Suma ka sariyad’a 9
9
A tin Abimelek amula avo Sikem
1Abimelek Jerubäl goroma mi i Sikem avo hi ndjoziyom asum simiyêd’u, mi dazi ala: 2Agi dagi mi suma nglo suma Sikem-ma pet ala: Na ni ni djivid’a tala Jerubäl grom suma dok kid’iziyana a tamula kagi ki zla tazi ped’u d’a zu? D’oze sama tuna mi tamula kagi ni mam zu? Agi djib’eregiya, an ni hliwigiya!
3Ndjoziyom a i de zla mamba mi suma nglo suma Sikem-ma. Huruzi ve zlad’a hi Abimelek-ka, a dala: Mam mi suma meid’a. 4Azi hum bege d’a hap pa a yod’ï kur gong nga kud’ora hi Bäl-Berit-ta. Mi wurak ki suma hawa ya’â ki suma bei wäd’u zlad’a ba na; a i ad’umu.
5Mi hulong avo habum avo Ofra, mi tchi b’oziyom suma Jerubäl gromina dok kid’iziya yam ahina d’a tud’a. Ma gorâ tu, a yum ala Jotam, mi prut teyo, kayam mi ngei tamu. 6Suma avo Sikem-ma ki suma avo Milo-na pet a tok taziya, a mba tin Abimelek amula go kagu sen ma nga Sikem-ma.
Zla d’a d’ogola hi Jotam-mba
7Jotam mi huma, mi i djak akulo yam ahina d’a Garizim-mba yat ta ked’iwurenga, mi er ad’um akulo, mi dazi ala: Agi suma nglo suma Sikem-ma, agi humunu, ar Alona mi humugi mi!
8Bur tu, aguna mi i á tin ndrama amula kamu. Mi de magu olifâ ala: Ang mbeï tamula kamiya! 9Wani agu olifâ mi dazi ala: An ni ar mbulun ma a he ki ngola mAlona ki sumina woi ta ba, ni i talal akulo yam agu ma dingâ zu?
10Agu máma mi de mi tuluma ala: Ang mbeï tamula kamiya! 11Wani tuluma mi hulong de magu máma ala: An ni ar adjib’et manda ki vut man nda djivi d’a kala woi ta ba, ni i talal akulo yam agu ma dingâ zu?
12Agu máma mi de mi guguzlud’a ala: Ndak mbeï tamula kamiya! 13Wani guguzlud’a ti hulong dum ala: An ni ar süm man ma le Alona ki suma tazi djivid’ina woi ta ba, ni i talal akulo yam agu ma dingâ zu?
14Bugola, aguna ki zla tam pet mi de maweid’a ala: Ndak mbeï tamula kamiya! 15Wani aweid’a ti de maguna ala: Le agi minin-ngi ni ki hur ma tuna á tinin amula kagiya ni, agi mbeï ngeyegi ad’u anguzanu. Le d’uo ni, akud’a mba d’i tcholï ngala aduk aweid’a, mba d’i ngal agu sedre ma Liban-na woyo!
16Ki tchetchemba, agi lagi ni sunda ki hur ma tuna ki gagazid’a ba, agi tinigi Abimelek amula wan zu? Agi lagi ni djivid’a mi Jerubäl ki sum mama wan zu? Agi lagi ni sunda ndak yam sun nda mam lata wana zu? 17Kayam abun mi dur ayîna kagiya, mi he tam mbei avun ayîna, mi prud’ugi woi abo suma Madiyan-na. 18Gola! Ini agi tchologi djangûna ki suma habuna, agi tchagi grom suma dok kid’iziyana yam ahina d’a tud’a, agi tinigi Abimelek abun amam mba gora gorotna amula yam suma Sikem-ma kayambala mam mi suma magid’a d’a. 19Le agi lagi hina kur bur máma ni ki hur ma tuna ki gagazid’a mi Jerubäl ki sum máma ni, Abimelek mi lagi tagi djivid’a, agi tagi pî lum tam djivid’a mi. 20Wani le hina d’uo ni, ar akud’a ti ndeï ata Abimelek, ti ngal suma Sikem-ma ki suma avo Milo-na, ti ngal Abimelek kei mi.
