1 Samuel 6
6
Filistê-na a hulong zandu’â hAlonina avo Israel
1Zandu’â hi Ma didinina mi le tilâ kid’iziya yam ambas sa Filistê-d’a. 2Azi djop mazi suma ngat buzuna ki suma djopa ala: Agi damiya, ami lami ni nana ki zandu’â hi Ma didinina ge? Agi damiya, ami lami ni nana á hulongôm yam ambas mamba ge?
3Azi hulong dazi ala: Le agi min hulongôgi zandu’â hAlona hi Israel-lîna ni, agi hulongôm hawa d’i. Wani agi hagi he d’a hawad’a yam zla d’a vagid’a mAlona hi Israel-lîna. Wani tagi mba d’i tchuk simetna. Ata yi máma agi mba wagi ala doli Alona nga mi aragi bei ngopa d’uo ni na.
4Wani suma Filistê-na a djobozi ala: He d’a hawa d’a ami hamizi yam zla d’a vamid’a ni me ge?
Azi hulong dazi ala: Agi hat ni ngad’a yam ndumba hamulei suma Filistê-nid’a, agi hum lora vahl hle tat d’igi tugud’ei d’a a yat ala emorota na, agi hum kulom mba lora vahl mi, kayam ni tugud’ei d’a tu ndata ba, ti vagi agi kamulei magina wan petna. 5Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla. 6Ni kayam me ba, agi b’alagi hurugi d’igi Faron ki mam suma Ezipte-na a b’al huruzi hina ge? Agi djib’eregiya, ni nana ba, Alo máma mi mbazi ndaka kazi gak a ar Israel-lâ a i ge? 7Ki tchetchemba, agi minigi pus ma awilina, agi yogi amuzlei suma aropma mbà suma grozina a nga tchapona ad’uzina, suma a gazi nga dju’â kelezi tu d’uo na, agi gazi pusâ ad’uziya, agi tchuguzi grozina avo. 8Agi hlagi zandu’â hi Ma didinina, agi tinim kur pusâ, agi yogi lor ra agi hat he d’a hawad’a mAlona yam zla d’a vagid’id’a, agi tchugut kur zanduk ka gora gen zandu’â mi. Bugola, agi aragi pusâ mi iya. 9Agi gologiziya! Le amuzleina a hle wa lovot ta i yam ambas sa Israel-la abo ma Bet-Semes-sâ ni, d’obot nala nAlona hi Israel-lâ ba, mi mbei ndak ndata keya. Le a hle lovot ta dinga ni, ei mba wei ala ni mamba nga mi djobei vunei ki ndak ndata d’i, wani ndak ndata ti mba kei ni vat hawa.
10Filistê-na a lahle suma azi dazi kazina, a yo amuzlei suma arop suma grozina a nga tchapona ad’uzina mbà, a gazi pusâ ad’uziya, a tchuk grozina avo. 11Azi tin zandu’â hi Ma didinina kur pusâ ki zanduk ka gor ra kulom mba lora nga kuad’a ki vama hle tam d’igi tugud’ei d’a a yat ala emorota na na mi. 12Amuzleina a hle lovot ta Bet-Semes-sa d’ingêr. Azi nga i kur lovot ndata ki tchina, a nga i abo mandjuf fuo mi na, abo ma gula d’uo mi. Amulei suma Filistê-na a i bugol pusâ gak a mbaza ir haga d’a Bet-Semes-sa.
13Suma Bet-Semes-sâ a nga ze gemena abageya, a we zanduk máma, a le furîd’a. 14Pusâ mi mbaza hur asinena hi Josue ma Bet-Semes-sâ, mi tchol go kahina d’a ngola. Suma kolâ a pat aguna hi pusîna woyo, a hamuzlei suma arop ndazina vama ngat buzu ma ngala mi Ma didina. 15Suma hi Levi-na a hle zandu’â hi Ma didinina kä woi kur pusâ ki zanduk ka gor ra ahle suma lora nga kuad’a, a tinizi kä woi yam ahina d’a ngola. Kur bur máma tamba suma Bet-Semes-sâ a hahle suma ngat buzu suma ngala kahle suma ngat buzu suma dingâ mi Ma didina. 16Kur bur máma tamba amulei suma Filistê suma vahlâ a we hina, a hulong Ekron.
