Աստվածաշնչի հայտնի հատվածներ ಮತ್ತಾಯ 7-ից

Կիսվել

ಕ್‍ೕಳಿ, ಅಕ್ಕ ನಿಂಗಕ್ ತಪ್ಪ. ತ್‍ೕಡಿ ನಿಂಗಕ್ ಕ್‍ಟ್ಟುವ. ಪಡಿನ ತಟ್ಟಿ, ಅಕ್ಕ ನಿಂಗಕ್ ಪಡಿ ತೊರ್‌ಪ.

ಎನ್ನಂಗೆಣ್ಣ್‌ಚೇಂಗಿ ದಾರೆಲ್ಲಾ ಕ್‍ೕಪ ಅಯಿಂಗಕ್ ಕ್‍ಟ್ಟುವ; ದಾರೆಲ್ಲ ತ್‍ೕಡ್‌ವ, ಅಯಿಂಗಕ್ ಕಾಂಬ; ದಾರೆಲ್ಲ ತಟ್ಟ್‌ವ, ಅಯಿಂಗಕ್ ಪಡಿ ತೊರ್‌ಪ.

ನಾಡ ಬೋದನೆನ ಚಾಯಿತೆ ಕ್‍ೕಟಿತ್, ಅದ್ಂಡ ಪ್ರಕಾರ ನಡ್‍ಪಯಿಂಗ ಬಂಡೆ ಕಲ್ಲ್‌ರ ಮೇಲೆ ಮನೆ ಕೆಟ್ಟ್‌ನ ಬುದ್ದಿವಂತ ಮನುಷ್ಯಂಡನೆಕೆ.

ಆನಗುಂಡ್, ಬೋರೆಯಿಂಗ ನಿಂಗಕ್ ಎಂತ ಮಾಡಂಡೂಂದ್ ಕುಶಿ ಪಡ್‌ವಿರೋ ಅದ್‍ನ ನಿಂಗ ಬೋರೆಯಿಂಗಕು ಮಾಡಿ. ಇದೇ ನ್ಯಾಯಪ್ರಮಾಣ ಪಿಂಞ ಪ್ರವಾದಿಯಡ ಬೋದನೆಯು ಆಯಿತುಂಡ್.

ಆಚೇಂಗಿ ನಿತ್ಯ ಜೀವಕ್ ಪೋಪ ಬಟ್ಟೇರ ಬಾಯಿಕಂಡಿ, ಇರ್‍ಂಗನದು ದುಂಬ ಕಷ್ಟವಾನದು ಆಯಿತುಂಡ್. ಅದ್‍ನ ಚೆನ್ನ ಜನ ಮಾತ್ರ ಕಂಡ್‍ಪುಡಿಪ.

ಇರ್ಂಗ್‍ನ ಬಾಯಿಕಂಡಿಲ್ ಪೋಪನೆಕೆ ನಿಂಗ ಈ ಲೋಕತ್‍ಲ್ ಬದ್‍ಕ್‍ವಿರ, ಎನ್ನಂಗೆಣ್ಣ್‌ಚೇಂಗಿ, ಪಾಳಾಪಕುಳ್ಳ ಬಾಯಿಕಂಡಿ, ಅಗಲವಾಯಿತ್ ಉಂಡ್. ಅದ್ಂಡ ಬಟ್ಟೆ ಬಲ್ಯದು, ಅಗಲವಾಯಿತು ಉಂಡ್. ಆ ಬಟ್ಟೇಲ್ ಪೋಪಯಿಂಗ ದುಂಬ ಉಂಡ್.

ಅಕ್ಕ, ಕಪಟಿಯಾನ ನಿಂಗ, ನಿಂಗಡ ಮಕ್ಕಕ್ ನಲ್ಲ ಇನಾಮ್‍ನ ಕೊಡ್‍ಪಕ್ ಗೊತ್ತಿಪ್ಪಕ, ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪ ತಾಂಡ ಪಕ್ಕ ಕ್‍ೕಪಯಿಂಗಕ್ ಎಚ್ಚಕ್ ನಲ್ಲ ವಸ್ತುನ ತಪ್ಪ?