21Jotam mi nde mi ringâ, mi i Ber, mi i kak sä kua, kayam nga mi le mandarâ abo wiyema Abimelek.
Suma Sikem-ma a tchol huneîd’a ki Abimelek
22Abimelek mi tamula yam Israel-lâ bizad’a hindi. 23Ata yi máma Alona mi sunï muzuk ma ka ira aduk Abimelek ki suma Sikem-ma. Suma Sikem-ma a nde mbut ir Abimelek. 24A hulong ki murud’um mba mi lat ki Jerubäl grom suma dok kid’iziyana tala buzuwazi mi hulong yam wiyezina Abimelek ma tchazina d’a, yam suma Sikem suma a ndjunum á tchi b’oziyomina mi. 25Suma Sikem-ma a tchuk suma, a burum kä yam ahinad’a yat ta ked’iwurenga, a nga yo ahlena hi suma a nga kal kur lovot ndatina. Wani a mba de zla ndata mi Abimelek.
26Gal Ebet goroma mi mba ki b’oziyoma avo Sikem; suma Sikem-ma huruzi vumu. 27A buzuk a i abagei a dut vut guguzlu mazid’a, a mired’ed’u, a lü vun tilâ, a tchuk kur gonga halo mazinid’a, a nga te, a nga tche, a nga de zla d’a tchod’a yam Abimelek.
28Gal Ebet goroma mi dazi ala: Abimelek ni nge ko ba, ei suma Sikem-ma lum sunda ge? Mam mi Jerubäl goroma d’uo zu? Zebul ni mam ma te yamba d’uo zu? Agi lagi sunda ni mi Hamor Sikem abumu! Ni kayam me ba, ei lei sunda mi Abimelek ke? 29Ladjï sa mi tinin ngola yam suma Sikem-ma ni tä ni! An mba ni zut Abimelek kä woyo! An mba ni de mi Abimelek ala: Ang min azigar mangâ! Ang ngavanï durâ!
30Zebul ma te yamba hur azinina, mi hum zla d’a Gal Ebet goroma mi data, hurum zal ngola. 31Mi ge sunda gumun ata Abimelek, mi dum ala: Ang gola! Gal Ebet goroma ki b’oziyoma a mba nga avo Sikem, a nga zut suma hur azinina ala a tchol djangûna ki sed’engû. 32Ki tchetchemba, ang ki suma a nga zlapa ki sed’engâ, agi tchologi andjege d’a wanda, i burugi kä abageya. 33Avin yorogo ata yima afata ti deîna, ang mba nde suma kur azinina durâ. Ata yima Gal ki sum mama a mba buzuk á durungâ, ang le vama hurung minima ki sed’emu.
34Abimelek azi ki suma a nga zlapa ki sed’ema pet, a wal tazi kä ad’u adesâ fid’i, a i bur kä huyok azì ma Sikem-ma. 35Gal Ebet goroma mi ndeï woi mi tchol avun azina. Abimelek azi ki suma a nga zlapa ki sed’ema a buzugï woi ata yima azi bur kuana. 36Gal mi we suma, mi de mi Zebul ala: Gola! Suma a nga tchugï asezi kä yam ahinad’a.
Zebul mi hulong dum ala: Nangus ahinad’a ba, ti lobong d’igi suma hina wana!
37Gal mi dala: Gagazi, ni suma ba, a tchugï asezi kä kur azina. Adesâ hi azigarîna a hle lovot ta ad’u agu sen ma a tuwal fileina kuana wana!
38Zebul mi hulong dum ala: Zla d’a ang dat fatid’a, ti nga ni lara ge? Ang dami ala: Abimelek ni nge ko ba, ei lum sunda ge d’uo zu? Ni suma ang golozi isâ d’uo zu? Ki tchetchemba, ang i atam durâ da’!