17Wana nahle suma lor suma a hle tazi d’igi tugud’ei d’a a yat ala emorota na suma Filistê-na a hazi he d’a hawad’a mi Ma didina yam zla d’a vazid’ina: tu yam azì ma ngol ma Asdot-na, tu yam azì ma ngol ma Gaza-na, tu yam azì ma ngol ma Askalon-na, tu yam azì ma ngol ma Gat-na, tu yam azì ma ngol ma Ekron-na mi. 18Wani kulom mba lora ni ngad’a yam azì ma nglo ma amulei suma Filistê suma vahlâ a nga kuana kazì ma nglo ma nga nguid’a ki gulumunina kazì ma kelâ mi. Ahina d’a ngol la kur asinena hi Josue ma Bet-Semes-sâ d’a a tin zandu’â hi Ma didinina kata, arî vama ge humba gak ini.
19Ma didina mi ngop suma avo Bet-Semes-sâ, kayam azi gol hur zanduk mama; mi tchi suma adigazi dok kid’iziya#6.19 suma adigazi dok kid’iziya: Bugol zla ndata, mbaktum mba Hebre-d’a ti dala: suma dudubu dok vahlâ. Wani zla ndata ndjak nga ki zla d’a de d’a á data d’i. Mbaktum mba dinga ti de zlad’a yam dudubud’a dok vahl hli.. Suma a arâ pet a nga tchi tchi ma hohoud’a, kayam Ma didina mi ngobozi heî.
Zandu’â hi Ma didinina mi nga avo Kiriyat-Jarim
20Bugola, suma Bet-Semes-sâ a dala: Sama mba mi ar tchola avok Ma didina Alo ma bei tchod’a ba na ni nge ge? Ei i ki zanduk mama navo hi nge ba, ei walam mbei ki sed’ei ge?
21Azi ge sunda ata suma Kiriyat-Jarim-ma, a dazi ala: Suma Filistê-na a hulongî wa zandu’â hi Ma didinina; agi mbeï hlum im sä avo hatagi mbeî.
اکنون انتخاب شده:
1 Samuel 6: BA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Azumeina Bible © Alliance Biblique du Tchad, 1999.
1 Samuel 6
6
Filistê-na a hulong zandu’â hAlonina avo Israel
1Zandu’â hi Ma didinina mi le tilâ kid’iziya yam ambas sa Filistê-d’a. 2Azi djop mazi suma ngat buzuna ki suma djopa ala: Agi damiya, ami lami ni nana ki zandu’â hi Ma didinina ge? Agi damiya, ami lami ni nana á hulongôm yam ambas mamba ge?
3Azi hulong dazi ala: Le agi min hulongôgi zandu’â hAlona hi Israel-lîna ni, agi hulongôm hawa d’i. Wani agi hagi he d’a hawad’a yam zla d’a vagid’a mAlona hi Israel-lîna. Wani tagi mba d’i tchuk simetna. Ata yi máma agi mba wagi ala doli Alona nga mi aragi bei ngopa d’uo ni na.
4Wani suma Filistê-na a djobozi ala: He d’a hawa d’a ami hamizi yam zla d’a vamid’a ni me ge?
Azi hulong dazi ala: Agi hat ni ngad’a yam ndumba hamulei suma Filistê-nid’a, agi hum lora vahl hle tat d’igi tugud’ei d’a a yat ala emorota na, agi hum kulom mba lora vahl mi, kayam ni tugud’ei d’a tu ndata ba, ti vagi agi kamulei magina wan petna. 5Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla. 6Ni kayam me ba, agi b’alagi hurugi d’igi Faron ki mam suma Ezipte-na a b’al huruzi hina ge? Agi djib’eregiya, ni nana ba, Alo máma mi mbazi ndaka kazi gak a ar Israel-lâ a i ge? 7Ki tchetchemba, agi minigi pus ma awilina, agi yogi amuzlei suma aropma mbà suma grozina a nga tchapona ad’uzina, suma a gazi nga dju’â kelezi tu d’uo na, agi gazi pusâ ad’uziya, agi tchuguzi grozina avo. 8Agi hlagi zandu’â hi Ma didinina, agi tinim kur pusâ, agi yogi lor ra agi hat he d’a hawad’a mAlona yam zla d’a vagid’id’a, agi tchugut kur zanduk ka gora gen zandu’â mi. Bugola, agi aragi pusâ mi iya. 9Agi gologiziya! Le amuzleina a hle wa lovot ta i yam ambas sa Israel-la abo ma Bet-Semes-sâ ni, d’obot nala nAlona hi Israel-lâ ba, mi mbei ndak ndata keya. Le a hle lovot ta dinga ni, ei mba wei ala ni mamba nga mi djobei vunei ki ndak ndata d’i, wani ndak ndata ti mba kei ni vat hawa.
