Աստվածաշնչի հայտնի հատվածներ ಮತ್ತಾಯ 6-ից

Կիսվել

ಆಚೇಂಗಿ ಎಲ್ಲಾಕಿಂಜ ಮಿಂಞ ದೇವಡ ರಾಜ್ಯತ್‍ನ, ನೀತಿನ ತ್‍ೕಡಿ, ಅಕ್ಕ ಇದ್‍ನೆಲ್ಲ ನಿಂಗಕ್ ಕೂಟಿ ತಪ್ಪ.

ಆನಗುಂಡ್ ನಾಳೆಕಾಯಿತ್ ವ್ಯಸನ ಪಡಂಡ. ನಾಳೆತ್‍ರ ದಿವಸ ಅದ್ಂಗಾಯಿತ್ ವ್ಯಸನ ಪಡ್‌ವ. ಓರೋರ್ ದಿವಸಕೂ ಅದ್ಂಗ್ ಉಳ್ಳ ಕಷ್ಟ ಮದಿ.

ಆನಗುಂಡ್ ನಿಂಗ ಬದ್‍ಕ್‍ವಕಾಯಿತ್ ಎಂತ ಉಂಬಿರ, ಎಂತ ಕುಡಿಪಿರ, ಇಲ್ಲತೆಪೋಚೇಂಗಿ ನಿಂಗಡ ಶರೀರಕಾಯಿತ್ ಎಂತ ಇಡ್‌ವಿರಾಂದ್ ವ್ಯಸನ ಪಡತೀಂದ್ ನಾನ್ ನಿಂಗಕ್ ಎಣ್ಣ್‌ವಿ. ಆಹಾರಕಿಂಜ ಜೀವವು, ಬಟ್ಟೇಕಿಂಜ ತಡಿಯು ಮುಕ್ಯವಾಯಿತುಂಡಲ್ಲ?

ಆಚೇಂಗಿ ನಿಂಗ ಪ್ರಾರ್ಥನೆ ಮಾಡ್‌ವಕಾಪಕ ದಾರ್‌ಕು ಗೊತ್ತಿಲ್ಲತೆ ನಿಂಗಡ ಕೋಂಬರೇಕ್ ಪೋಯಿತ್, ಪಡಿ ಇಟ್ಟಂಡ್ ನಿಂಗಕ್ ಕಾಂಗತ ಅಪ್ಪನಾನ ದೇವನ ನೋಟಿತ್ ಪ್ರಾರ್ಥನೆ ಮಾಡಿ. ದಾರ್‌ಕು ಗೊತ್ತಿಲ್ಲತೆ ಮಾಡ್‌ವಾನೆಲ್ಲ ನೋಟುವ ನಿಂಗಡ ಅಪ್ಪ ನಿಂಗಕ್ ಫಲ ತಪ್ಪ.

ಆನಗುಂಡ್, ನಿಂಗ ಇನ್ನನೆ ಪ್ರಾರ್ಥನೆ ಮಾಡಂಡು: ಪರಲೋಕತ್‍ಲ್ ಉಳ್ಳ ನಂಗಡ ಅಪ್ಪನೇ, ನೀಡ ಪೆದ ಎಕ್ಕಾಲು ಪವಿತ್ರವಾಯಿತಿರಡ್; ನೀಡ ರಾಜ್ಯ ಬೂಲೋಕಕ್ ಬರಡ್; ನೀಡ ಚಿತ್ತ ಪರಲೋಕತ್‍ಲ್ ಆಪನೆಕೆ ಬೂಲೋಕತ್‌ಲು ಆಡ್

ಇಂದತೆ ದಿವಸಕ್ ಬೋಂಡಿಯಾನ ಕೂಳ್‌ನ ನಂಗಕ್ ತಾ

ನಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ನಂಗ ಮನ್ನಿಚಿಡ್‌ವನೆಕೆ, ನಂಗಡ ಪಾಪತ್‍ನ ಮನ್ನಿಚಿಡ್

ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕೕಡ್‌ಂಜ ಕಾಪಾಡ್. ರಾಜ್ಯವು, ಅದಿಕಾರವು, ಮಹಿಮೆಯು ಎಕ್ಕಾಲು ನೀಡದೇ. ಆಮೆನ್.

