Josue 14
14
B’raud’a hambas sa Kanan-nda
1Wana nandaga d’a Kanan nda a b’rawat djona mi Israel-lîd’a. Ma ngat buzuna Elazar ki Josue Nun goroma ki suma nglo suma avok andjafâ hi Israel-lâ a b’rawat djona mi Israel-lîna. 2A b’rau ambasa ni ki togina mandjaf ma zlengîna kabo andjaf ma tuna d’igi Ma didina mi he vuna mi Moise na. 3Kayam Moise mi handagad’a djona mandjaf ma mbàna kabo andjaf ma tuna sä abo alum ma Jurdê-na woi hî da’. Wani mi he nga andagad’a djona mandjafâ hi Levi-na adigazi d’i. 4Josef groma a wal lei ad’u andjafâ mbà, nala, andjafâ hi Manase-na ki ma hi Efraim-ma. Wani a he nga djona mi suma hi Levi-na d’i, a hazi nazì ma nglo ma kaka ki huyogom yam d’uwar mazina kahle mazi suma dingâ hol. 5Israel-lâ a le d’igi Ma didina mi he vuna mi Moise na, a b’rau ambasa aduk taziya.
6Bur tu suma hi Juda-na a mba gen Josue avo Gilgal. Kalep Jefune gorom ma ad’u andjafâ hi Kenas-sâ, mi dum ala: Ang tanga we vama Ma didina mi dum mi Moise sana hAlonina kan an ki ang avo Kades-Barneya-na. 7Kid’a Moise azongâ hi Ma didinina mi sunun avo Kades-Barneya á d’u ambasid’a, bizan ni dok fid’i. An mba vum ad’u zla d’a irata ki hur ma tuna mi. 8Suma a i ki sed’ena a tchuk suma tazi susub’ok, wani an tit yam lovota hi Ma didina Alo manid’a memet. 9Kur bur máma Moise mi gunun tam ala: Ambas sa ang kureï tita kata, mba d’i arî mi ang kandjavang gak didin, kayam ang tit yam lovota hi Ma didina Alo manid’a memet.
10Gola! Ki tchetchemba, Ma didina nga mi ngomon ki arid’a d’igi mam de na. Ini bizad’a nda’î dok fid’i yam vahl ata yima Ma didina mi de zla ndata mi Moise-sâ. Ni kid’a Israel-lâ a nga tit abagei hur fulîd’a dei. Gola! Ki tchetchemba, bizan ni dok klavandi yam vahl. 11Gak ini an nga kad’eng manda d’igi bur ma Moise mi sununa na. An nga kad’enga á dur ayîna, an nga kad’enga á ndabua, á hulong avo mi. 12Kayam ndata, ang han azì ma yam ahinad’a ma Ma didina mi dum zlam kur bur mámina. Kayam ang hum kur bur máma tamba ala suma Ana’â a nga kua, azì ma nglo ma ad’eng ma ngunguna, mi nga kua mi. Le Ma didina mi nga ki sed’enu ni, an mba ni digizi woi d’igi mam de na.
13Josue mi b’e vunam yam Kalep Jefune goroma, mi hum azì ma Hebron-na djona. 14Ni kayam ndata ba, azì ma Hebron-na mi arî hi Kalep Jefune gorom ma ad’u andjafâ hi Kenas-sâ gak ini, kayam mi tit yam lovota hi Ma didina Alona hi Israel-lîna memet. 15Azì ma Hebron-na a yum adjeu ala Kiriyat-Arba; Arba ni sama ngolâ aduk suma Ana’â.
Nata yi máma ba, ambasa kak ki halasa bei dur ayîna.
اکنون انتخاب شده:
Josue 14: BA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Azumeina Bible © Alliance Biblique du Tchad, 1999.
Josue 14
14
B’raud’a hambas sa Kanan-nda
1Wana nandaga d’a Kanan nda a b’rawat djona mi Israel-lîd’a. Ma ngat buzuna Elazar ki Josue Nun goroma ki suma nglo suma avok andjafâ hi Israel-lâ a b’rawat djona mi Israel-lîna. 2A b’rau ambasa ni ki togina mandjaf ma zlengîna kabo andjaf ma tuna d’igi Ma didina mi he vuna mi Moise na. 3Kayam Moise mi handagad’a djona mandjaf ma mbàna kabo andjaf ma tuna sä abo alum ma Jurdê-na woi hî da’. Wani mi he nga andagad’a djona mandjafâ hi Levi-na adigazi d’i. 4Josef groma a wal lei ad’u andjafâ mbà, nala, andjafâ hi Manase-na ki ma hi Efraim-ma. Wani a he nga djona mi suma hi Levi-na d’i, a hazi nazì ma nglo ma kaka ki huyogom yam d’uwar mazina kahle mazi suma dingâ hol. 5Israel-lâ a le d’igi Ma didina mi he vuna mi Moise na, a b’rau ambasa aduk taziya.
6Bur tu suma hi Juda-na a mba gen Josue avo Gilgal. Kalep Jefune gorom ma ad’u andjafâ hi Kenas-sâ, mi dum ala: Ang tanga we vama Ma didina mi dum mi Moise sana hAlonina kan an ki ang avo Kades-Barneya-na. 7Kid’a Moise azongâ hi Ma didinina mi sunun avo Kades-Barneya á d’u ambasid’a, bizan ni dok fid’i. An mba vum ad’u zla d’a irata ki hur ma tuna mi. 8Suma a i ki sed’ena a tchuk suma tazi susub’ok, wani an tit yam lovota hi Ma didina Alo manid’a memet. 9Kur bur máma Moise mi gunun tam ala: Ambas sa ang kureï tita kata, mba d’i arî mi ang kandjavang gak didin, kayam ang tit yam lovota hi Ma didina Alo manid’a memet.
10Gola! Ki tchetchemba, Ma didina nga mi ngomon ki arid’a d’igi mam de na. Ini bizad’a nda’î dok fid’i yam vahl ata yima Ma didina mi de zla ndata mi Moise-sâ. Ni kid’a Israel-lâ a nga tit abagei hur fulîd’a dei. Gola! Ki tchetchemba, bizan ni dok klavandi yam vahl. 11Gak ini an nga kad’eng manda d’igi bur ma Moise mi sununa na. An nga kad’enga á dur ayîna, an nga kad’enga á ndabua, á hulong avo mi. 12Kayam ndata, ang han azì ma yam ahinad’a ma Ma didina mi dum zlam kur bur mámina. Kayam ang hum kur bur máma tamba ala suma Ana’â a nga kua, azì ma nglo ma ad’eng ma ngunguna, mi nga kua mi. Le Ma didina mi nga ki sed’enu ni, an mba ni digizi woi d’igi mam de na.
13Josue mi b’e vunam yam Kalep Jefune goroma, mi hum azì ma Hebron-na djona. 14Ni kayam ndata ba, azì ma Hebron-na mi arî hi Kalep Jefune gorom ma ad’u andjafâ hi Kenas-sâ gak ini, kayam mi tit yam lovota hi Ma didina Alona hi Israel-lîna memet. 15Azì ma Hebron-na a yum adjeu ala Kiriyat-Arba; Arba ni sama ngolâ aduk suma Ana’â.
Nata yi máma ba, ambasa kak ki halasa bei dur ayîna.
Azumeina Bible © Alliance Biblique du Tchad, 1999.