Vèsè popilè nan Bib la ki soti nan Efisos 5

Pataje

Yɔgyɔgla de nama ka Wen dek bisa baai ate wa yaali nna yegayega la. Dila nyiŋla ni be pii nyiŋ nna ate ni a tomsi wa. Kirisita ale kpi te ti diila a nye se ka Juuma ale jam a pai ŋan masisa ale duŋsa a kaabi a te Wen la. Kirisita nye ate ka Wen sui yaa peenti a sak ti ayen wa a yaali ti kama. Ni basi ate ni yaalika a chim ni niŋ wari ase Kirisitawa yaalika ale tama ale dɛ niŋ diila.

Dila nyiŋ, ni be kpesi nidek ale ni boka po ale ka dii ale nuruba la. Ni kan boro ase betta la, alege ni boro ase yam nyam la. Vaaŋa de po nuruba yegayega ale a tom tuimbaata. Alege nama, ni a gisi suik tii po ate ni ayen ni kasim a tom tuimaŋsa la.

Ni kan pai nidek a te daamoa ate bu kaasi ni, alege ni pai ni dek meena a te Wen Chiika. Ni kasim a yi yiila ŋaai ate Wen Chiika a te ni ayen ni a yi la abe ni a te ti Naawenni pimpauk ni suiniima po. Ti kowa Wen a tom tuima ka nna yegayega a te ti. Dila nyiŋ la, ni kasim a te ti Kowa Wen jiam ti Nyɔnɔwa Yeezu Kirisita yuenni nyiŋ.

Ni kan a nye se ni ka betta la, alege ni a gisi dii ate Wen a yaali ayen ni a tom a te wa la.

Nama baai ale ka chorɔba la, ku a fɛ kama ate ni ta yaalika ale ni pooma ase Kirisita ale a yaali baai meena ale a va wa la. Wa kpi kama a te ba ate ku sak ba wa yaalika ale soa dii ba jigi la.

Ase nama ale jam kan seba Wen diipo la, ni bo ka legi po, alege yɔgyɔgla de nama ka Naawen nuruba, ni yaa bo ka danni kantueŋka po. Ka dila ale soa ate ku a fɛ ayen ni bo danni kantueŋka po la.

Ni basi ate ni popolaŋa meena a chim popola yena, ate ni baga a te Kirisita zula.

Pooba, ni siak a te ni chorɔba ase ni ale a siak a te ti Naawenni diila.

Ku be ka dila nama mɛ jigi ayen, ku a fɛ kama ate chorɔba a yaali ba pooba ase ba ale a yaali badek diila abe, pooba mɛ a te ba chorɔma zula.

<<Dila nyiŋla, ku a fɛ kama ate nidoa basi wa ko ale wa ma, abe wa gum chaab ale wa powa, ate bayewa a chim nyiŋ yeŋ.>> (Piilimka 2:24)

Ni kan ta wari a nye ale wie ŋaai ale kan ta kiri ate nuruba a tom la. Dii nyiŋla, ka nuru baai ale bo legini po la ale a tom ŋala. Alege, ni ta bala chaab nyini legini po a nyini danni kantueŋka po.