1 Samuel 26
26
David mi ar bei tchi Saul yam á mbàd’a
1Suma Zif-fâ a i gen Saul avo Gibeya, a dum ala: David mi ngei nga yam yima nding ma Hakila ma abo ma hur fulîna.
2Saul mi tchola, mi i hur ful ma Zif-fâ ki Israel suma a we durîna 3000 á hal David abagei hur ful ma Zif-fâ. 3Saul mi tin kang mama yam yima nding ma Hakila ma abo ma hur fulîna avun lovota. Wani David mi nga hur fulâ, mi wala Saul nga mi djï atam abagei hur fulâ. 4Mi sun suma d’u yina á we tetet na ni Saul mi mba wa zu? 5Ata yi máma David mi i ata yima Saul mi ve kang mama kuana, mi we yima Saul ki Apner Ner gorom ma ngolâ hi azigar mamina a nga bur kuana. Saul mi nga burâ aduk kangâ d’ad’ar, suma a nguyum mi.
6David mi de mi Ahimelek ma Het-na ki Abisai Seruya gorotna Jowap wiyema ala: Ni nge mi i ki sed’en kur kangâ hi Saul-lâ ge?
Abisai mi hulong dum ala: An i ki sed’engû. 7Wani kur andjeged’a David azi ki Abisai a i kur kangâ hi azigarîna. Gola! Saul mi nga burâ kä sena hur kangâ d’ad’ar, asap mamba nga ped’a kam kä andaga. Apner azi ki azigarâ a nga burâ kä nguyum mi.
8Abisai mi de mi David ala: Alona mi hang ini mang ma djangûna abongû. Aran an tchogom kasap mamba#26.8 asap mamba: Mbut ta dinga nala asap manda.; ni b’alamzi kä woi andaga kabon ma tuna bei ni tchogom yan á mbàd’a ba!
9Wani David mi de mi Abisai ala: Ang tchum mbi! Ang we nga d’ala sama tin abom ata ma Ma didina mi tinim amulina, zlad’a nga kamu, d’uo zu? 10Ma didina ni Ma bei matna, ni mam tu ba, mi tchumu, d’oze burum ma matna mba mi mba, mam mba mid’a, d’oze a tchum avun ayî ma durâ. 11Ar Ma didina mi ngomon á tin abon ata ma mam tinim amulina! Ang hle ni asap pa nga ped’a kamba ki gugur ra mbina go, ei iya.
12David mi hlasapa ki gugur ra mbina suma a nga tinda kama, a iya. Sa mi wazi nga d’i, sa mi we nga ad’u ahle suma a lena d’i, sa tu pî mi zlit nga akulo d’uo mi, kayam azi ki zla tazi pet Ma didina mi buruzi sen ma ngolâ. 13David mi djak sä woi abo hora abo hî, mi tchol sä woi akulo yam ahinad’a hina dei, adigazi woi d’uluk. 14David mi yi suma ablauna ki Apner Ner goroma akulo ala: Apner, ang nga hulongôn humba d’uo ko zu?
Apner mi hulong dum ala: Ni ang nge ba, er ad’ung akulo gen amulâ ka hî ge?
15David mi de mi Apner ala: Angî mandjufâ d’uo zu? Ni nge ba, aduk Israel-lâ d’igi ang na ge? Ni kayam me ba, ang ngom salangâ amul mangâ d’uo ge? Kayam sana mi tcholï aduk suma, mi mba á tchi salangâ amul mangâ. 16Ang le nga vama djivi d’i. Avok Ma didin ma bei matna, ang ndak á tchid’a, kayam ang ngom nga salang ma Ma didina mi tinim amulina d’i. Ki tchetchemba, ang gol asapa ki gugur ra mbina suma hamulâ suma a nga tinda kama, a nga ni lara ge?
17Saul mi hum del David, mi dum ala: Ni deleng ang gorona David ko zu?
