Pran aplikasyon anVwayaje LejèEgzanp
Sispann kenbe Kontwòl la
Sa gen kèk mwa, mwen te sou wout poum fini yon estaj nan legliz mwen an. Staj sa te enkwayab, men mwen pat gen okenn lide sou sa ki tap vini apre. Mwen tap kontinye mande Bondye (pafwa pou dim) kisa ki tap vin apre, epi ta sanble Li tap kontinye reponn, men repons Li an pat gen sans pou mwen. Alòs, mwen konkli mwen pat tande anyen.
Mwen te pèdi kontwòl sa mwen te vle a. Bondye pa tap swiv plan lavi mwen!
Mwen te vin raplem manman Jezi. Èskew kapab imajine bagay sa? Mari pat gen pou li pran desizyon pou li vin ansent san li pat marye pandanl son adolesan. Li pat kapab deside kijan mari li nan yon ti kras tan-ta-pral reponn lè li vin konnen se pat li ki papa byolojik la. Mari pat kapab kontwole opinyon lòt moun, epi mwen sèten te gen plizyè opinyon.
Ofinal, mwen te deside lage anpriz sa mwen pat janm genyen sou avni mwen an epi lage plan mwen yo nan men Bondye tou louvri. Jan Mari te di a—se pou sa fèt jan ou vle a.
Mwen pa ta dwe sezi, men Bondye pat chanje repons Li an. Li te kontinye mennen mwen poum ale nan yon nouvo vil kote mwen pat gen travay, mwen pat gen fanmi, mwen pat gen direksyon epi mwen pat gen kote pou mwen viv.
Mari ak Jozèf te fè yon vwayaj menm jan an nan peyi Lejip, eksepte mesye dam sa yo te kouri pou pwoteje lavi grenn pitit yo a, sa rive tou se te sèl grenn Pitit Bondye a.
Mwen te twouble anpil, men mwen te jis kòmanse etap yo poum obeyi. Yon lòt fwa ankò, mwen pa ta dwe sezi, men mwen te jwenn yon kote poum viv, yon kolokatè, yon travay, epi kounye a mwen se yon lidè volontè nan legliz la.
Bagay yo tap mache byen pou Mari, Jozèf, ansanm ak Jezi!
Kit se andwa, karyè, finans, jwe wòl paran, relasyon, oswa menm pastan mwen pran plezi nan sa–toutotan mwen gen kontwòl konplè a, tout moso yo pat janm sanble tonbe nan plas yo byen rapid.
Mwen tap kontinye vire, baskile, epi eseye mete ti moso devinèt mwen yo nan plas mwen te chwazi a, men sa jis pa tap mache. Bondye, nan lòt bò a, te wè devinèt la pi byen. Mwen fè Li konfyans ak moso yo depi kounye a ak pou tout tan. Kite sa fèt.
Kaelyn, pa gen kontwòl la
Konsidere: Ki bagay ou kenbe byen di anba menw? Ki bagay ou ta kapab pè pèdi? Nan ki domèn nan lavi ou repons Bondye yo pa gen ankenn sans pou ou? Ki premye etap ou pouw sispann kenbe kontwòl?
Konsènan Plan sa a
Nan yon sezon Nwèl ki ranpli ak moun, pifò nan nou santi estrès ak enkyetid nan relasyon familyal, presyon finansye, desizyon san reflechi, ak desepsyon atant nou yo. Alòs, pran devan. Fon respire. Kòmanse Plan Biblik Life.Church lan epi reyalize pwa lou sa nou santi a kapab yon bagay Bondye pat janm mande nou pote. E si nou lage bagaj sa? Ann vwayaje lejè.
More
