Versets bibliques populaires de Tiaco 1

Partager

Rrehe ouimecotedeni, tiadeniza uima onihi ssonari, uima onihi ssonari naraha tettidenipe: —Peperri. Nema nehe ouatizeni −tiquenanina bica tani, onarraro. Arrirrarope nauatoqquiri tiquenani: Tiadeniza uima ssonarirrarope ticcadeni rrehenirri auato taniuarrine tiadeni nattome tabaqquirraro. Uima ocassera taraha mouaraza Deocca dacorehema tinauanemanezape tidacoremanani nanitoui.

Tibodideni ssamoqquiri tiquenezape Deocca nauatouetoui Pouaza uati tiquenarri. Deopa tiadeniza da inanitoui. Pouapa bazimaza accora tarrari. Tiadeniza: —Poni. Ssamoqquiri tiquenani −narrarauitoui.

Ouimecotedeni, tiadeniza ouati uana tani. Occa marinarra tetideni rrimemana-rrerarri. Tiadeni bazima uima timittemananissa taniuarrine teribodeni ssiuarraqquiri nezape bica tani. Mouaraza tibodideni uatonissa tapozana uati uati tiquenani bica tani. Amazati tedimana-rrerani naqui bica tani, onarraro.

Nezape Deocca dacorehema uima tonauanade ticauatteraniuarrine dameraqquiri tiquenarri. Nema tiquenezape ticcadeni rrehenirri Zeso Cristoza parrirenissa tanitoui. Deoza tizepedeni irrimanani zori tiquenerreranitoui.

Nazama Deo Atti teribodeniza timittemanani orrari-rrerana. Deo Atti timittemaneza Poua Attissa tinanemananina bica tani. Poua Atti ponima timittemanezape tiadenira tiadeni ticamaizanimanerana.

Madirrapa uima ocassera tanicca pouaza ssonari, ssonari naraha mouaraza Deocca dacorehema inauanezape Deo pouaza uatizehe da inarraro. Deo pouaza: —Rrehe, tirrine bica tani −nazapa camittehe rriquerreranicca da inanitoui. Narrarope Deo uati taporrari, arra: —Madirra ouaza uatideni uanaqquiri narrarideniza da onanitoui −naporrari.

Bazima bica tanicca, parrirenissa tarraro iaza torrarrarope Deo memeuarri madirrari da inarizarraro. Deopa ssiuarrani rrinede. Pouazape zizini nouerarraro. Pouapa paparra nama zanaporrari. Cacarriqquimera-rraraui.

Madirrapa Deo Atti mittaraha narrarossa inane-rrerezape pocca uima pina ssonobaza poua pano qqui tarrarissa narrari. Ssonobaza poua pano qqui taraha piti nauarranizapa uati rrama narrarissa narrari.

Naraha madirra Deoza rrehe nauissa tarraripa arrirraro zamacca uimasiriza carrima-rrararrari. Erredeni meze toquerrenarrari, amonerre tobaccopero ocasserani auemanezape acco canade nacassa tarrari. Madirra nama narraripa icca Abi Deoza bica tarrari.

Nazama tibodiza uima uaidira taniuarrine tia ticazossenizape: —Deo oua cazosserrari −terrerana. Deopa uima uaidira tarraro touini narrararrari. Noueraui. Deopa uaidirehetoui ia totocazossebaqqui narraraui. Naraha madirra poua bodiza uaidirehe inananiuarrine auatomezape poua touini naza uaidirehe inananiuarrine poua cacazosse narrari.

Ouimecotedeni, tiadeni motape ticappiremanarraro. Arrimani tiquerreneraha tetizemanarri. Deozana deni tiquerrenani.