindia aki̱li̱ka nani̱hi̱ki̱li̱zi̱ doi̱sa ka dhakililia, Mambombi̱ akinzuna. 23Bhakabhueni̱sa bhu̱su̱ ka tau̱ni̱ moti̱, bhu̱ye ka ndietolo. Ka mazima nikibhutolia eti, bhukukudhakia mamikiliana tau̱ni̱ poni ndia ka Isaleli̱, Mi̱ki̱ mindia Nkpa ndia kaki̱dhi̱mbe.
24“Mwegi̱ kankoli̱ mwegesi̱ mindiaki na gele kankoli̱ nkumaki. 25Mwegi̱ agbokiliani̱ bhaki bhia mwegesi̱ mindiaki toli̱ na gele bhia nkumaki. Bhakpa bhakangia nkuma i̱nji̱ eti andi Bbelezabbu̱li̱,#10:25 Bbelezabbu̱li̱ makulu si̱ nkuma bhali̱mo poni. toli̱ bhakibhugia bhoni̱ bhenjo ndibha bhali ka i̱nji̱ ndiabho?
Yesu nakiongabe mindie kigbokiliani̱ tiyaki
(Luka 12:2-7)
26“Bhukulukubhutiya bhakpa bhenjo nanga kalibe kibi ndia bhakikola ka nsobho ndia kada kienikana. 27Kima ndie nikibhutolia ka nsobho, bhuonge ka bi̱ya bhakpa. Na ndie nikibhutolia ka kodho-kodho bhulangililie ka bi̱ya bhakpa. 28Bhukulukubhutiya bhakpa ndibha bhakiola kozo no ndia bhakakitoka ola Mwoyo ndianu̱. Bhuai̱be bhuntiye Mambombi̱ mindia akitoka sweki̱sa kozo na mwoyo ka gehena. 29Bhambu̱lu̱ pipi bhia bhapi̱so bhebhali bhakakibhusumbesaga si̱li̱ngi̱ atano?#10:29 Si̱li̱ngi̱ atano Ka Ku̱gi̱li̱ki̱ bhakigiagaku̱ Asali̱oni̱ moti̱. Asali̱oni̱ abhi̱ mukwenge sa bbei̱ nke. No kalibe mindia aki̱gu̱waga gwabhi̱mba Abanu̱ mindia gulu ndia kabhali̱. 30Toli̱ na sikamuhu ndio oli nai̱ gua muhu Mambombi̱ ai̱bi̱a. 31Ti̱-no bhukulukutiya nanga bhuli bhatua mugaso koli̱sa bi̱ya bhapi̱so bhenjo.
32“Nkpa poni mindia akinibhala ka bi̱ya bhakpa, nemi nida kimbala kei̱soa Aba mindia ali gulu. 33No mindia ada kinikoma ka bi̱ya bhakpa, nemi nida kinkoma kei̱soa Aba mindia ali gulu.
34“Bhukulukweli̱li̱kana eti ni̱bi̱ki̱ ka nsi bi̱ki̱sabe mpempa ka bhakpa, no ni̱bi̱ki̱si̱ bhulemo. 35Ni̱bi̱ki̱ andu̱lu̱ nidhuwe
‘Mi̱ki̱ mu̱lu̱ku̱aki angane abaki,
na mi̱ki̱ nkali̱aki angane amaki,
nkanai̱ angane amabhondiaki.
36Bhangi̱gu̱ ndibha nkpa bhada kibha bhakpa ndibha ka i̱nji̱ ndiaki.’
37“Toli̱ mindia akinkunda abaki kedha amaki koli̱sa nesi̱ ani̱ku̱ndi̱o, kagbokiliani̱ bhaki mwegi̱ mindiamo. Toli̱ mindia akibhukunda bhani̱ki̱ ndibhaki koli̱sa nesi̱ ani̱ku̱ndi̱o kagbokiliani̱ bhaki mwegi̱ mindiamo. 38Mindia kaki̱ku̱mba musalaba ndiaki toli̱ anitomba, kagbokiliani̱ bhaki mwegi̱ mindiamo. 39Mindia kakipesi̱aku̱ bwomezi̱ ndiaki ada kifelua, no mindia akipesi̱aku̱ bwomezi̱ ndiaki nanga emi ada kibha na bwomezi̱ ndia kadaki̱si̱abe.
