Gat ta a hat á mbàd’id’a 31
31
MOISE MI AR ISRAEL-LÂ, MI MID’A
(31—34)
A man Josue mi vrak balum Moise
1Moise mi i mi de zla ndata mi Israel-lâ pet.
2Mi dazi ala: Ini bizan ni kis kam dok mbà, an ndak á i ki sed’egi ni hulong ki sed’egi d’uo mi. Ma didina mi dan ala: Ang mba djak alum ma Jurdê-na d’i. 3Ma didina Alo magina tamba mba mi djak aluma avorogiya, mba mi dap andjaf suma a nga kaka sä abo aluma woi hina woi avorogiya. Agi mba digizi woyo, agi mba hlagi ambas mazid’a. Ni Josue ba, mba mi tit avorogi d’igi Ma didina mi de na. 4Ma didina mba mi le kandjaf sum ndazina ni d’igi mi le ki Sihon ki Ok amulei suma Amor-râ kambas mazi d’a mi b’lagat teid’a na mi. 5Mam mba mi hagizi abogiya; agi mba lagi ki sed’ezi d’igi an hagi vuna pet na. 6Agi vagi tagi ad’enga, agi sogi tagiya, agi lagi mandar ri, agi zlagagi avorozi d’uo mi, kayam Ma didina Alo magina tamba nga mi tit ki sed’egiya, mba mi aragi vagi d’i, mba mi aragi woi d’uo mi.
7Moise mi yi Josue avok Israel-lâ pet, mi dum ala: Ang ve tang ad’enga, ang so tangû, kayam ni ang ba, mba kal ki suma ablau suma wana yam ambas sa Ma didina mi hle vunam kat mabuyozi ngolo á hazizid’a, ni ang ba, mba b’rawazizi djona. 8Ma didina tamba mba mi tit avorongû, mba mi tit ki sed’engû, mba mi arang vang ngi, mba mi arang ngei d’uo mi. Kayam ndata, ang le mandar ri, vunadigang pat fek kuo mi.
A ndum gata mi suma kur dabid’a hi biza d’a kid’iziyad’id’a
9Moise mi b’ir gat ndata, mi hat mi suma ngat buzuna andjafâ hi Levi suma a nga zi zanduk ma vun ma djinda hi Ma didinina mi nga kuana ki suma nglona hi Israel-lîna pet. 10Moise mi hazi vuna ala: Kur dabid’a hi biza d’a kid’iziyad’a d’a lara ge ni biza d’a a hulong ahle suma a dengêzina akulo mi simiyêzid’a, ni kur bur ma vun til ma zlub’ud’a, 11fata Israel-lâ pet a togï avok Ma didina Alo magina ata yima mam mba mi manama. Ang ndum gat ndata avorozi pet, kayam azi humud’u. 12Ang tok suma pet andjofâ karopma ki kemba kangoyogei suma a mba kak adigagina á humud’u, á hat á le mandara Ma didina Alo magina, á ngom zla d’a pet ta kur gat ndatid’a, á tit kat mi. 13Grogi suma a wat nga d’uo na a mba humud’u, a mba hat á le mandara Ma didina Alo magina, ata yima lara ge pet ma agi nga ki iragi kur ambas sa agi nga djagagi alum ma Jurdê-na á hlat wanda.
Israel-lâ a mba mbut suma bei d’engzengâ avok Alona
14Ma didina mi de mi Moise ala: Gola! Bur ma ang mit kuana mi ar go. Ang yi Josue, agi i tchologi kur zlub’u d’a ngaf tad’a. An mba ni hum vun man ma hed’a.
Moise azi ki Josue djak a i tchol kur zlub’u d’a ngaf tad’a. 15Ma didina mi nde woi kur zlub’u d’a ngaf tad’a aduk d’ugul la nga tchola gongzonga. D’ugul la nga tchola gongzonga mba d’i tchol avun zlub’ud’a. 16Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi. 17Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu? 18Kur bur máma an mba ni ngei tan ndei avorozi yam tcho d’a azi mba lat á kud’or alo ma dingîd’a. 19Ki tchetchemba, agi b’irigi sawal la wanda, agi had’at mi Israel-lâ, agi tinizizi avunaziya. Sawal ndata mba d’i le glangâs mana yam Israel-lâ. 20Kayam an mba ni kal ki sum ndazina kur ambas sa an hle vunan kat mabuyozi ngolo á hazizid’a, nambas sa ambira ki mbul ayuma a nga sor kä kuad’a. Azi mba te, a mba hoba, a mba d’ora. Bugola, azi mba mbut irazi ata alo ma dingâ á kud’uromu, a mba lan tchod’a, a mba but vun ma djin ma an djinim ki sed’ezina woi mi. 21Fata ndak ka tetenga ki hohoud’a a mba mba kazid’a, andjavazi mba mi mar yam sawal ndata d’i. Ti arî d’igi glangâs ma kazina na. An we djib’er ra kuruzid’a ini avok bei an kalazi kur ambas sa an hlazi vunan kat á hazizid’a.
