Vèsè popilè nan Bib la ki soti nan Efisos 6

Pataje

Boan nyiŋŋa, ti kan yaali Wen pagrimu ayen ti a kpaliŋ ale ka nuruba, alege ti a yaali ayen ti a kpaliŋ ale ka chichirik pagrisaŋa ale pagritaŋa tɔgatɔga ale a tom tuim kaasima a bo wenŋmazuk la.

Ni kasim a puusi a te Wen wieŋa de nyiŋ, ate wa baga a maari ni. Ni basi ate wa Chiika a sak ni dii ate ni ayen ni puusi a te wa la. Ni kpesi nidek nalimnyiini abe ni ta suduŋni nna yegayega, abe ni a puusi a te wa ate wa maari wa nuruma meena.

Ni dan kasim a nya pagrim buui ate Wen pai a te ni la jigi, jabioku a kan baga a paasi ni diipo diipo.

Dila nyiŋ, ni kpesi yik Wen pagrimu a tanla nalimnyiini, ate dabioku a dan jam abe ni baga a nak dɛ dachiaka meena.

Diipo meena wuu, ni basi ate ni siaka a chim jachɔgsim ate ni pai lik nidek ate jabioku dan tɔŋ wa piemaŋa abe ŋa kan nye ni wari ya. Abe ni pai ni varibasika ate ni nya la, a chim zukchin, abe Wen wanni mɛ a chim gebi kpieŋ kaai ate Wen Chiika a te ni la. Ŋala ale basi ate ni nak a dɛ ni dachaasaŋa.

Dila nyiŋ, ni gomsi nidek giŋgiŋ ale wensie ase chiak gbain ale bobi ni chaasa la, abe ni basi ate weleŋsa lik ni kuusa, abe ni kasim gomsi magsi ate ni pai Wen wanni ase nuensa la ate ni a sak nuruba Wen wamaŋsaŋa wie. Ni dan sak ba ate ba wom ŋa, Wen ale te ba suiyɔgni.

Dii nyiŋla nama ale ti Naawenni ale ka bunyi la, ni baga kama a tuesi wa pagrimu yegayega gela.

<<A zuli fi ko ale fi ma.>> (Nyinika 20:12) Ale ka piilimka sinsaga ale pumpuulima ale la. <<Ate wie cheŋ nalimnyiini a te fu ate fi goa tɛŋzuk de a beni.>> (Nyinika 20:12)

Bisa, ni a zuli ni nyam ale ka dila ale magsi.