40“Mindia akibhutangililia, akibha nanitangi̱li̱li̱ emi, toli̱ mindia akinitangililia, akibha nantangi̱li̱li̱ minjo mindia anitika. 41Nkpa poni mindia akintangililia nabbi̱ ka ngu̱ko ndiaki sa bhunabbi̱, akitunga kisembo tabhi ndia Mambombi̱ akibhupesi̱aga bhanabbi̱, toli̱ mindia akintangililia nkpa mindia akikolaga kima ndia agbokiliani̱o, akitunga kisembo tabhi ndia Mambombi̱ akibhupesi̱aga bhakpa ndibha bhakikolaga kima ndia agbokiliani̱o. 42Toli̱ mindia akimpesi̱a moti̱ ka bhaegi̱ ndibhamo li̱bho manu̱wa, ka mazima nikibhutolia kada kifeluwa kisembo ndiaki tukai̱ kindia Mambombi̱.”
Արդեն Ընտրված.
Matayo 10: KWAMBA
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc., 2025
Matayo 10
10
Yesu nakibhutika bhakwenda komi̱ na bhebhali
(Maliko 3:13-19; Luka 6:12-16)
1Yesu abhueka bhaegi̱ ndibhaki komi̱ na bhebhali nakibhupesi̱a mani̱ sa bhiyabe bhakpa bhali̱mo na lami̱sa ndwali̱ poni.
2Yoho andu̱lu̱ i̱na bhakwenda komi̱ na bhebhali: Mindia kateketa, Si̱moni̱ (nandiye Petelo) na namaki Andeleya na Yakobbo mi̱ki̱ mindia Zebedayo na namaki Yohana na 3Fi̱li̱po na Bhatu̱lu̱mayo na Tomasi na Matayo nku̱mesi̱ musolo na Yakobbo mi̱ki̱ mindia Alifayo na Tadewa 4Si̱moni̱ Nzi̱loti̱ na Yu̱da Esi̱kali̱oti̱ mindia amuleliana Yesu.
5Yesu abhutika komi̱ na bhebhali bhehe nakibhulagilia bhiyo; “Bhu̱ku̱lu̱ku̱ya ka kyalo ndia Bhakpa ndibha kali Bhayu̱daya na ka tau̱ni̱ poni ndia Bhasamali̱ya. 6Bhuai̱be bhu̱ye ka bhakpa ndibha ka Isaleli̱ nanga bhali bhia bhantama ndibha bhabhu̱li̱yo.” 7Ndio bhuli kayanu̱, bhutebeze bhiyo; “Kusali̱a ndia gulu ali bi̱ya.” 8Bhubhulami̱se bhenjo ndibha bhalwali̱o, bhu̱bhu̱hu̱mbu̱le ndibha bhaku̱wo, bhubhulami̱se bhatua tumbi, bhubhubhiyebe bhakpa bhali̱mo. Bhu̱tu̱ngi̱li̱ kitelu mani̱ yoho, na bhenu̱ bhupesi̱li̱e kitelu.