10Filistê-na a lahle suma azi dazi kazina, a yo amuzlei suma arop suma grozina a nga tchapona ad’uzina mbà, a gazi pusâ ad’uziya, a tchuk grozina avo. 11Azi tin zandu’â hi Ma didinina kur pusâ ki zanduk ka gor ra kulom mba lora nga kuad’a ki vama hle tam d’igi tugud’ei d’a a yat ala emorota na na mi. 12Amuzleina a hle lovot ta Bet-Semes-sa d’ingêr. Azi nga i kur lovot ndata ki tchina, a nga i abo mandjuf fuo mi na, abo ma gula d’uo mi. Amulei suma Filistê-na a i bugol pusâ gak a mbaza ir haga d’a Bet-Semes-sa.
13Suma Bet-Semes-sâ a nga ze gemena abageya, a we zanduk máma, a le furîd’a. 14Pusâ mi mbaza hur asinena hi Josue ma Bet-Semes-sâ, mi tchol go kahina d’a ngola. Suma kolâ a pat aguna hi pusîna woyo, a hamuzlei suma arop ndazina vama ngat buzu ma ngala mi Ma didina. 15Suma hi Levi-na a hle zandu’â hi Ma didinina kä woi kur pusâ ki zanduk ka gor ra ahle suma lora nga kuad’a, a tinizi kä woi yam ahina d’a ngola. Kur bur máma tamba suma Bet-Semes-sâ a hahle suma ngat buzu suma ngala kahle suma ngat buzu suma dingâ mi Ma didina. 16Kur bur máma tamba amulei suma Filistê suma vahlâ a we hina, a hulong Ekron.
17Wana nahle suma lor suma a hle tazi d’igi tugud’ei d’a a yat ala emorota na suma Filistê-na a hazi he d’a hawad’a mi Ma didina yam zla d’a vazid’ina: tu yam azì ma ngol ma Asdot-na, tu yam azì ma ngol ma Gaza-na, tu yam azì ma ngol ma Askalon-na, tu yam azì ma ngol ma Gat-na, tu yam azì ma ngol ma Ekron-na mi. 18Wani kulom mba lora ni ngad’a yam azì ma nglo ma amulei suma Filistê suma vahlâ a nga kuana kazì ma nglo ma nga nguid’a ki gulumunina kazì ma kelâ mi. Ahina d’a ngol la kur asinena hi Josue ma Bet-Semes-sâ d’a a tin zandu’â hi Ma didinina kata, arî vama ge humba gak ini.
19Ma didina mi ngop suma avo Bet-Semes-sâ, kayam azi gol hur zanduk mama; mi tchi suma adigazi dok kid’iziya#6.19 suma adigazi dok kid’iziya: Bugol zla ndata, mbaktum mba Hebre-d’a ti dala: suma dudubu dok vahlâ. Wani zla ndata ndjak nga ki zla d’a de d’a á data d’i. Mbaktum mba dinga ti de zlad’a yam dudubud’a dok vahl hli.. Suma a arâ pet a nga tchi tchi ma hohoud’a, kayam Ma didina mi ngobozi heî.
Zandu’â hi Ma didinina mi nga avo Kiriyat-Jarim
20Bugola, suma Bet-Semes-sâ a dala: Sama mba mi ar tchola avok Ma didina Alo ma bei tchod’a ba na ni nge ge? Ei i ki zanduk mama navo hi nge ba, ei walam mbei ki sed’ei ge?
21Azi ge sunda ata suma Kiriyat-Jarim-ma, a dazi ala: Suma Filistê-na a hulongî wa zandu’â hi Ma didinina; agi mbeï hlum im sä avo hatagi mbeî.
Azumeina Bible © Alliance Biblique du Tchad, 1999.