2 Samuel 3
3
1Ayîna nga mi i avogovok aduk suma hi Saul-lâ ki suma hi David-na. David nga mi i avogovok kur ayî ma durâ, wani suma hi Saul-lâ a nga ngar kazigaziya.
David grom suma mi vud’uzi avo Hebron-na
(Gol 1 Sun hAm 3.1-4)
2David grom suma a vud’uzi avo Hebron-na ba wana: Gorom ma ngolâ a yum ala Amnon, ni Ahinowam mba Jisreyel-la gorotna; 3ma mbàna a yum ala Kilap, ni Abigayel atchad’a hi Nabal ma Karmel-lîd’a gorotna; ma hindina a yum ala Apsalom, ni Mäka Talmai amul ma Gesur-râ gorom mba gorotna; 4ma fid’ina a yum ala Adoniya, ni Hagit gorotna; ma vahlâ a yum ala Sefatiya, ni Abital gorotna; 5ma karagayana a yum ala Jitram, ni Egla atchad’a hi David-ta gorotna. Wana ni David grom suma mi vud’uzi avo Hebron-na.
Apner azi ki Isebäl a nga ki zlad’a adigaziya
6Ata yima durâ nga aduk suma hi Saul-lâ ki suma hi David-nina, Apner mi ve tam ad’enga ni ki suma hi Saul-lâ. 7Wani Saul amamba gora nga, a yat ala Rispa, ni Aya goromba. Isebäl mi de mi Apner ala: Ni kayam me ba, ang kal ad’u atcha d’a gora habunda ge?
8Apner hurum zal ngola yam zlad’a hi Isebäl-la, mi hulong dum ala: An nadina ba, ni mbud’ung irang ki suma Juda-na zu? An nga ni le sunda gak ini ni yam leud’a habung Saul-la, yam b’oziyoma ki buniyôma, an hang nga abo David ti. Ni nana ba, ang tinin zlad’a kan ini yam tcho d’a an lat katcha ndatid’a ge? 9Le an le nga ki David d’igi Alona mi gunum tam na d’uo ni, ar Alona mi mban ndak ka ngol la kala kan an Apner. 10Ma didina mi dala mba mi pat leud’a abo Saul, mba mi hat mi David á tamula yam Israel ki Juda, tinï ad’ud’a Dan dei gak mba Berseba d’uo zu?
11Isebäl mi de nga zla balum mi Apner ri, kayam mi lum mandaram heî.
Apner mi djin ad’um ki David
12Apner mi sun suma gen David á dum zla mamba, mi dum ala: Ambasa ni hi nge d’ö ge? Ang djin vunang ki sed’enu; an mba ni hulongôngî Israel-lâ pet ad’ungû.
13David mi hulong dum ala: Djiviya! An mba ni djin vunan ki sed’engû. Wani an nga ni djobong yam va tu: Le ang mba ni nga ki Mikal Saul goromba d’uo ni, ang mba wan iran ndi.
14David mi tchuk sunda gen Isebäl Saul goroma ala mi humï amamba Mikal la mi vat ki babak diu Filistê-na kisa. 15Isebäl mi vad’ï avo hi ndjuvut Paltiyel Layis goroma. 16Ndjuvut nga mi tit ad’ut ki tchina gak mi mbaza avo Bahurim. Ata yi máma Apner mi dum ala: Ang hulong avo! Mam hulong mi.
17Apner mi yo siretna ki suma nglo suma Israel-lâ, mi dazi ala: Avok dei pî agi min ala David mi kak amula kagiya. 18Ki tchetchemba, agi lagi vama agi hurugi minima, kayam Ma didina mi de zlad’a kam ala: Nata azong mana David ba, an mba ni sut man suma Israel-lâ woi abo suma Filistê-na, abo mazi suma djangûna pet mi.