9“Bhu̱ku̱lu̱ku̱ya na mbangana poni ka ku̱du̱, 10bhu̱ku̱lu̱ku̱ya na ku̱nda poni ka gendo ndianu̱ kedha sati̱ bhali-bhali, kedha nkai̱to bhali-bhali, kedha mpangi̱, nanga bhakoli̱ bhagbokiliani̱ tunga ndia bhakikabha.” 11Tau̱ni̱ kedha ngongwa-mbi̱li̱ poni ndio bhu̱ku̱yaku̱ bhubhukabheku̱ bhakpa ndibha bhakibhala tangililianu̱ toli̱ bhu̱li̱ke kau̱ doi̱sa ni̱bhu̱tu̱ki̱ku̱. 12I̱nji̱ poni ndio bhu̱ku̱li̱ka yai̱ku̱, bhubhusabiliage na pesi̱abho nki̱sa. 13I̱nji̱ injo kabhutangililia, bhupesi̱e nki̱sa no kabha ndia kabhutangi̱li̱li̱, bhukulukupesi̱a nki̱sa. 14Toli̱ nkpa poni kakoma tangililianu̱ na okiananu̱, bhulagali̱e bu̱lu̱ ku̱si̱a nkai̱to ndianu̱ ani̱sa nesi̱ ndia bhakola kabhongi̱ toli̱ bhutuke ka i̱nji̱ kedha tau̱ni̱ injo. 15Toli̱ ka mazima nikibhutolia eti, ka Tolo sa cuwaku̱ musango Mambombi̱ ada kifubilia tau̱ni̱ injo koli̱sa Sodomu na Gomola.
16“Bhuokiane, nili katikanu̱ bhia bhantama ndibha bhali sobhe sa bhi̱hi̱yo sa bhanyama bhamakalamaga bhwegendi̱e bhia bhanjoka na bhia bhapi̱so ndibha bhakali na musango. 17Bhwegendi̱e bhakpa bhenjo, bhakibhugba bhabhu̱i̱se ka koti̱ ndia bhalemi toli̱ bhabhu̱bhi̱ndi̱li̱e ka Ndabho kindia Bhayu̱daya yabhalami̱li̱aga. 18Bhaki̱bhu̱i̱sa kei̱soa bhagavuna na bhasali̱a pesi̱a bwakai̱so ndia anigbei̱be kei̱soa Bhakpa ndibha kali Bhayu̱daya. 19Bhukulukutuntula nanga ndio bhu̱ku̱ya ongai̱ kedha nesi̱ bhukuonga. Ka bwile injo Mambombi̱ akibhupesi̱a ndio bhukuonga, 20nanga kakibha nandi bhenu̱ ka onga, no akibha nandi Mwoyo ndia Abanu̱ ka ongilianu̱ku̱.” 21“Bhakpa bhada kibhuleliana bhanamabho eti bhabhuole na aba mi̱ki̱ ada kimuleliana mi̱ki̱ mindiaki eti bhamuole na bhani̱ki̱ bhada kidhua oka bhabhokoti̱ ndibhabho toli̱ bhabhuole. 22Bhakpa bhoponi bhakibhuyala nanga emi, no mindia aki̱li̱ka nani̱hi̱ki̱li̱zi̱ doi̱sa ka dhakililia, Mambombi̱ akinzuna. 23Bhakabhueni̱sa bhu̱su̱ ka tau̱ni̱ moti̱, bhu̱ye ka ndietolo. Ka mazima nikibhutolia eti, bhukukudhakia mamikiliana tau̱ni̱ poni ndia ka Isaleli̱, Mi̱ki̱ mindia Nkpa ndia kaki̱dhi̱mbe.
24“Mwegi̱ kankoli̱ mwegesi̱ mindiaki na gele kankoli̱ nkumaki. 25Mwegi̱ agbokiliani̱ bhaki bhia mwegesi̱ mindiaki toli̱ na gele bhia nkumaki. Bhakpa bhakangia nkuma i̱nji̱ eti andi Bbelezabbu̱li̱,#10:25 Bbelezabbu̱li̱ makulu si̱ nkuma bhali̱mo poni. toli̱ bhakibhugia bhoni̱ bhenjo ndibha bhali ka i̱nji̱ ndiabho?