39Gal mi ge tam avok suma Sikem-ma, mi nde dur Abimelek. 40Abimelek mi kal kamu, mi ring avoromu. Suma ablaud’a a fe mbuleina, a bo kä didi, gak a mbaza avun azina. 41Abimelek mi i kak Aruma. Zebul mi dik Gal ki b’oziyoma woi avo Sikem, kayam a kak kua d’uo d’a.
42Tcha ndjivinda suma Sikem-ma a buzuk a i abageya; suma a i de zla ndata mi Abimelek. 43Mi yo azigar mama, mi walazi kä ad’u adesâ hindi, a i bur kä abageya. Ata yima mi we suma a buzugï woi hur azinina, mi tchol mi duruzi mi tchaziya. 44Abimelek kades suma a nga ki sed’ema a i ndjar avun azina. Ades suma a ar mbàna, a ndja abozi yam suma a nga abageina, a tchaziya. 45Abimelek mi dur suma hur azina ki falei ndata baba, mi hlazina, mi tchi suma kurâ, mi to azina kä woyo, mi yak ndjuvuna kam mi.
46Kid’a suma Sikem suma a nga kaka kur gong nga fiyak ka ngol la ndjola a hum zla ndatid’a, a i ngei tazi kur zul la a minit kä ad’u gonga hi Bäl-Berit-ta. 47A i de mi Abimelek ala suma Sikem-ma a ngei nga tazi kä kur zul ndata. 48Ata yi máma Abimelek ki suma a nga zlapa ki sed’ema pet, a djak akulo yam ahina d’a Salmon-nda. Abimelek mi hlandjetna abomu, mi ka abo aguna, mi gum kelemu, mi de mi suma a nga zlapa ki sed’ema ala: Agi wagi vama an luma; agi b’ad’agi tagi á lagi hina mi. 49Suma pet nge nge pî mi ka abo aguna abomu, a i ad’u Abimelek. A i tchuk abo agu máma kä avun zul ndata, a ngal suma a nga kur zul ndatina woyo. Ni hina ba, a tchi suma Sikem suma a nga kaka kur gong nga fiyak ka ngol la ndjolina woyo. Suma ablawazi pet, andjofâ karopma a ni go ki dubu.
Matna hi Abimele’â
50Ata yi máma Abimelek mi i á dur azì ma Tebes-sâ. Mi nguyumu, mi hlumu. 51Wani gong nga fiyak ka ngol la ndjola, ti nga hur azì ma ngolâ. Suma pet andjofâ karopma zlapa ki suma nglo suma hur azinina, a ngei tazi kua. A duk vuna, a djak akulo yam dudura hi gong ndatid’a. 52Abimelek mi i gak avun gong ndata, mi ndat durâ, mi hud’ï avun gonga á dot akud’a. 53Ata yi máma atchad’a ti hleî gor ahina d’a lutna, ti ge ki Abimelek yamu, ti wagam yam mbeyo. 54Ata yi máma na wat, mi yi gor azong ma nga mi zi ahle mam suma sinina, mi dum ala: Ang pat mbigeu mang nga fiyaka, ang tchanu! Ar a davin kan ala atchad’a ba, ti tchanu d’i. Gor azong mama mi tchogom mi tchumu. 55Kid’a Israel-lâ a wala a tchi wa Abimelegu d’a, nge nge pî mi hulong mi i avo hatamu.
56Ni hina ba, Alona mi hulong tcho d’a Abimelek mi lat mabum mi tchi b’oziyom suma dok kid’iziyanid’a kamu. 57Alona mi hulong tcho d’a suma Sikem-ma a lata kazi mi. Mi ndak vun vun ma ge ma Jotam Jerubäl goroma mi gazizina mi.
اکنون انتخاب شده:
Suma ka sariyad’a 9: BA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Azumeina Bible © Alliance Biblique du Tchad, 1999.