ನಿಂಗ ದಾರ್‌ನು ತೀರ್ಪ್ ಮಾಡತಿ. ಅಕ್ಕ ನಿಂಗಳ ದೇವ ತೀರ್ಪ್ ಮಾಡುಲೆ. ಎನ್ನಂಗೆಣ್ಣ್‌ಚೇಂಗಿ, ನಿಂಗ ಬೋರೆ ಜನತ್‍ನ ಎನ್ನನೆ ತೀರ್ಪ್ ಮಾಡ್‍ವಿರೋ ಅನ್ನನೆ ದೇವ ನಿಂಗಕು ತೀರ್ಪ್ ಮಾಡ್‌ವ. ಏದ್ ಅಳ್‌ತೆಲ್ ನಿಂಗ ತೀರ್ಪ್ ಮಾಡ್‌ವಿರ, ಅದೇ ಅಳ್‌ತೆಲ್ ದೇವ ನಿಂಗಳ ಸಹ ತೀರ್ಪ್ ಮಾಡ್‌ವ.

ಆಚೇಂಗಿ ದಾರ್ ನಾಡ ಬೋದನೆನ ಕ್‍ೕಟಿತ್ ಅದ್ಂಡ ಪ್ರಕಾರ ನಡ್‍ಕತೆ ಇಪ್ಪ, ಅಂವೊ ಅಡಿಪಾಯ ಇಲ್ಲತೆ ಮಣತ್‌ರ ಮೇಲೆ ಮನೆ ಕೆಟ್ಟ್‌ನ ಮುಠಾಳರನೆಕೆ.

ನೀಡ ಕಣ್ಣ್‌ಲ್ ಉಳ್ಳ ಮರ ಪಾರ್‍ನ ನೋಟತೆ, ನೀಡ ಅಣ್ಣತಮ್ಮಣಂಡ ಕಣ್ಣ್‌ಳ್ ಉಳ್ಳ ದೂಳ್‍ನ ಎನ್ನಂಗ್ ನೋಟ್‍ವಿಯ? ನೀಡ ಕಣ್ಣ್‌ಲ್ ಮರ ಪಾರ್ ಇಪ್ಪಕ ನೀಡ ಅಣ್ಣತಮ್ಮಣನ ನೋಟಿತ್: ನಾನ್ ನೀಡ ಕಣ್ಣ್‌ಲ್ ಉಳ್ಳ ದೂಳ್‍ನ ಎಡ್‍ಪೀಂದ್ ಎಣ್ಣ್‌ವದ್ ಎನ್ನನೆ?

ಕಳ್ಳ ಪ್ರವಾದಿಯಂಗಡ ವಿಷಯತ್ ಎಚ್ಚರತ್‍ಲ್ ಇರಿ. ಅಯಿಂಗ ಪೊರಮೆ ಸಾದು ಕೊರಿರನೆಕೆ ವೇಷ ಇಟ್ಟಂಡ್ ಬಪ್ಪ. ಆಚೇಂಗಿ, ಹೃದಯತ್‍ಲ್ ಅಯಿಂಗ, ಕೀತ್‍ವ ತೋಳರನೆಕೆ ಇಪ್ಪ. ಒರ್ ಮರತ್‍ರ ಗುಣ ಅದ್ಂಡ ಪಣ್ಣ್‌ಯಿಂಜ ಗೊತ್ತಾಪನೆಕೆ, ಅಯಿಂಗಡ ನಡತೆಯಿಂಜ ನಿಂಗಕ್ ಅಯಿಂಗಳ ಗೊತ್ತಾಪ. ನಿಂಗ ದ್ರಾಕ್ಷಿ ಪಣ್ಣ್‌ನ ಮುಳ್ಳ್ ಗಿಡತ್ಂಜ ಪರಿಪಿರ? ಅಥವ ಅತ್ತಿ ಪಣ್ಣ್‌ನ ಮದ್ದ್ ಗಿಡತ್ಂಜ ಪರಿಪಿರ?

ಅನ್ನನೆ ನಲ್ಲ ಮರ ನಲ್ಲ ಪಣ್ಣ್‌ನ ತಪ್ಪ, ಆಚೇಂಗಿ ಕೆಟ್ಟ ಮರ ಕೆಟ್ಟ ಪಣ್ಣ್‌ನ ತಪ್ಪ.

ಒರ್ ನಲ್ಲ ಮರ ಕೆಟ್ಟ ಪಣ್ಣ್‌ನ ತಪ್ಪಕ್ ಕಯ್ಯುಲೆ ಅನ್ನನೆ ಕೆಟ್ಟ ಮರ ನಲ್ಲ ಪಣ್ಣ್‌ನ ತಪ್ಪಕ್ ಕಯ್ಯುಲೆ.

ಆನಗುಂಡ್ ನಲ್ಲ ಪಣ್ಣ್‌ನ ಕೊಡ್‍ಕತ ಎಲ್ಲಾ ಮರತ್‍ನ ಕೆತ್ತಿತ್ ತಿತ್ತ್‌ಕ್ ಇಡ್‌ವ.