Versets bibliques populaires de Tiaco 3

Partager

Naraha Deorrine nauatoqquiri tiquenarrarope tibodideni ssiuarraqquiri nehe uimasiri rrirehe timadimananissa tarraroparri. Rroneqquiri tiqueneza mouaraza timadirize-manarraroparri. Deorrine nauatoqquiri tiquenezape madirraza bicaqquiri tiquenarraro, madirra ouaha attideniza rrehe tiquena tani, timecotedeniza tetideni cauanariri canarraro. Madirra bazimaza narrarossa tinanemanarraro. Orrariaza: —Tiape poni −tiquenerrerarraro. Maizeraqquiri tiquenarraro. Uima bicani tinanemanani uapi tani.

Nerrecorrari tiadeniza Deorrine nauato taha madirrari? Parrissa nauato tazapa pocca madieza auato inanana. Deorrine nauatoqquiri tiquenezape uima bicani tinanemanarri. Rroneqquiri tiqueneza: —Ouape arrimani orrani −titiquena narri.

Madirra totonarronede tiquerrenezape pina rronehe ppa tiquenarrarossa narraro. Moro tezape bononi carrirraro. Narrarope uima bicani parrirenissa tanicca touapirizarraro.

Nazama madirra carrirraricca acconi uadiqquiri, ticcadeni amonerreza tetideni uatoqquiri naza, tiadeni deni tinanemananiuarrine touira dameraqquiri tiquenezape tiadeniza uima uaidira tarraro carri tanitoui. Uaidirehe onihi onihi naqui torrarizanitoui.

Ebenoza ia Zozossede Abi Deoza etizezape: —Bica tinani −inarraro. Naraha Deo pina Pouassa naha madirra inauatobaqquirrarideniza uadi inezape: —Uaidiraqquiri tiquenani −ina tani. Erreri poni orrariraha narraroza uima bicani qquena, uima uaidira tanicca qquena nani carri tani. Rraho, ouimecotedeni, nema nanipe bica terrerani.

Arri ebenope pina zippossa narraro, oppina tani. Imeza touariraha uimasiri irrirrarorrine essire nemanehe inauaidira tani. Narrizoue rriquerreranicca rrororoni ebeno iessizape dirri zanapo tani. Nema nezape icca madie nemanehe touaidira tani.

Naraha ebenope uimasiri sse tarrarorrine pina bani uadi tarrarissa narraro. Deni irraniuarrine iparrire-rrerani. Pina macca ino comenessa narraro, toponi nanazoqque tani.

Ouimecotedeni, tiadeniza Deo Atti maridedeni uapi tarrarana. Nauatoqquiri tiquenani: Ia Deo Atti maridedeni uima inanezape niza zotode Deo madirracca uima cattemade torrazapa icca uima manaconi pina madirra ouahadenizassa nerreranitoui. Iazape denima oppina tanicca inananitoui.