19Apner mi de mi suma Benjamin-na, mi i ki zla d’a Israel-lâ ki suma Benjamin-na pet a ndjak vunazi kata mi David avo Hebron. 20Apner mi mba ki suma ad’um dok mbà avo Hebron gen David. David mi le te ma ngolâ mi Apner ki suma a mba ki sed’ema.
21Apner mi de mi David ala: An tchol ni iya, an ni tok Israel-lâ pet ad’u ang salana amul mana. A mba ndjak vunazi ki sed’engû; ang mba te kazi ki sum mangâ d’igi ang min na. David mi ar Apner mi i hawa.
Jowap mi tchi Apner
22Gola! Jowap azi ki azigarâ hi David-na a tcholï ata yima ayîna, a hurumï ahlena ngola. Wani Apner mi nga gen David avo Hebron nduo, kayam David mi aram mi i wa hawa. 23Kid’a Jowap azi ki azigarâ pet a mbad’a, a de mi Jowap zla ndata ala: Apner Ner goroma mi mba gen amulâ; amulâ mi aram mi i wa hawa mi.
24Jowap mi i gen amulâ, mi dum ala: Ang le ni me hina ge? Gola! Apner mi mba gevengû. Ni kayam me ba, ang aram mi i hawa ge? 25Ang we Apner Ner goroma. Mi mba ka hî ná mbud’ung irangû, á wang fed’eng nga dur ayîna, á wahle suma ang nga lazina pet mi d’uo zu?
26Jowap mi ar David, mi sun suma ad’u Apner. A i a vumï avun golong nga Sira-d’a, wani David mi we nga d’i. 27Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.
28David mi hum zla ndata bugolo, mi dala: An ki sum mana, zla nga kami avok Ma didina yam buzuna hi Apner Ner goromina d’i. 29Ar buzuwam mi hulong yam Jowap azi ki sum mama pet, ar suma avo hi Jowap-ma tugud’ei d’a djang buzuna laziya, d’oze libina kaziya, suma dingâ a djin aguna, suma dingâ a tchazi ki mbigeu d’a fiyaka, suma dingâ a fe tena d’uo mi.
30Ni hina ba, Jowap azi ki wiyema Abisai a tchi Apner, kayam mi tchazi wiyezina Asayel avo Gabawon ata yima ayîna.
31David mi de mi Jowap azi ki suma ad’uma ala: Agi hawâgi baru ma atagina woyo, agi djinigi talagad’a furugiya, agi tchigi Apner.
Amulâ David nga mi tit bugol mad’a Apner. 32A tos Apner avo Hebron; amulâ David nga mi tchiya, suma pet a tchi mi. 33Amulâ nga mi ge horâ yam Apner, mi dala:
Apner mi ndak á mit
d’igi sama lilid’a na zu?
34Abong nga djinda d’i,
aseng nga djinda ki kidjingâ d’uo mi.
Ni nana ba, ang puk kä
d’igi sana mi puk kä avok suma bei d’ingêrâ na ge?
35Ablaud’a pet a tchi horâ yam Apner tua. Kid’a afata nga bei nika tua d’a, ablaud’a pet a mba á he David tena. Wani David mi gun tam ala: Le an djuk tena d’oze vama lara bei afata niga ni, ar Alona mi mban ndak ka ngol la kala kanu!
36Suma pet a we a dala: Gagazi, zla d’a amulâ mi lata nata yad’u, kayam suma pet a we teteu ala zla d’a amulâ mi lata pet nata yad’u. 37Suma Juda-na ki Israel-lâ pet a we kur bur máma ala nga namulâ ba, mi he vuna á tchi Apner Ner goroma d’i. 38Amulâ mi de mazungeî mama ala: Agi wagi nga d’ala amulâ d’oze sama ngolâ mi mit ini aduk Israel-lâ d’a d’uo zu? 39An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.
