HOSEYA 3

1Ma-Vatɗina di tanu:

Tuɗaŋ lo, daraŋ cata ta ka viy bono hiɗi sa mara'a,

cat ta li zlata-bulo'o,

naŋ ma mina'a ki Ma-Vatɗin ka min gurona vi Israyel nala,

nisi ka muɗ irsi kir lawayn hegena,

minim mi hambul ma beɗi hiɗi vuɗ gulda-guldana#3:1 hambulla ma nisi ka li ɗifin tam Baal hiɗi namna, ɗuw 2 Sam 6:12.

2Nan gusa' ir gurjut sikel doogo yam vasl,

hiɗi ŋaɓta vi orgena suwal kep hiɗi gali.

3Nan di ta'a:

Wulin kayn nak ma mus dok-dok ir vanu,

Nak hot muɗ tuwag goy gawlaŋ loɗi,

vul tuwag goy mi sa loɗi,

nan kay tuwan kaw ma minagu.

4Kay gurona vi Israyel ma mus ta-ta bay mulu,

bay sa voksiya, bay li ɗifini,

bay sligar ma ɗifinna,

bay va ma job Lawn hiɗi namna kaw.

5Bugol kayni,

gurona vi Israyel ma hotiya;

nisi ma hot gar Ma-Vatɗina Lawna visiya,

nisi ma gar David mulla visi lay,

nisi ma li firi ŋolo hay li ma irsi ma wi Ma-Vatɗina,

hiɗi ŋaata valam ta nam la'ata,

ta-ta hay liyn ma vokŋ ɗaw.

اکنون انتخاب شده:

HOSEYA 3: Massana

های‌لایت

کپی

مقایسه

به اشتراک گذاشتن

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

آیات محبوب کتاب مقدس از
HOSEYA 3