Roma 5
5
O le Alofa tunoa na Tupu ai le Ola
1O lenei, ‘ua ta‘uamiotonuina i tatou i le fa‘atuatua, o lea ‘ua tatou lelei ai ma le Atua, ‘ona o lo tatou Ali‘i o Iesu Keriso;#Isai 53.5; Roma 3.24, 28; 4.24 2o ia fo‘i ‘ua tatou maua mai ai le ta‘ita‘iga i lenei alofa tunoa, tatou te i ai i le fa‘atuatua; o lo‘o mitamita fo‘i i tatou#5.2 o lo‘o mitamita fo‘i i tatou: po o ‘ia mitamita fo‘i i tatou. ma le fa‘amoemoe i le manuia mai le Atua. 3E lē gata fo‘i i lea, a ‘ua latou mitamita#5.3 a ‘ua latou mitamita: po o a ‘ua tatou mitamita. fo‘i i puapuagā, ‘ina ‘ua tatou iloa o le puapuagā e tupu ai le ‘onosa‘i,#Iako 1.2-3; 1 Pete 1.5-7 4o le ‘onosa‘i e tupu ai le mautinoa, o le mautinoa e tupu ai le fa‘amoemoe; 5o le fa‘amoemoe fo‘i e lē mā ai, auā ‘ua fa‘amaligi mai le alofa o le Atua i o tatou loto e le Agaga Pa‘ia ‘ua foa‘iina mai ‘iā te i tatou.#Sala 22.5; 25.20; Epe 6.18, 19
6Auā na maliu Keriso i ona po e tatau ai, ‘ina o vaivai pea i tatou o le sui o ia o ē fa‘alēmata‘u. 7Auā e toe ‘ina lē mafai ‘ona oti o se tasi e sui a‘i lē ‘ua amiotonu; a o lē ‘ua agalelei, atonu pe fa‘amalosi se tasi ‘ona oti e sui a‘i o ia; 8a ‘ua fa‘aalitinoina mai e le Atua lona lava alofa ‘iā te i tatou, ‘ina ‘ua maliu Keriso ma sui o i tatou, a o tatou agasala pea.#Ioane 3.16; 1 Ioane 4.10 9O lenei, ‘ua ta‘uamiotonuina nei i tatou i lona toto,#5.9 i lona toto: po o i lona maliu faitaulaga. e lē fa‘aolaina ‘ea i tatou e ia a‘i le to‘asā i se a?#Roma 1.18; 2.5, 8 10Auā ‘āfai ‘ua lelei i tatou ma le Atua i le maliu o lona Alo, ‘ina o fai i tatou mōna fili, e matuā fa‘aolaina lava i tatou i lona soifua, o i tatou ‘ua lelei ma ia. 11‘Ae lē gata i lea, a ‘ua tatou mitamita fo‘i i le Atua, ‘ona o lo tatou Ali‘i o Iesu Keriso, o ia ‘ua tatou maua mai ai nei le leleiga.
O Atamu ma Keriso
12O lenei, fa‘apei ‘ona o‘o mai o le agasala i le lalolagi i le tagata e to‘atasi, o le oti fo‘i ‘ona o le agasala, ‘ona o‘o mai ai lea o le oti i tagata uma lava, auā ‘ua agasala uma lava;#Kene 3.6 13auā sa i le lalolagi le agasala ‘ua o‘o i ona po o le tulafono; ‘ae lē ta‘usalaina pe a leai se tulafono; 14peita‘i na mālō le oti talu ‘iā Atamu e o‘o ‘iā Mose, ‘ua o‘o lava i ē na lē agasala e pei o le solitulafono o Atamu, o le fa‘atusa o ia o lē a maliu mai.#1 Kori 15.21, 22, 45, 55 15‘Ae lē pei o le agasala le mea e foa‘ifuaina mai; auā ‘āfai ‘ua oti le to‘atele i le agasala a le to‘atasi, e fa‘asilisili lava i le to‘atele le alofa tunoa o le Atua, ma le mea e foa‘ifuaina mai i le alofa tunoa, ‘ua i le tagata e to‘atasi, o Iesu Keriso lea. 16‘Ae lē pei o le to‘atasi na agasala le mea e foa‘ifuaina mai; auā o i le agasala e tasi le fa‘asala, e o‘o ai le sala; a o i agasala e tele le mea e foa‘ifuaina mai, ‘ina ‘ia ta‘uamiotonuina. 17Auā ‘āfai o le to‘atasi na mālō ai le oti i le agasala a le to‘atasi, e silisili lava ‘ona mālō ma ola ē ‘ua maua le faula‘i mai o le alofa tunoa ‘atoa ma le mea alofa o le amiotonu lea, ‘ona o le to‘atasi, o Iesu Keriso.
18O lenei fo‘i, fa‘apei ‘ona fa‘asalaina o tagata uma lava i le agasala e tasi, e fa‘apea fo‘i ‘ona ta‘uamiotonuina o tagata uma lava i le amiotonu e tasi, latou te ola ai.#1 Kori 15.22 19Auā fa‘apei ‘ona ‘avea ma agasala o le to‘atele i le lē ‘ana‘ana o le tagata e to‘atasi, e fa‘apea fo‘i ‘ona ‘avea ma amiotonu o le to‘atele i le ‘ana‘ana o le to‘atasi.#Isai 53.11
20Na fa‘aopoopoina fo‘i le tulafono ‘ina ‘ia fa‘atele ai le agasala; peita‘i ‘ua silisili lava le alofa tunoa, ‘ina o fa‘ateleina le agasala.#Roma 4.15; 7.8; Kala 3.19 21O lenei, e pei ‘ona mālō o le agasala e o‘o i le oti, fa‘apea fo‘i ‘ona mālō o le alofa tunoa e le amiotonu e o‘o i le ola e fa‘avavau, i lo tatou Ali‘i o Iesu Keriso.#Roma 6.23
اکنون انتخاب شده:
Roma 5: RSCB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Revised Samoan Catholic Bible © Bible Society of the South Pacific, 2010.