ՍԱՂՄՈՍ 130
130
ԱՂՕԹՔ ՄԸ ՕԳՆՈՒԹԵԱՆ ՀԱՄԱՐ
Աստիճաններուն երգը
1Խորունկ տեղերէն քեզի կանչեցի, ո՛վ Տէր։
2Ո՛վ Տէր, իմ ձայնս լսէ։
Քու ականջներդ թող մտիկ ընեն իմ աղօթքիս ձայնին։
3Ո՛վ Տէր, եթէ անօրէնութիւնները յիշելու ըլլաս,
Տէ՛ր, ո՞վ կրնայ կենալ։
4Բայց քու քովդ է թողութիւնը,
Որպէս զի քեզմէ վախնան։
5Ես Տէրոջը կը սպասեմ, իմ անձս կը սպասէ
Ու անոր խօսքին կը յուսամ։
6Առտուան սպասողներէն, առտուան սպասողներէն աւելի
Իմ անձս Տէրոջը կը սպասէ։
7Իսրայէլ թող Տէրոջը յուսայ,
Վասն զի Տէրոջը քով ողորմութիւն կայ
Ու անոր քով շատ փրկութիւն կայ։
8Անիկա պիտի փրկէ Իսրայէլը
Իր բոլոր անօրէնութիւններէն։
Արդեն Ընտրված.
ՍԱՂՄՈՍ 130: WARMB
Ընդգծել
Պատճենել
Համեմատել
Կիսվել
Ցանկանու՞մ եք պահպանել ձեր նշումները ձեր բոլոր սարքերում: Գրանցվեք կամ մուտք գործեք
Հայ Արեւմտահայերէն Աստուածաշունչ © Bible Society in Lebanon, 1981.