Suma ka sariyad’a 9
9
A tin Abimelek amula avo Sikem
1Abimelek Jerubäl goroma mi i Sikem avo hi ndjoziyom asum simiyêd’u, mi dazi ala: 2Agi dagi mi suma nglo suma Sikem-ma pet ala: Na ni ni djivid’a tala Jerubäl grom suma dok kid’iziyana a tamula kagi ki zla tazi ped’u d’a zu? D’oze sama tuna mi tamula kagi ni mam zu? Agi djib’eregiya, an ni hliwigiya!
3Ndjoziyom a i de zla mamba mi suma nglo suma Sikem-ma. Huruzi ve zlad’a hi Abimelek-ka, a dala: Mam mi suma meid’a. 4Azi hum bege d’a hap pa a yod’ï kur gong nga kud’ora hi Bäl-Berit-ta. Mi wurak ki suma hawa ya’â ki suma bei wäd’u zlad’a ba na; a i ad’umu.
5Mi hulong avo habum avo Ofra, mi tchi b’oziyom suma Jerubäl gromina dok kid’iziya yam ahina d’a tud’a. Ma gorâ tu, a yum ala Jotam, mi prut teyo, kayam mi ngei tamu. 6Suma avo Sikem-ma ki suma avo Milo-na pet a tok taziya, a mba tin Abimelek amula go kagu sen ma nga Sikem-ma.
Zla d’a d’ogola hi Jotam-mba
7Jotam mi huma, mi i djak akulo yam ahina d’a Garizim-mba yat ta ked’iwurenga, mi er ad’um akulo, mi dazi ala: Agi suma nglo suma Sikem-ma, agi humunu, ar Alona mi humugi mi!
8Bur tu, aguna mi i á tin ndrama amula kamu. Mi de magu olifâ ala: Ang mbeï tamula kamiya! 9Wani agu olifâ mi dazi ala: An ni ar mbulun ma a he ki ngola mAlona ki sumina woi ta ba, ni i talal akulo yam agu ma dingâ zu?
10Agu máma mi de mi tuluma ala: Ang mbeï tamula kamiya! 11Wani tuluma mi hulong de magu máma ala: An ni ar adjib’et manda ki vut man nda djivi d’a kala woi ta ba, ni i talal akulo yam agu ma dingâ zu?
12Agu máma mi de mi guguzlud’a ala: Ndak mbeï tamula kamiya! 13Wani guguzlud’a ti hulong dum ala: An ni ar süm man ma le Alona ki suma tazi djivid’ina woi ta ba, ni i talal akulo yam agu ma dingâ zu?
14Bugola, aguna ki zla tam pet mi de maweid’a ala: Ndak mbeï tamula kamiya! 15Wani aweid’a ti de maguna ala: Le agi minin-ngi ni ki hur ma tuna á tinin amula kagiya ni, agi mbeï ngeyegi ad’u anguzanu. Le d’uo ni, akud’a mba d’i tcholï ngala aduk aweid’a, mba d’i ngal agu sedre ma Liban-na woyo!
16Ki tchetchemba, agi lagi ni sunda ki hur ma tuna ki gagazid’a ba, agi tinigi Abimelek amula wan zu? Agi lagi ni djivid’a mi Jerubäl ki sum mama wan zu? Agi lagi ni sunda ndak yam sun nda mam lata wana zu? 17Kayam abun mi dur ayîna kagiya, mi he tam mbei avun ayîna, mi prud’ugi woi abo suma Madiyan-na. 18Gola! Ini agi tchologi djangûna ki suma habuna, agi tchagi grom suma dok kid’iziyana yam ahina d’a tud’a, agi tinigi Abimelek abun amam mba gora gorotna amula yam suma Sikem-ma kayambala mam mi suma magid’a d’a. 19Le agi lagi hina kur bur máma ni ki hur ma tuna ki gagazid’a mi Jerubäl ki sum máma ni, Abimelek mi lagi tagi djivid’a, agi tagi pî lum tam djivid’a mi. 20Wani le hina d’uo ni, ar akud’a ti ndeï ata Abimelek, ti ngal suma Sikem-ma ki suma avo Milo-na, ti ngal Abimelek kei mi.
