Versets bibliques populaires de Tiaco 2

Partager

Madirra atti nama narraripa Zeso Cristoza rrehe nauira orrarirrari. Pocca madieza uima bicani inane-rrerezape pocca rrehenirri uatiarrarossa narraro.

Rrehe, arrirraro uima bazimape pina essirecca uimassa narraro. Rrassi rrassi inerrerezape essire uatiarraro. Narrarossa narraro etti: —Zeso Cristoza rrehe onarraro −ineraha Deo nacassa tauiccassa inane-rrerezape icca rrehenirri uatiarraro.

Ouimecotedeni, tettidenipe: —Iape Zeso Cristoza rrehe inarraro −tiqueneraha uima bicani auato tinanemana-rrerezape ticcadeni rrehenirri ponimassa narraro. Ponima Zeso Cristoza rrehe tiquenezape ticassiuauerapazerre? Noueranitoui.

Tiape: —Deopa orrariui. Ouaha noueraui −tanipe bica teraha tocorimedeni naco: —Deopa orrariui. Ouaha noueraui −quequenanarrari. Naraha Deocca narrizoue noppineni cappinemanazapa tacca-cca-cca quenarrari.

Timecotedeni ouaha poua tesseza arrama nauitide: —Tiape Zeso Cristoza rrehe tanira orrari narraro. Naraha ouape uima bicani ohonana narraro −narrari. Naraha oua Tiaco ouattipe: Rrari, ticca rrehenirri ouaza auato tinanarri. Uima bicani tinana-rrerazape ticca rrehenirri qqui onerrerani. Naraha ouape uima bicani onanarraroza occa rrehenirri auato onanarraro.

Arri tiadeni madirra ouahaza tetideni uaneraqquiri nezape manaco tiadeniza Deo uati uanera taza: —Ticcadeni uima bica terrerani −nauitoui. Naraha madirra ouahaza tetideni uanaqquiri nezana Deopa uati uana tarrari. Niza Deo madirra bazimacca uima cattemade torrauiuarrinecca uada bacco tezape tiadeniza: —Ticcadeni uima ouaza bica tani −nauitoui.

Rridapana timittemanani: Madirracca uima Deoza bica tarrarope Deoza rrehe narrari orrari-rrerani. Poua inananiccaza pocca rrehenirri auato inanarraro. Nazana Deopa: —Pocca uima bica tani ouaza −narrari.

Nazama Abarahaocca uimaza icauatterani: Poua inananiccaza pocca rrehenirri auato inanarraro. Pouarrine pocca rrehenirri Deoza parrirenissa tarraro.