اکنون انتخاب شده:
2 Samuel 3: BA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Azumeina Bible © Alliance Biblique du Tchad, 1999.
2 Samuel 3
3
1Ayîna nga mi i avogovok aduk suma hi Saul-lâ ki suma hi David-na. David nga mi i avogovok kur ayî ma durâ, wani suma hi Saul-lâ a nga ngar kazigaziya.
David grom suma mi vud’uzi avo Hebron-na
(Gol 1 Sun hAm 3.1-4)
2David grom suma a vud’uzi avo Hebron-na ba wana: Gorom ma ngolâ a yum ala Amnon, ni Ahinowam mba Jisreyel-la gorotna; 3ma mbàna a yum ala Kilap, ni Abigayel atchad’a hi Nabal ma Karmel-lîd’a gorotna; ma hindina a yum ala Apsalom, ni Mäka Talmai amul ma Gesur-râ gorom mba gorotna; 4ma fid’ina a yum ala Adoniya, ni Hagit gorotna; ma vahlâ a yum ala Sefatiya, ni Abital gorotna; 5ma karagayana a yum ala Jitram, ni Egla atchad’a hi David-ta gorotna. Wana ni David grom suma mi vud’uzi avo Hebron-na.
Apner azi ki Isebäl a nga ki zlad’a adigaziya
6Ata yima durâ nga aduk suma hi Saul-lâ ki suma hi David-nina, Apner mi ve tam ad’enga ni ki suma hi Saul-lâ. 7Wani Saul amamba gora nga, a yat ala Rispa, ni Aya goromba. Isebäl mi de mi Apner ala: Ni kayam me ba, ang kal ad’u atcha d’a gora habunda ge?
8Apner hurum zal ngola yam zlad’a hi Isebäl-la, mi hulong dum ala: An nadina ba, ni mbud’ung irang ki suma Juda-na zu? An nga ni le sunda gak ini ni yam leud’a habung Saul-la, yam b’oziyoma ki buniyôma, an hang nga abo David ti. Ni nana ba, ang tinin zlad’a kan ini yam tcho d’a an lat katcha ndatid’a ge? 9Le an le nga ki David d’igi Alona mi gunum tam na d’uo ni, ar Alona mi mban ndak ka ngol la kala kan an Apner. 10Ma didina mi dala mba mi pat leud’a abo Saul, mba mi hat mi David á tamula yam Israel ki Juda, tinï ad’ud’a Dan dei gak mba Berseba d’uo zu?
11Isebäl mi de nga zla balum mi Apner ri, kayam mi lum mandaram heî.
Apner mi djin ad’um ki David
12Apner mi sun suma gen David á dum zla mamba, mi dum ala: Ambasa ni hi nge d’ö ge? Ang djin vunang ki sed’enu; an mba ni hulongôngî Israel-lâ pet ad’ungû.
13David mi hulong dum ala: Djiviya! An mba ni djin vunan ki sed’engû. Wani an nga ni djobong yam va tu: Le ang mba ni nga ki Mikal Saul goromba d’uo ni, ang mba wan iran ndi.
14David mi tchuk sunda gen Isebäl Saul goroma ala mi humï amamba Mikal la mi vat ki babak diu Filistê-na kisa. 15Isebäl mi vad’ï avo hi ndjuvut Paltiyel Layis goroma. 16Ndjuvut nga mi tit ad’ut ki tchina gak mi mbaza avo Bahurim. Ata yi máma Apner mi dum ala: Ang hulong avo! Mam hulong mi.
17Apner mi yo siretna ki suma nglo suma Israel-lâ, mi dazi ala: Avok dei pî agi min ala David mi kak amula kagiya. 18Ki tchetchemba, agi lagi vama agi hurugi minima, kayam Ma didina mi de zlad’a kam ala: Nata azong mana David ba, an mba ni sut man suma Israel-lâ woi abo suma Filistê-na, abo mazi suma djangûna pet mi.