21Jotam mi nde mi ringâ, mi i Ber, mi i kak sä kua, kayam nga mi le mandarâ abo wiyema Abimelek.
Suma Sikem-ma a tchol huneîd’a ki Abimelek
22Abimelek mi tamula yam Israel-lâ bizad’a hindi. 23Ata yi máma Alona mi sunï muzuk ma ka ira aduk Abimelek ki suma Sikem-ma. Suma Sikem-ma a nde mbut ir Abimelek. 24A hulong ki murud’um mba mi lat ki Jerubäl grom suma dok kid’iziyana tala buzuwazi mi hulong yam wiyezina Abimelek ma tchazina d’a, yam suma Sikem suma a ndjunum á tchi b’oziyomina mi. 25Suma Sikem-ma a tchuk suma, a burum kä yam ahinad’a yat ta ked’iwurenga, a nga yo ahlena hi suma a nga kal kur lovot ndatina. Wani a mba de zla ndata mi Abimelek.
26Gal Ebet goroma mi mba ki b’oziyoma avo Sikem; suma Sikem-ma huruzi vumu. 27A buzuk a i abagei a dut vut guguzlu mazid’a, a mired’ed’u, a lü vun tilâ, a tchuk kur gonga halo mazinid’a, a nga te, a nga tche, a nga de zla d’a tchod’a yam Abimelek.
28Gal Ebet goroma mi dazi ala: Abimelek ni nge ko ba, ei suma Sikem-ma lum sunda ge? Mam mi Jerubäl goroma d’uo zu? Zebul ni mam ma te yamba d’uo zu? Agi lagi sunda ni mi Hamor Sikem abumu! Ni kayam me ba, ei lei sunda mi Abimelek ke? 29Ladjï sa mi tinin ngola yam suma Sikem-ma ni tä ni! An mba ni zut Abimelek kä woyo! An mba ni de mi Abimelek ala: Ang min azigar mangâ! Ang ngavanï durâ!
30Zebul ma te yamba hur azinina, mi hum zla d’a Gal Ebet goroma mi data, hurum zal ngola. 31Mi ge sunda gumun ata Abimelek, mi dum ala: Ang gola! Gal Ebet goroma ki b’oziyoma a mba nga avo Sikem, a nga zut suma hur azinina ala a tchol djangûna ki sed’engû. 32Ki tchetchemba, ang ki suma a nga zlapa ki sed’engâ, agi tchologi andjege d’a wanda, i burugi kä abageya. 33Avin yorogo ata yima afata ti deîna, ang mba nde suma kur azinina durâ. Ata yima Gal ki sum mama a mba buzuk á durungâ, ang le vama hurung minima ki sed’emu.
34Abimelek azi ki suma a nga zlapa ki sed’ema pet, a wal tazi kä ad’u adesâ fid’i, a i bur kä huyok azì ma Sikem-ma. 35Gal Ebet goroma mi ndeï woi mi tchol avun azina. Abimelek azi ki suma a nga zlapa ki sed’ema a buzugï woi ata yima azi bur kuana. 36Gal mi we suma, mi de mi Zebul ala: Gola! Suma a nga tchugï asezi kä yam ahinad’a.
Zebul mi hulong dum ala: Nangus ahinad’a ba, ti lobong d’igi suma hina wana!
37Gal mi dala: Gagazi, ni suma ba, a tchugï asezi kä kur azina. Adesâ hi azigarîna a hle lovot ta ad’u agu sen ma a tuwal fileina kuana wana!
