Anders As EkExemple

God stuur vir Petrus na ‘n Romeinse soldaat se huis. Om selfs net in die huis in te gaan was godsdienstig ongehoord. In sy tyd was ‘n goeie gelowige grootgemaak om sulke situasies ten alle koste te vermy. Jy het geen kontak met mense wat so “anders” as jy is nie. Dis meer as net ‘n persoonlike voorkeur — dit was om God te dien. En buitendien, wat sou die mense sê? Dit sou ‘n skande wees!

Maar Petrus gaan ten spyte van wat die mense sou dink. Petrus gaan ten spyte van wat hy geleer was. Hy gaan ten spyte van sy eie vooroordele, en wat hy daar ontdek is vir God self! Hy besef dat God ook in mense is wat soveel anders as hy is en ewe skielik gaan ‘n nuwe wêreld vir hom oop. Hy besef God is baie groter as wat hy gedink het en dat God aan die werk is deur baie meer mense as wat hy gedink het. Hierdie gebeure is die begin van ‘n opwindende nuwe hoofstuk in Petrus se lewe en roeping.

• Kan dit wees dat God ‘n nuwe hoofstuk vir jou lewe beplan wat eers begin wanneer jy met mense wat baie “anders” as jy is kontak maak?