22Kur bur máma Moise mi b’ir sawal ndata, mi had’at mi Israel-lâ mi.
23Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.
24Ata yima Moise mi dap zlad’a hi gat ta a b’irit kur mbaktumbid’a dapma, 25mi he vuna mi suma hi Levi suma a nga zi zanduk ma vun ma djinda hi Ma didinina mi nga kuana, 26mi dazi ala: Agi vagi mbaktum mba wan nda a b’ir gata hAlonid’a kuad’a, agi gat kä gen zanduk ma vun ma djinda hi Ma didina Alo maginina mi nga kuana; mba d’i ar ged’a ata yi máma d’igi glangâs ma kagina na. 27Kayam an we agi ni suma so vuna, agi ni suma yam mba ad’enga. Le agi nga sogi vun Ma didina kid’a an nga ki iran adigagi tua d’a ni, bugol mat mana, agi mba lagi tchod’a kal luo zu? 28Agi togogi suma nglo suma ad’u andjavagina ki suma avok sumina kä avoronu. An mba ni dazi zla ndata, kayam azi humud’u, an mba ni yakulod’a kandagad’a á le glangâsâ kaziya. 29An we bugol mat mana, agi mba mbud’ugi ndjendjed’a, agi mba d’ezegi woi kur lovot ta an tagagizid’a. Ndaka mba d’i mba kagi kayam sun nda tcho d’a agi mba lat kabogi á b’lagagi hur Ma didina á zalam hurumba.
Sawala hi Moise-sa
30Bugola, Moise mi hle sawal ndata ki zla tat pet avok ablaud’a hi Israel-la ala:
اکنون انتخاب شده:
Gat ta a hat á mbàd’id’a 31: BA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Azumeina Bible © Alliance Biblique du Tchad, 1999.
Gat ta a hat á mbàd’id’a 31
31
MOISE MI AR ISRAEL-LÂ, MI MID’A
(31—34)
A man Josue mi vrak balum Moise
1Moise mi i mi de zla ndata mi Israel-lâ pet.
2Mi dazi ala: Ini bizan ni kis kam dok mbà, an ndak á i ki sed’egi ni hulong ki sed’egi d’uo mi. Ma didina mi dan ala: Ang mba djak alum ma Jurdê-na d’i. 3Ma didina Alo magina tamba mba mi djak aluma avorogiya, mba mi dap andjaf suma a nga kaka sä abo aluma woi hina woi avorogiya. Agi mba digizi woyo, agi mba hlagi ambas mazid’a. Ni Josue ba, mba mi tit avorogi d’igi Ma didina mi de na. 4Ma didina mba mi le kandjaf sum ndazina ni d’igi mi le ki Sihon ki Ok amulei suma Amor-râ kambas mazi d’a mi b’lagat teid’a na mi. 5Mam mba mi hagizi abogiya; agi mba lagi ki sed’ezi d’igi an hagi vuna pet na. 6Agi vagi tagi ad’enga, agi sogi tagiya, agi lagi mandar ri, agi zlagagi avorozi d’uo mi, kayam Ma didina Alo magina tamba nga mi tit ki sed’egiya, mba mi aragi vagi d’i, mba mi aragi woi d’uo mi.
7Moise mi yi Josue avok Israel-lâ pet, mi dum ala: Ang ve tang ad’enga, ang so tangû, kayam ni ang ba, mba kal ki suma ablau suma wana yam ambas sa Ma didina mi hle vunam kat mabuyozi ngolo á hazizid’a, ni ang ba, mba b’rawazizi djona. 8Ma didina tamba mba mi tit avorongû, mba mi tit ki sed’engû, mba mi arang vang ngi, mba mi arang ngei d’uo mi. Kayam ndata, ang le mandar ri, vunadigang pat fek kuo mi.
A ndum gata mi suma kur dabid’a hi biza d’a kid’iziyad’id’a
9Moise mi b’ir gat ndata, mi hat mi suma ngat buzuna andjafâ hi Levi suma a nga zi zanduk ma vun ma djinda hi Ma didinina mi nga kuana ki suma nglona hi Israel-lîna pet. 10Moise mi hazi vuna ala: Kur dabid’a hi biza d’a kid’iziyad’a d’a lara ge ni biza d’a a hulong ahle suma a dengêzina akulo mi simiyêzid’a, ni kur bur ma vun til ma zlub’ud’a, 11fata Israel-lâ pet a togï avok Ma didina Alo magina ata yima mam mba mi manama. Ang ndum gat ndata avorozi pet, kayam azi humud’u. 12Ang tok suma pet andjofâ karopma ki kemba kangoyogei suma a mba kak adigagina á humud’u, á hat á le mandara Ma didina Alo magina, á ngom zla d’a pet ta kur gat ndatid’a, á tit kat mi. 13Grogi suma a wat nga d’uo na a mba humud’u, a mba hat á le mandara Ma didina Alo magina, ata yima lara ge pet ma agi nga ki iragi kur ambas sa agi nga djagagi alum ma Jurdê-na á hlat wanda.