Yesu nakiongabe mindie kigbokiliani̱ tiyaki
(Luka 12:2-7)
26“Bhukulukubhutiya bhakpa bhenjo nanga kalibe kibi ndia bhakikola ka nsobho ndia kada kienikana. 27Kima ndie nikibhutolia ka nsobho, bhuonge ka bi̱ya bhakpa. Na ndie nikibhutolia ka kodho-kodho bhulangililie ka bi̱ya bhakpa. 28Bhukulukubhutiya bhakpa ndibha bhakiola kozo no ndia bhakakitoka ola Mwoyo ndianu̱. Bhuai̱be bhuntiye Mambombi̱ mindia akitoka sweki̱sa kozo na mwoyo ka gehena. 29Bhambu̱lu̱ pipi bhia bhapi̱so bhebhali bhakakibhusumbesaga si̱li̱ngi̱ atano?#10:29 Si̱li̱ngi̱ atano Ka Ku̱gi̱li̱ki̱ bhakigiagaku̱ Asali̱oni̱ moti̱. Asali̱oni̱ abhi̱ mukwenge sa bbei̱ nke. No kalibe mindia aki̱gu̱waga gwabhi̱mba Abanu̱ mindia gulu ndia kabhali̱. 30Toli̱ na sikamuhu ndio oli nai̱ gua muhu Mambombi̱ ai̱bi̱a. 31Ti̱-no bhukulukutiya nanga bhuli bhatua mugaso koli̱sa bi̱ya bhapi̱so bhenjo.
32“Nkpa poni mindia akinibhala ka bi̱ya bhakpa, nemi nida kimbala kei̱soa Aba mindia ali gulu. 33No mindia ada kinikoma ka bi̱ya bhakpa, nemi nida kinkoma kei̱soa Aba mindia ali gulu.
34“Bhukulukweli̱li̱kana eti ni̱bi̱ki̱ ka nsi bi̱ki̱sabe mpempa ka bhakpa, no ni̱bi̱ki̱si̱ bhulemo. 35Ni̱bi̱ki̱ andu̱lu̱ nidhuwe
‘Mi̱ki̱ mu̱lu̱ku̱aki angane abaki,
na mi̱ki̱ nkali̱aki angane amaki,
nkanai̱ angane amabhondiaki.
36Bhangi̱gu̱ ndibha nkpa bhada kibha bhakpa ndibha ka i̱nji̱ ndiaki.’
37“Toli̱ mindia akinkunda abaki kedha amaki koli̱sa nesi̱ ani̱ku̱ndi̱o, kagbokiliani̱ bhaki mwegi̱ mindiamo. Toli̱ mindia akibhukunda bhani̱ki̱ ndibhaki koli̱sa nesi̱ ani̱ku̱ndi̱o kagbokiliani̱ bhaki mwegi̱ mindiamo. 38Mindia kaki̱ku̱mba musalaba ndiaki toli̱ anitomba, kagbokiliani̱ bhaki mwegi̱ mindiamo. 39Mindia kakipesi̱aku̱ bwomezi̱ ndiaki ada kifelua, no mindia akipesi̱aku̱ bwomezi̱ ndiaki nanga emi ada kibha na bwomezi̱ ndia kadaki̱si̱abe.
40“Mindia akibhutangililia, akibha nanitangi̱li̱li̱ emi, toli̱ mindia akinitangililia, akibha nantangi̱li̱li̱ minjo mindia anitika. 41Nkpa poni mindia akintangililia nabbi̱ ka ngu̱ko ndiaki sa bhunabbi̱, akitunga kisembo tabhi ndia Mambombi̱ akibhupesi̱aga bhanabbi̱, toli̱ mindia akintangililia nkpa mindia akikolaga kima ndia agbokiliani̱o, akitunga kisembo tabhi ndia Mambombi̱ akibhupesi̱aga bhakpa ndibha bhakikolaga kima ndia agbokiliani̱o. 42Toli̱ mindia akimpesi̱a moti̱ ka bhaegi̱ ndibhamo li̱bho manu̱wa, ka mazima nikibhutolia kada kifeluwa kisembo ndiaki tukai̱ kindia Mambombi̱.”
Արդեն Ընտրված.
:
Ընդգծել
Կիսվել
Պատճենել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
© Wycliffe Bible Translators, Inc., 2025