Versets bibliques populaires de Tiaco 4

Partager

Nezape Deoza iboraqquiri tiquenarri. Pouaza uauadide Tocorime-Tamineza tierrizemananiuarrine dacoco tirrirarri. Nazapa Tocorime-Tamine tinoppinedeni rroppa tauitoui.

Deo Pouaza uarriraqquiri tiquenarri. Manaco Deopa tiadeniza uarrira tauitoui. Ticcadeni uimasiri tinebomanarri. Pina tizepedeni ssaua tiquenarrarossa tiquenarri. Ticcadeni uimape pamarraro: Deoza tetideni uanaqquiri, arrirraro namicca uimaza tetideni uanaqquiri narrarope bica terrerani. Tibodidenicca uima tinauissomananiuarrinepe arrirraro namicca uima tinebomaneza Deotouira tetideni uanaqquiri narri.

Ticattezamaneza ia Zozossede Deoza uati tiquenarri: —Iape ssamoqquiri inani, arrimani iquerrenani −tiquenarri. Nazana tiadeni tonatemabaqquiza tiadeni deni tonanabaqquiuitoui.

Nazapa iaza uati cauanari canaza uima onihiza ierrizeniuarrine ia acco tocanabaqquirrari. Narrarorrine Deo Atti dozo nanizape arrima narraro: —Arra “Deni iquerrenani, iana nauatoqquiri inani” quequenanarrarideniza Deopa nacassera tarrari. Naraha arramani toquerrenarraridenizana Pouapa bica tarra, uati cauanari canarra narrari −nani nade Deo Atti dozo naniza.

Uima bicani tinanemananiuarrine nauatoqquiri tiqueneraha nema tinanemana-rrerezape uimasiri tinanemanarraro.

Pouaza uati tiquenaza naqui tiadeniza da inerrerani, ticcadeni uatinarra bica terrereza. Uaidirehe touini tiquenanicca toui, tetizemananiuarrine touira uati uati tiquenezape tiadeniza da inerrerani.

Rraho, uima onihitoui rraui tirrarizarrarope pina amonerre maqquiderre ouahatoui ccarizarrarossa tiquenarraro. Nauatoqquiri tiquenerrerarraroqui? Arrirraro namicca uima touini tiquenezape poni tassani tiquerrenarraro. Nezape Deocca uadi tiquerrenarraro.

Titezerremadenicca uima ssamoqquiri tiquenani. Madirra iape pina izamassacca esseni auato, amazati amossi narrarossa inarraro.