Mataio 3
3
O le Tala‘iga a Ioane le Papatiso
(Mare 1.1-8; Luka 3.1-18; Ioane 1.19-28)
1O ona po ia na sau ai Ioane le papatiso, ‘ua tala‘i atu i le vao o Iutaia, 2‘ua fa‘apea atu, “‘Inā salamō#3.2 salamō: po o le suia o le loto po o le fulitua i le leaga ma toe fo‘i atu i le Atua. ia ‘outou; auā ‘ua latalata mai le mālō o le lagi.”#Mata 4.17; Mare 1.15 3Auā o ia lava lenei na fai mai ai le perofeta o Isaia, ‘ua fa‘apea mai,
“O le leo o lē ‘ua ‘alaga i le vao:
‘‘Inā teuteu ia e ‘outou le ala o le Ali‘i,
‘ia fa‘alaulelei ona ala.’”
4A o Ioane ia, sa ‘ofu i le fulufulu kamela ma le fusi pa‘u i lona sulugātiti; a o ana mea e ‘ai, o sē akerise ma le meli vao ia.#2 Tu 1.8 5‘Ona ō atu ai lea ‘iā te ia o Ierusalema ma Iutaia uma, ‘atoa ma le itū uma o Ioritana; 6‘ua papatisoina fo‘i i latou i Ioritana e ia, ‘ua ta‘u atu e i latou a latou agasala.
7‘Ua nā iloa atu le ‘au faresaio#3.7 ‘au faresaio: mai le gagana Eperu ‘perusim’ po o le gagana Arama ‘perissayya’ o le fa‘alapotopotoga o tagata Iutaia ‘ua ofoina atu o latou ola i le olaga fa‘alelotu ‘ae maise le tausia o tulafono a Mose. ma le ‘au satukaio#3.7 ‘au satukaio: mai le gagana Eleni, “saddukaioi.” O le fa‘alapotopotoga o tagata Iutaia e lē talitonu i le toetū ma agelu (Mata 22.23; Galu 23.6-8) ‘ae latou te talia na o le tulafono tusitusia. e to‘atele ‘ua ō mai i lana papatisoga, ‘ona ia fa‘apea atu ai lea ‘iā te i latou, “Fānau a gata fe‘ai e, o ai ‘ea ‘ua na fa‘aali atu ‘iā te ‘outou ‘ia sōsōla ‘ese i le to‘asā atalī? #Mata 12.34; 23.33 8‘Ia ‘outou fua mai ni fua e tatau ma le salamō; 9‘aua fo‘i ne‘i ‘outou manatu e fa‘apea ifo i o ‘outou loto, ‘O Aperaamo, o ia o lo matou tamā;’ auā ‘ou te fai atu ‘iā te ‘outou, e mafaia lava e le Atua ‘ona fa‘atupuina mai i nei ma‘a ni fānau mā Aperaamo.#Ioane 8.33 10O lo‘o tu‘u nei fo‘i le to‘i#3.10 to‘i: O le fa‘aliliuga tuai; mātau. i tafu‘e o la‘au; o la‘au uma fo‘i e lē fua mai i fua lelei, e taia ma lafoina i le afi.#Mata 7.19
11“O a‘u nei, ‘ou te papatiso atu ‘iā te ‘outou i le vai ‘ina ‘ia salamō; ‘ae peita‘i o lē mulimuli mai e silisili o ia ‘iā te a‘u, e lē aogā a‘u ‘ona tau‘ave i ona se‘evae; o ia lea na te papatisoina atu ‘iā te ‘outou i le Agaga Pa‘ia ma le afi. 12O i lona ‘a‘ao lana asu, nā te fa‘amamāina ai lana fa‘aputuga saito; nā te fa‘apotopotoina fo‘i ana saito i le fale saito, ‘ae susunuina le otaota o saito i le afi e lē matineia.”
O le Papatisoga o Iesu
(Mare 1.9-11; Luka 3.21-22)
13‘Ona maliu atu ai lea o Iesu mai Kalilaia i Ioritana ‘iā Ioane, ‘ia papatisoina ai e ia. 14A ‘ua vavao e Ioane ‘iā te ia, ‘ua fa‘apea mai, “E ao ‘ona e papatisoina mai o a‘u, a e maliu mai ‘ea oe ‘iā te a‘u?”
15A ‘ua tali atu Iesu, ‘ua fa‘apea atu ‘iā te ia, “Tu‘u mai nei pea ia; auā e fa‘apea ‘ona tatau ‘iā te i tatou ‘ona fa‘ataunu‘uina o mea tonu uma.” ‘Ona tu‘u mai lea ‘iā te ia.
16‘Ua papatisoina Iesu, ‘ona maliu a‘e loa lea o ia nai le vai, fa‘auta fo‘i, ‘ua fa‘aavanoaina le lagi ‘iā te ia, ‘ua ia iloa atu fo‘i le Agaga o le Atua ‘ua afio ifo e peiseaī se lupe, ‘ua o‘o i ona luga. 17Fa‘auta fo‘i, o le si‘ufofoga mai le lagi, ‘ua fa‘apea mai, “O lo‘u Atali‘i pele lenā, ‘ua ‘ou fiafia lava ‘iā te ia.”#Kene 22.2; Sala 2.7; Isai 42.1; Mata 12.18; 17.5; Mare 1.11; Luka 9.35
اکنون انتخاب شده:
Mataio 3: RSCB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Revised Samoan Catholic Bible © Bible Society of the South Pacific, 2010.