19Apner mi de mi suma Benjamin-na, mi i ki zla d’a Israel-lâ ki suma Benjamin-na pet a ndjak vunazi kata mi David avo Hebron. 20Apner mi mba ki suma ad’um dok mbà avo Hebron gen David. David mi le te ma ngolâ mi Apner ki suma a mba ki sed’ema.
21Apner mi de mi David ala: An tchol ni iya, an ni tok Israel-lâ pet ad’u ang salana amul mana. A mba ndjak vunazi ki sed’engû; ang mba te kazi ki sum mangâ d’igi ang min na. David mi ar Apner mi i hawa.
Jowap mi tchi Apner
22Gola! Jowap azi ki azigarâ hi David-na a tcholï ata yima ayîna, a hurumï ahlena ngola. Wani Apner mi nga gen David avo Hebron nduo, kayam David mi aram mi i wa hawa. 23Kid’a Jowap azi ki azigarâ pet a mbad’a, a de mi Jowap zla ndata ala: Apner Ner goroma mi mba gen amulâ; amulâ mi aram mi i wa hawa mi.
24Jowap mi i gen amulâ, mi dum ala: Ang le ni me hina ge? Gola! Apner mi mba gevengû. Ni kayam me ba, ang aram mi i hawa ge? 25Ang we Apner Ner goroma. Mi mba ka hî ná mbud’ung irangû, á wang fed’eng nga dur ayîna, á wahle suma ang nga lazina pet mi d’uo zu?
26Jowap mi ar David, mi sun suma ad’u Apner. A i a vumï avun golong nga Sira-d’a, wani David mi we nga d’i. 27Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.
28David mi hum zla ndata bugolo, mi dala: An ki sum mana, zla nga kami avok Ma didina yam buzuna hi Apner Ner goromina d’i. 29Ar buzuwam mi hulong yam Jowap azi ki sum mama pet, ar suma avo hi Jowap-ma tugud’ei d’a djang buzuna laziya, d’oze libina kaziya, suma dingâ a djin aguna, suma dingâ a tchazi ki mbigeu d’a fiyaka, suma dingâ a fe tena d’uo mi.
30Ni hina ba, Jowap azi ki wiyema Abisai a tchi Apner, kayam mi tchazi wiyezina Asayel avo Gabawon ata yima ayîna.
31David mi de mi Jowap azi ki suma ad’uma ala: Agi hawâgi baru ma atagina woyo, agi djinigi talagad’a furugiya, agi tchigi Apner.
Amulâ David nga mi tit bugol mad’a Apner. 32A tos Apner avo Hebron; amulâ David nga mi tchiya, suma pet a tchi mi. 33Amulâ nga mi ge horâ yam Apner, mi dala:
Apner mi ndak á mit
d’igi sama lilid’a na zu?
34Abong nga djinda d’i,
aseng nga djinda ki kidjingâ d’uo mi.
Ni nana ba, ang puk kä
d’igi sana mi puk kä avok suma bei d’ingêrâ na ge?
35Ablaud’a pet a tchi horâ yam Apner tua. Kid’a afata nga bei nika tua d’a, ablaud’a pet a mba á he David tena. Wani David mi gun tam ala: Le an djuk tena d’oze vama lara bei afata niga ni, ar Alona mi mban ndak ka ngol la kala kanu!
36Suma pet a we a dala: Gagazi, zla d’a amulâ mi lata nata yad’u, kayam suma pet a we teteu ala zla d’a amulâ mi lata pet nata yad’u. 37Suma Juda-na ki Israel-lâ pet a we kur bur máma ala nga namulâ ba, mi he vuna á tchi Apner Ner goroma d’i. 38Amulâ mi de mazungeî mama ala: Agi wagi nga d’ala amulâ d’oze sama ngolâ mi mit ini aduk Israel-lâ d’a d’uo zu? 39An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.
Azumeina Bible © Alliance Biblique du Tchad, 1999.