Pran aplikasyon anVwayaje LejèEgzanp
Kite choz yo Ale
Pandan yon moman, mwen te renmen choz twòp, sitou rad. Pil rad ak soulye pou piyay, planifye pwochen acha mwen yo, gen anvi pou sa lòt moun mete. Mwen te vin rann mwen kont tout bagay sa yo te fè yon gwo pil ki wo ase pou kreye yon lonbraj sou adorasyon mwen pou Bondye chak jou.
Nan Women 12:1 Vèsyon Mesaj sa di, "Pran lavi nòmal, wap mennen chak jou a–wap dòmi, wap manje, wal-travay, epi wap monte-desann nan lavi–epitou mete sa devan Bondye kòm yon ofrann."
p>Alòs, mwen te eseye yon lòt eksperyans nan lavi: mwen te abandone zafè achte rad ak soulye pandan yon lane!
Jezi pale ak nou souvan sou fason nap aji ak bagay yo. Nan Lik 12, Li te pale klè sou sa.
… “Atansyon! Veye kò nou kont tout kalite defo sa yo; lavi a pa rezime nan gen anpil byen.” Lik 12:15 NIV
Mwen te vin aprann anpil bagay pandan yon ane. Mwen te reyalize bagay yo se pat jis yon chay pou mwen. Travay pou ministè entènasyonal la, Tearfund, mwen te wè fason yo fè pwodiksyon endistriyèl bagay mwen yo, espesyalman kèk nan piyay yo, kapab kreye fado pou vwazen mondyal mwen yo. Epi pandan mwen te vin aprann plis toujou sou fason frè ak sè sa yo tap travay di anpil avèk yon ti kras, eksè mwen yo te sanble kite balans lan.
Pandan dezi mwen pou bagay sa yo ap disparèt, dezi mwen pou Bondye te vin ap grandi. Mwen te panse mwen ta prale san anyen, men mwen te vin jwenn pi plis nan men Bondye. Se pat kalite "pi plis" kap anpile, kalite kap libere ou a.
vÈske mwen kapab ankourajew avèk rezime pawòl Apot Pòl la? Malgre gwo presyon sosyal poun konsome plis toujou—se pou nou lib Jezi te libere nou. Alòs, kanpe djanm epi pa kite yon pil bagay vin chaje tèt nou ankò.
Jounen jodya, mwen toujou achte rad, men mwen pi ekilibre. Mwen plis rekonesan. Mwen vin apresye bote ak kalite pi plis. Mwen gaspiye mwens, epi mwen eseye bay moun ki fè bagay sa mwen genyen yo valè nan sam chwazi achte yo. Pandri mwen yo gen mwens rad, men lavi mwen pi ranpli. Poutan, pi bon bagay lèw kite choz yo ale se espas ki vin genyen nan lavim poum adore pi bon kreyatè tout bagay la.
Sarah, ap libere anba choz yo
Lapriyè: Bondye, èske te gen yon fason mwen te pèmèt bagay sa yo antre nan chimen mwen renmen Ou ak lanmou pou pwochen mwen?
Konsènan Plan sa a
Nan yon sezon Nwèl ki ranpli ak moun, pifò nan nou santi estrès ak enkyetid nan relasyon familyal, presyon finansye, desizyon san reflechi, ak desepsyon atant nou yo. Alòs, pran devan. Fon respire. Kòmanse Plan Biblik Life.Church lan epi reyalize pwa lou sa nou santi a kapab yon bagay Bondye pat janm mande nou pote. E si nou lage bagaj sa? Ann vwayaje lejè.
More