Israel-lâ a mba mbut suma bei d’engzengâ avok Alona
14Ma didina mi de mi Moise ala: Gola! Bur ma ang mit kuana mi ar go. Ang yi Josue, agi i tchologi kur zlub’u d’a ngaf tad’a. An mba ni hum vun man ma hed’a.
Moise azi ki Josue djak a i tchol kur zlub’u d’a ngaf tad’a. 15Ma didina mi nde woi kur zlub’u d’a ngaf tad’a aduk d’ugul la nga tchola gongzonga. D’ugul la nga tchola gongzonga mba d’i tchol avun zlub’ud’a. 16Ma didina mi de mi Moise ala: Gola! Ang nga mid’a. Sum ndazina a mba mbut tazi gaulangâ kalona handjaf suma ding suma kur ambas sa azi nga kal kurut wanda, a mba aran ndeyo, a mba but vun ma djin ma an djinim ki sed’ezina woi mi. 17Kur bur máma an hurun mba mi zal atazi ngola, an mba ni arazi woyo, an mba ni ngei tan ndei avoroziya. Andjaf suma dingâ a mba tchaziya, ndaka teteng ki hohoud’a a mba mba kaziya. A mba dala: Ni kayamba Ma didina Alo meina mi nga adigei d’uo d’a ba, ndak ndata ti mba kei ni na zu? 18Kur bur máma an mba ni ngei tan ndei avorozi yam tcho d’a azi mba lat á kud’or alo ma dingîd’a. 19Ki tchetchemba, agi b’irigi sawal la wanda, agi had’at mi Israel-lâ, agi tinizizi avunaziya. Sawal ndata mba d’i le glangâs mana yam Israel-lâ. 20Kayam an mba ni kal ki sum ndazina kur ambas sa an hle vunan kat mabuyozi ngolo á hazizid’a, nambas sa ambira ki mbul ayuma a nga sor kä kuad’a. Azi mba te, a mba hoba, a mba d’ora. Bugola, azi mba mbut irazi ata alo ma dingâ á kud’uromu, a mba lan tchod’a, a mba but vun ma djin ma an djinim ki sed’ezina woi mi. 21Fata ndak ka tetenga ki hohoud’a a mba mba kazid’a, andjavazi mba mi mar yam sawal ndata d’i. Ti arî d’igi glangâs ma kazina na. An we djib’er ra kuruzid’a ini avok bei an kalazi kur ambas sa an hlazi vunan kat á hazizid’a.
22Kur bur máma Moise mi b’ir sawal ndata, mi had’at mi Israel-lâ mi.
23Bugola, Ma didina mi he vuna mi Josue Nun goroma, mi dum ala: Ang ve tang ad’enga, ang so tangû! Ni ang ba, mba kal Israel-lâ kur ambas sa an hlazi vunan kat á hazizid’a, an tanda mba ni tit ki sed’engû.
24Ata yima Moise mi dap zlad’a hi gat ta a b’irit kur mbaktumbid’a dapma, 25mi he vuna mi suma hi Levi suma a nga zi zanduk ma vun ma djinda hi Ma didinina mi nga kuana, 26mi dazi ala: Agi vagi mbaktum mba wan nda a b’ir gata hAlonid’a kuad’a, agi gat kä gen zanduk ma vun ma djinda hi Ma didina Alo maginina mi nga kuana; mba d’i ar ged’a ata yi máma d’igi glangâs ma kagina na. 27Kayam an we agi ni suma so vuna, agi ni suma yam mba ad’enga. Le agi nga sogi vun Ma didina kid’a an nga ki iran adigagi tua d’a ni, bugol mat mana, agi mba lagi tchod’a kal luo zu? 28Agi togogi suma nglo suma ad’u andjavagina ki suma avok sumina kä avoronu. An mba ni dazi zla ndata, kayam azi humud’u, an mba ni yakulod’a kandagad’a á le glangâsâ kaziya. 29An we bugol mat mana, agi mba mbud’ugi ndjendjed’a, agi mba d’ezegi woi kur lovot ta an tagagizid’a. Ndaka mba d’i mba kagi kayam sun nda tcho d’a agi mba lat kabogi á b’lagagi hur Ma didina á zalam hurumba.
Sawala hi Moise-sa
30Bugola, Moise mi hle sawal ndata ki zla tat pet avok ablaud’a hi Israel-la ala:
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Azumeina Bible © Alliance Biblique du Tchad, 1999.