Vèsè popilè nan Bib la ki soti nan Efisos 4

Pataje

Ni dan basi ŋala, ni be chim nuru baai ale seba badek taka la abe ni ta jiirim ale chaab. Yeezu Kirisita kummu nyiŋ, ale soa ate Wen a vɔŋ ni wabaataŋa a te ni. Dila nyiŋla, nama mɛ be kasim vɔŋ a te chaab.

Ni kasim a zaab nidek nuruba niŋ, abe ni seba nidek taka, abe ni ta chichiiba diipo meena. Ni a maari chaab, ate nuruba seba ayen ni ta yaalika ale chaab kama.

Ni kan a biisi biem wie a te chaaba, alege ni basi ate dii meena ate nama a biisi la a ta ŋmanteka ale nyiŋbiiri, ate ku maari baai ale a wom ni la.

Ni be pai ni suipuurumu ale ni popo soblimu a basi. Ni basi nuemka ale nuruba leeta. Ni kan kisi chaaba.

Ni sue dan puuri ni kan nye biemmoa. Ni kan te wenni siŋ ale ni sue diem a puuri. Ni kan te jabioku suiwa ayen wa a nye ate ni a tom tuimbaata.

Yɔgyɔgla de ni pai ni nye kpakka a basi, dii nyiŋla kala ale a basi ate ni a va nidek pimpaasima yaalika ale pai ni a zaani suik kuui po ale ta ni a cheŋ kaasuŋ jigi la. Ku a fɛ ate ni basi ate Wen tagri ni popola meena abe wa nye ate ŋa chim popola paala. Ni nye paalik kaai ate Wen pai te ni la, le basi ate ni chim ase wadek la. Wen ka wensie dek weleŋsa nyɔnɔ.

Wen Chiika ale basi ate ni ta nɔiyeŋ ale chaab, ale ŋman basi ate ni boro ale suiyɔgni ale chaab mɛ. Ni nyiem be kasim pii nyiŋ ate ni a nye dila ale chaab.

Be ka wala ale pai tiirimu a te nurubiik meena a yaa basi ate ba gela tuimtomdɔba, ba gela Wen biisiteerɔba, ba gela baai ale a mooli Wen wamaŋsaŋa wie la, ba gela Kirisita bisaŋa ale a tu chaab la kpaga, ba gela mɛ sagrɔba. Wa nye nya kude kama ayen wa gomsi baai meena ate Wen soa la a magsi ate ba a tom Kirisita bisa tuima. Ate ku basi ate Kirisita bisaŋa baai ale bo jigi yeŋ ase wa nyiŋka la ta pagrim nalimnyiini. Ase ti dan ta siaka ale Wen nidoabinni a gumdu yegayega a jam seba wa nalimnyiini, ti meena le ta nɔiyeŋ ale chaab kama. Ase ti dan a va dila, ti le chim Kirisita biik sii ale pagi magsi ale ta yam yegayega la abe ti ŋman chim ase Kirisita ale kasim ka nuru maŋ meena diila.

Dila abe dan nye, ti kan ŋman a nye ase bisa la ale ti siaka ale wa. Nuru bala a nye se ka ŋaaruŋta ale bo nyiam po ate vioku chiak ti a ta a ga niŋ ale ŋaaŋ la. Sagrɔ baai ale kan seba Wen la, a nyiem kasim a paasi ba kama ale a yaali mɛ ayen ba nye ate ba nyini Wen wensie suiku po a nyini. Sagrɔma de nina a nyiem ale kasim muni ale tuimbaata meena tomka ale a paasi nuruba ba chaab ate ba a gum ba po a tom ŋa. Alege, ku a fɛ ate ti chim nuru pagrisa, ate sagrɔma de a kan ŋman baga a daani ti. Kirisita ale ti niŋdeerɔ. Ni basi ate ti nyiem a biisi wensie abe ti a yaali chaab, ate ti chim ase wadek la.