David mi hulong dum ala: Salana amul mana, ni delen anu. 18Mi dum kua ala: Salana, ni kayam me ba, ang digin an azong mangâ hina ge? An le ni me ge? An le ni tcho me ge? 19Ki tchetchemba, salana amul mana, ang hum zlad’a hi an azong mangîd’a. Le Ma didina mi zud’ung á kak djangûna ki sed’en ni mamu ni, ar mi ve he d’a hawad’a. Le d’i tcholï nata suma ni, ar Ma didina mi gazi vuna, kayam ni azi ba, a nga digin ini á walan ndei kandaga d’a Ma didina mi hat mi sum mamid’a. Ni d’igi azi nga dan ala: Ang i kud’or alo ma dingâ na. 20Wani ar buzuwan mi djang kä woi yam andaga d’a dinga woi dei ki Ma didina d’i. Kayam ang amul ma Israel-lâ, ang nga i dur ayîna á hal b’ab’a’â wü d’a d’igi sana mi dik tcheged’a akulo yam ahinad’a na.
21Saul mi dala: An le tchod’a! Gorona, ang mbeya; an dok lang va d’uo d’a, kayam ang we ini ari manda zlat ngola irangû. An ni lahlena ni d’igi sama lilid’a na, an le tcho d’a ngola.
22David mi hulong dum ala: Amulâ, ang gol asap manga wana. Ar sa mang tu mi mbei mi vattcha. 23Ar Ma didina mi wurak nge nge pî yam d’ingêr mamba ki d’engzeng mamba, kayam Ma didina mi hang ini abonu. Wani an min tin abon atang ang ma Ma didina mi tining amulina d’i. 24D’igi ari manga zlat ngola iran na, Ma didina mba mi we ari manda zlat ngola iram hina mi, mba mi pad’an ndei kur ndak ka lara ge pet mi.
25Saul mi de mi David ala: Gorona, Alona mi b’e vunam kangû; sun nda ang lata pet ti labong djivid’a!
David mi i yi mama; Saul mi hulong avo hatamu.
اکنون انتخاب شده:
1 Samuel 26: BA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Azumeina Bible © Alliance Biblique du Tchad, 1999.
1 Samuel 26
26
David mi ar bei tchi Saul yam á mbàd’a
1Suma Zif-fâ a i gen Saul avo Gibeya, a dum ala: David mi ngei nga yam yima nding ma Hakila ma abo ma hur fulîna.
2Saul mi tchola, mi i hur ful ma Zif-fâ ki Israel suma a we durîna 3000 á hal David abagei hur ful ma Zif-fâ. 3Saul mi tin kang mama yam yima nding ma Hakila ma abo ma hur fulîna avun lovota. Wani David mi nga hur fulâ, mi wala Saul nga mi djï atam abagei hur fulâ. 4Mi sun suma d’u yina á we tetet na ni Saul mi mba wa zu? 5Ata yi máma David mi i ata yima Saul mi ve kang mama kuana, mi we yima Saul ki Apner Ner gorom ma ngolâ hi azigar mamina a nga bur kuana. Saul mi nga burâ aduk kangâ d’ad’ar, suma a nguyum mi.
6David mi de mi Ahimelek ma Het-na ki Abisai Seruya gorotna Jowap wiyema ala: Ni nge mi i ki sed’en kur kangâ hi Saul-lâ ge?
Abisai mi hulong dum ala: An i ki sed’engû. 7Wani kur andjeged’a David azi ki Abisai a i kur kangâ hi azigarîna. Gola! Saul mi nga burâ kä sena hur kangâ d’ad’ar, asap mamba nga ped’a kam kä andaga. Apner azi ki azigarâ a nga burâ kä nguyum mi.
8Abisai mi de mi David ala: Alona mi hang ini mang ma djangûna abongû. Aran an tchogom kasap mamba#26.8 asap mamba: Mbut ta dinga nala asap manda.; ni b’alamzi kä woi andaga kabon ma tuna bei ni tchogom yan á mbàd’a ba!