ನಿಂಗಕ್ ವಿರೋದವಾಯಿತ್ ಪಾಪ ಮಾಡ್‍ನಯಿಂಗಳ ಮನ್ನಿಚಿಟ್ಟತೇಂಗಿ, ನಿಂಗಡ ಪರಲೋಕತ್‍ರ ಅಪ್ಪ ನಿಂಗಳ ಮನ್ನಿಚಿಡ್‌ವ.

ಬಾನತ್‍ರ ಪಕ್ಷಿನ ನೋಟಿ, ಅಯಿಂಗ ಕುರುನ ಬಿತ್ತ್‌ವದು ಇಲ್ಲೆ, ಕೊಯಿಪಣಿ ಮಾಡ್‍ವುದು ಇಲ್ಲೆ, ಬೊಳೆನ ಪತ್ತಾಯಕ್ ಇಟ್ಟಿತ್ ಬೆಪ್ಪದು ಇಲ್ಲೆ. ಆಚೇಂಗಿಯು ನಿಂಗಡ ಪರಲೋಕತ್‍ರ ದೇವ ಅಯಿಂಗಳ ಉಂಬ್‍ಚಿಡ್‌ವ. ಅದ್ಂಗಿಂಜ ನಿಂಗ ಬೆಲೆ ಉಳ್ಳಯಿಂಗಲ್ಲಾ?

ನಿಂಗಡ ಐಶ್ವರ್ಯತ್‍ನ ಈ ಬೂಲೋಕತ್‍ಲ್ ಕೂಟಿ ಬೆಕ್ಕತಿ. ಇಲ್ಲಿ ಕೆದ ಪಿಂಞ ಕಿಲ್ಂಬ್ ಅದ್‍ನ ಪಾಳ್ ಮಾಡ್‌ವ; ಪಿಂಞ ಕಳ್ಳಂಗ ಪಡಿನ ಪೊಳ್‌ಚಿತ್ ಕಟ್ಟಂಡ್ ಪೋಯಿರುವ. ಅದ್ಂಡ ಬದ್‍ಲ್ ನಿಂಗಡ ಐಶ್ವರ್ಯತ್‍ನ ಪರಲೋಕತ್‍ಲ್ ಕೂಟಿ ಬೆಯ್ಯಿರಿ. ಅದ್‍ನ ಕೆದ ತಿಂಬದು ಇಲ್ಲೆ, ಕಿಲ್ಂಬ್ ಪುಡಿಪದು ಇಲ್ಲೆ, ಪಿಂಞ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ. ನಿಂಗಡ ಐಶ್ವರ್ಯ ಎಲ್ಲಿ ಉಂಡೋ ಅಲ್ಲಿಯೇ ನಿಂಗಡ ಹೃದಯ ಎಕ್ಕಾಲು ಇಪ್ಪ.

ದಾರೂ ದಂಡ್ ಎಜಮಾನಂಗ್ ಸೇವೆ ಮಾಡ್‌ವಕ್ ಕಯ್ಯುಲೆ. ಅಂವೊ ಒಬ್ಬನ ಕುಶಿಪಡ್‌ತ್‌ವ, ಇಂಞೊಬ್ಬನ ದ್ವೇಶ ಮಾಡ್‌ವ. ಅಥವ ಒಬ್ಬನ ಪ್ರೀತಿ ಮಾಡಿಯಂಡ್ ಇಂಞೊಬ್ಬನ ದೂರ್‌ವ. ನಿಂಗ ದೇವನ ಪಿಂಞ ಪಣತ್‍ನ ಒಕ್ಕಚೆ ಸೇವೆ ಮಾಡ್‌ವಕ್ ಕಯ್ಯುಲೆ.

