1 Samuel 11
11
Saul mi kus yam suma Amon-na
1Nahas amul ma Amon-na, mi mba, mi ndazì ma Jabes ma kur ambas sa Galät-tina durâ. Suma Jabes-sâ a dum ala: Ang djin vunang ki sed’emiya; ami gami yami kä ad’ung mi.
2Nahas amul mama mi hulong dazi ala: Djiviya! Le an tcho nge nge pî adigagi iram mba ndjufâ woyo ni, bugola, an djin vunan ki sed’egiya. Hina wani, an mba ni mbut Israel-lâ pet vama ngula ir suma.
3Suma nglo suma hur azì ma Jabes-sâ a dum ala: Ang hami burâ kid’iziya, ami i sunumi kur andaga d’a Israel-la pet. Le ami fami nga sama sud’umi d’uo ni, ami hulongômï geveng tua.
4Suma sunda a i avo Gibeya, avo hi Saul, azi väd’u zla ndata mi suma; suma kur azina pet a wet tchina. 5Saul mi tcholï abagei hur asinena kamuzlei mama, mi djop ala: Suma a tchi na nana ge?
Azi vum ad’u zla d’a suma sun suma tcholï Jabes-sâ a mba data. 6Kid’a Saul mi hum zla ndatid’a, Muzu’â hAlonina mi surop kamu, hurum mi zal ngola. 7Mi yo amuzleina kap, mi pawazi woyo, mi sun suma ki hliwizi abozi kur ambas sa Israel-la pet, mi dazi woi ala: Sama i nga ad’u an Saul ki Samuel á dur ayîna d’uo na, an mba ni pawam amuzlei mama woi hina dedege.
Israel-lâ a le mandarâ ngola yam Ma didina, a tok d’igi sama tuna na. 8Saul mi i Bezek, mi ndumuziya; Israel-lâ ni 300.000, suma Juda-na ni 30.000. 9A de mi suma sun suma a tcholï Jabes-sâ ala: Agi i dagi mi sum magina ala ndjivin falei ami mba sud’ugiya.
Kid’a suma sun ndazina a i de zla ndata mi suma avo Jabes-sîd’a, azi le furîd’a, 10a de mi suma Amon-na ala: Ndjivin ami mba mbamiza; agi lagi vama hurugi mina ki sed’emiya.
11Tcha ndjivinda Saul mi wal azigar mama irazi hindi. Kid’a yina lá fod’id’a, azi tchuk kur kangâ hi suma Amon-nina, a tchazi gak afata tchol faleya. Suma a arâ a b’rau woi yayak, a nga fe suma hina mbà ata yima tuna d’i.
12Ata yi máma Israel-lâ a de mi Samuel ala: Suma a min ala Saul mi te kei d’uo na a nga ni lara ge? Hamï sum ndazina ami tchazi woyo.
13Wani Saul mi dazi ala: Ar sa mi tchi sa kur bur ma inina d’i, kayam bur ma inina ni bur ma Ma didina mi sut Israel-lâ kurâ.
14Bugola, Samuel mi de mi Israel-lâ ala: Mbei ïgi Gilgal, i dei zlad’a yam amula hi Saul-la de d’a dinga. 15Suma pet a i Gilgal. Ata yi máma, a tinim amula kua avok Ma didina. Ni kua ba, azi he vama ngat buzu ma zlap darigïd’a mi Ma didina. Saul azi ki Israel-lâ pet a le furîd’a ngola heî.
اکنون انتخاب شده:
1 Samuel 11: BA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Azumeina Bible © Alliance Biblique du Tchad, 1999.
1 Samuel 11
11
Saul mi kus yam suma Amon-na
1Nahas amul ma Amon-na, mi mba, mi ndazì ma Jabes ma kur ambas sa Galät-tina durâ. Suma Jabes-sâ a dum ala: Ang djin vunang ki sed’emiya; ami gami yami kä ad’ung mi.
2Nahas amul mama mi hulong dazi ala: Djiviya! Le an tcho nge nge pî adigagi iram mba ndjufâ woyo ni, bugola, an djin vunan ki sed’egiya. Hina wani, an mba ni mbut Israel-lâ pet vama ngula ir suma.
3Suma nglo suma hur azì ma Jabes-sâ a dum ala: Ang hami burâ kid’iziya, ami i sunumi kur andaga d’a Israel-la pet. Le ami fami nga sama sud’umi d’uo ni, ami hulongômï geveng tua.
4Suma sunda a i avo Gibeya, avo hi Saul, azi väd’u zla ndata mi suma; suma kur azina pet a wet tchina. 5Saul mi tcholï abagei hur asinena kamuzlei mama, mi djop ala: Suma a tchi na nana ge?
Azi vum ad’u zla d’a suma sun suma tcholï Jabes-sâ a mba data. 6Kid’a Saul mi hum zla ndatid’a, Muzu’â hAlonina mi surop kamu, hurum mi zal ngola. 7Mi yo amuzleina kap, mi pawazi woyo, mi sun suma ki hliwizi abozi kur ambas sa Israel-la pet, mi dazi woi ala: Sama i nga ad’u an Saul ki Samuel á dur ayîna d’uo na, an mba ni pawam amuzlei mama woi hina dedege.
Israel-lâ a le mandarâ ngola yam Ma didina, a tok d’igi sama tuna na. 8Saul mi i Bezek, mi ndumuziya; Israel-lâ ni 300.000, suma Juda-na ni 30.000. 9A de mi suma sun suma a tcholï Jabes-sâ ala: Agi i dagi mi sum magina ala ndjivin falei ami mba sud’ugiya.
Kid’a suma sun ndazina a i de zla ndata mi suma avo Jabes-sîd’a, azi le furîd’a, 10a de mi suma Amon-na ala: Ndjivin ami mba mbamiza; agi lagi vama hurugi mina ki sed’emiya.
11Tcha ndjivinda Saul mi wal azigar mama irazi hindi. Kid’a yina lá fod’id’a, azi tchuk kur kangâ hi suma Amon-nina, a tchazi gak afata tchol faleya. Suma a arâ a b’rau woi yayak, a nga fe suma hina mbà ata yima tuna d’i.
12Ata yi máma Israel-lâ a de mi Samuel ala: Suma a min ala Saul mi te kei d’uo na a nga ni lara ge? Hamï sum ndazina ami tchazi woyo.
13Wani Saul mi dazi ala: Ar sa mi tchi sa kur bur ma inina d’i, kayam bur ma inina ni bur ma Ma didina mi sut Israel-lâ kurâ.
14Bugola, Samuel mi de mi Israel-lâ ala: Mbei ïgi Gilgal, i dei zlad’a yam amula hi Saul-la de d’a dinga. 15Suma pet a i Gilgal. Ata yi máma, a tinim amula kua avok Ma didina. Ni kua ba, azi he vama ngat buzu ma zlap darigïd’a mi Ma didina. Saul azi ki Israel-lâ pet a le furîd’a ngola heî.
Azumeina Bible © Alliance Biblique du Tchad, 1999.