9Wani David mi de mi Abisai ala: Ang tchum mbi! Ang we nga d’ala sama tin abom ata ma Ma didina mi tinim amulina, zlad’a nga kamu, d’uo zu? 10Ma didina ni Ma bei matna, ni mam tu ba, mi tchumu, d’oze burum ma matna mba mi mba, mam mba mid’a, d’oze a tchum avun ayî ma durâ. 11Ar Ma didina mi ngomon á tin abon ata ma mam tinim amulina! Ang hle ni asap pa nga ped’a kamba ki gugur ra mbina go, ei iya.
12David mi hlasapa ki gugur ra mbina suma a nga tinda kama, a iya. Sa mi wazi nga d’i, sa mi we nga ad’u ahle suma a lena d’i, sa tu pî mi zlit nga akulo d’uo mi, kayam azi ki zla tazi pet Ma didina mi buruzi sen ma ngolâ. 13David mi djak sä woi abo hora abo hî, mi tchol sä woi akulo yam ahinad’a hina dei, adigazi woi d’uluk. 14David mi yi suma ablauna ki Apner Ner goroma akulo ala: Apner, ang nga hulongôn humba d’uo ko zu?
Apner mi hulong dum ala: Ni ang nge ba, er ad’ung akulo gen amulâ ka hî ge?
15David mi de mi Apner ala: Angî mandjufâ d’uo zu? Ni nge ba, aduk Israel-lâ d’igi ang na ge? Ni kayam me ba, ang ngom salangâ amul mangâ d’uo ge? Kayam sana mi tcholï aduk suma, mi mba á tchi salangâ amul mangâ. 16Ang le nga vama djivi d’i. Avok Ma didin ma bei matna, ang ndak á tchid’a, kayam ang ngom nga salang ma Ma didina mi tinim amulina d’i. Ki tchetchemba, ang gol asapa ki gugur ra mbina suma hamulâ suma a nga tinda kama, a nga ni lara ge?
17Saul mi hum del David, mi dum ala: Ni deleng ang gorona David ko zu?
David mi hulong dum ala: Salana amul mana, ni delen anu. 18Mi dum kua ala: Salana, ni kayam me ba, ang digin an azong mangâ hina ge? An le ni me ge? An le ni tcho me ge? 19Ki tchetchemba, salana amul mana, ang hum zlad’a hi an azong mangîd’a. Le Ma didina mi zud’ung á kak djangûna ki sed’en ni mamu ni, ar mi ve he d’a hawad’a. Le d’i tcholï nata suma ni, ar Ma didina mi gazi vuna, kayam ni azi ba, a nga digin ini á walan ndei kandaga d’a Ma didina mi hat mi sum mamid’a. Ni d’igi azi nga dan ala: Ang i kud’or alo ma dingâ na. 20Wani ar buzuwan mi djang kä woi yam andaga d’a dinga woi dei ki Ma didina d’i. Kayam ang amul ma Israel-lâ, ang nga i dur ayîna á hal b’ab’a’â wü d’a d’igi sana mi dik tcheged’a akulo yam ahinad’a na.
21Saul mi dala: An le tchod’a! Gorona, ang mbeya; an dok lang va d’uo d’a, kayam ang we ini ari manda zlat ngola irangû. An ni lahlena ni d’igi sama lilid’a na, an le tcho d’a ngola.
22David mi hulong dum ala: Amulâ, ang gol asap manga wana. Ar sa mang tu mi mbei mi vattcha. 23Ar Ma didina mi wurak nge nge pî yam d’ingêr mamba ki d’engzeng mamba, kayam Ma didina mi hang ini abonu. Wani an min tin abon atang ang ma Ma didina mi tining amulina d’i. 24D’igi ari manga zlat ngola iran na, Ma didina mba mi we ari manda zlat ngola iram hina mi, mba mi pad’an ndei kur ndak ka lara ge pet mi.
25Saul mi de mi David ala: Gorona, Alona mi b’e vunam kangû; sun nda ang lata pet ti labong djivid’a!
David mi i yi mama; Saul mi hulong avo hatamu.
Azumeina Bible © Alliance Biblique du Tchad, 1999.