38Zebul mi hulong dum ala: Zla d’a ang dat fatid’a, ti nga ni lara ge? Ang dami ala: Abimelek ni nge ko ba, ei lum sunda ge d’uo zu? Ni suma ang golozi isâ d’uo zu? Ki tchetchemba, ang i atam durâ da’!
39Gal mi ge tam avok suma Sikem-ma, mi nde dur Abimelek. 40Abimelek mi kal kamu, mi ring avoromu. Suma ablaud’a a fe mbuleina, a bo kä didi, gak a mbaza avun azina. 41Abimelek mi i kak Aruma. Zebul mi dik Gal ki b’oziyoma woi avo Sikem, kayam a kak kua d’uo d’a.
42Tcha ndjivinda suma Sikem-ma a buzuk a i abageya; suma a i de zla ndata mi Abimelek. 43Mi yo azigar mama, mi walazi kä ad’u adesâ hindi, a i bur kä abageya. Ata yima mi we suma a buzugï woi hur azinina, mi tchol mi duruzi mi tchaziya. 44Abimelek kades suma a nga ki sed’ema a i ndjar avun azina. Ades suma a ar mbàna, a ndja abozi yam suma a nga abageina, a tchaziya. 45Abimelek mi dur suma hur azina ki falei ndata baba, mi hlazina, mi tchi suma kurâ, mi to azina kä woyo, mi yak ndjuvuna kam mi.
46Kid’a suma Sikem suma a nga kaka kur gong nga fiyak ka ngol la ndjola a hum zla ndatid’a, a i ngei tazi kur zul la a minit kä ad’u gonga hi Bäl-Berit-ta. 47A i de mi Abimelek ala suma Sikem-ma a ngei nga tazi kä kur zul ndata. 48Ata yi máma Abimelek ki suma a nga zlapa ki sed’ema pet, a djak akulo yam ahina d’a Salmon-nda. Abimelek mi hlandjetna abomu, mi ka abo aguna, mi gum kelemu, mi de mi suma a nga zlapa ki sed’ema ala: Agi wagi vama an luma; agi b’ad’agi tagi á lagi hina mi. 49Suma pet nge nge pî mi ka abo aguna abomu, a i ad’u Abimelek. A i tchuk abo agu máma kä avun zul ndata, a ngal suma a nga kur zul ndatina woyo. Ni hina ba, a tchi suma Sikem suma a nga kaka kur gong nga fiyak ka ngol la ndjolina woyo. Suma ablawazi pet, andjofâ karopma a ni go ki dubu.
Matna hi Abimele’â
50Ata yi máma Abimelek mi i á dur azì ma Tebes-sâ. Mi nguyumu, mi hlumu. 51Wani gong nga fiyak ka ngol la ndjola, ti nga hur azì ma ngolâ. Suma pet andjofâ karopma zlapa ki suma nglo suma hur azinina, a ngei tazi kua. A duk vuna, a djak akulo yam dudura hi gong ndatid’a. 52Abimelek mi i gak avun gong ndata, mi ndat durâ, mi hud’ï avun gonga á dot akud’a. 53Ata yi máma atchad’a ti hleî gor ahina d’a lutna, ti ge ki Abimelek yamu, ti wagam yam mbeyo. 54Ata yi máma na wat, mi yi gor azong ma nga mi zi ahle mam suma sinina, mi dum ala: Ang pat mbigeu mang nga fiyaka, ang tchanu! Ar a davin kan ala atchad’a ba, ti tchanu d’i. Gor azong mama mi tchogom mi tchumu. 55Kid’a Israel-lâ a wala a tchi wa Abimelegu d’a, nge nge pî mi hulong mi i avo hatamu.
56Ni hina ba, Alona mi hulong tcho d’a Abimelek mi lat mabum mi tchi b’oziyom suma dok kid’iziyanid’a kamu. 57Alona mi hulong tcho d’a suma Sikem-ma a lata kazi mi. Mi ndak vun vun ma ge ma Jotam Jerubäl goroma mi gazizina mi.
Azumeina Bible © Alliance Biblique du Tchad, 1999.