ಅಲ್ಪ ನಂಬಿಕೆ ಉಳ್ಳಯಿಂಗಳೇ, ಇಂದ್ ಇಂಜಿತ್ ನಾಳೆ ಪೋಪ ಪೂವ್‍ನ ದೇವ ಇಚ್ಚಕ್ ಚಾಯಿತೆ ನೋಟ್‍ಚೇಂಗಿ, ನಿಂಗಳ ನೇರಾಯಿತು ಎಚ್ಚಕ್ ಚಾಯಿತೆ ನೋಟ್‌ವ?

ಆಚೇಂಗಿ, ನಿಂಗ ಒಬ್ಬಂಗ್ ಕೊಡ್‌ಪಕ ನಿಂಗಡ ಬಲ್‌ತೆ ಕೈ ಮಾಡಿಯಂಡುಳ್ಳದ್ ಎಡ್‌ತ ಕೈಯಿಕ್ ಗೊತ್ತಾಪಕ್ಕಾಗ. ನಿಂಗಡ ಇನಾಮ್‍ನ ಗುಟ್ಟಾಯಿತ್ ಕೊಡಿ, ಎಲ್ಲಾ ಒಳಗುಟ್ಟ್‌ನ ಗೊತ್ತುಳ್ಳ ನಿಂಗಡ ಅಪ್ಪ ನಿಂಗಕ್ ಫಲ ತಪ್ಪ.

ನಿಂಗ ಮಾಡ್‌ವ ದರ್ಮ ಕಾರ್ಯತ್‍ನ ಎಲ್ಲಾರು ಕಂಡಿತ್ ಮೆಚ್ಚ್‌ವನೆಕೆ ಮಾಡ್‌ವಕ್ಕಾಗ. ಅನ್ನನೆ ಮಾಡ್‍ಚೇಂಗಿ ಪರಲೋಕತ್‍ಲ್ ಉಳ್ಳ ನಿಂಗಡ ಅಪ್ಪಯಿಂಜ ಕ್‍ಟ್ಟ್‌ವಕುಳ್ಳ ಫಲತ್‍ನ ನಿಂಗ ಕಳೆಂದ್‍ರ್‍ವಿರ.

ನಿಂಗ ಪಟ್ಟಣಿ ನಿಂದಕ, ಕಪಟಿಯರನೆಕೆ ಮೂಡ್‍ನ ಬಾಡ್‌ಚಿಡತಿ. ಅಯಿಂಗ ಪಟ್ಟಣಿ ನಿಪ್ಪದ್‌ನ ಜನ ಕಾಂಗಂಡೂಂದ್ ತಂಗಡ ಮೂಡ್‍ನ ಚಪ್ಪೆಯಾಯಿತ್ ಬೆಚ್ಚವ. ಅಯಿಂಗಕ್ ತಂಗಡ ಫಲ ಪೂರ್ತಿಯಾಯಿತ್ ಕ್‍ಟ್ಟ್‌ಚೀಂದ್ ನಿಂಗಕ್ ನೇರಾಯಿತು ಎಣ್ಣ್‌ವಿ. ನಿಂಗ ಪಟ್ಟಣಿ ನಿಪ್ಪಕ, ನಿಂಗ ಎಕ್ಕಾಲು ಇಪ್ಪನೆಕೆ ಮಂಡೆಕ್ ಎಣ್ಣೆ ಇಟ್ಟಿತ್, ಮೂಡ್‍ನ ಕತ್ತಿತ್ ಇರಿ. ಅಕ್ಕ ನಿಂಗ ಗುಟ್ಟ್‌ಲ್ ಎಂತ ಮಾಡಿಯಂಡುಳ್ಳಿರಾಂದ್ ಗೊತ್ತುಳ್ಳ ನಿಂಗಡ ಅಪ್ಪನ ಬುಟ್ಟಿತ್, ಬೋರೆ ದಾರ್‌ಕು ನಿಂಗ ಪಟ್ಟಣಿ ನಿಂದಂಡುಳ್ಳದ್ ಗೊತ್ತಾಪುಲೆ. ಅಕ್ಕ, ಎಲ್ಲಾ ಗುಟ್ಟು ಗೊತ್ತುಳ್ಳ ನಿಂಗಡ ಅಪ್ಪ, ನಿಂಗಕ್ ಫಲ ತಪ್ಪ.