2 Crónicas 4
4
Templopa llapa imankunamanta
(1 R 7.23-51)
1 #
Ex 27.1-2. Salomonmi altarta broncemanta ruwachirqa isqon metro largoyuqta, isqon metro anchoyuqta hinaspa tawa metro parten altoyuqta. 2Fundichirqataqmi broncemanta ruyru estanquetapas, huknin patanmanta huknin patankamam karqa tawa metro parten, sayayninñataqmi karqa iskay metro cuarton, muyuriqninñataqmi karqa chunka kimsayuq metro parten. 3Chay estanquepa uray law muyuriqninpim dibujasqa karqa iskay seqe torokuna, chunka torokunam karqa sapa tawa chunka pichqayuq centimetropikama; chaykunawan estanquem huk piezallamanta fundisqa karqaku. 4Chay estanquem tiyarqa broncemanta fundisqa chunka iskayniyuq torokunapa hawanpi. Kimsa torokunam norte lawman qawarqa, kimsañataq intipa seqaykunan lawman, kimsañataq sur lawman, kimsañataqmi intipa qespimunan lawman. Chay torokunapa qepa atakanmi uku lawman qawarqa. 5Chay estanquepa raktanmi karqa pusaq centímetro, patanñataqmi amanqay wayta panchiqman rikchakurqa. Chay estanquemanmi soqta chunka soqtayuq waranqa litro yaku huntarqa.
6 #
Ex 30.17-21. Ruwachirqataqmi chunka lavatoriokunatapas, chaykunatam alleq lawninman pichqata churarqa, pichqatañataq ichoq lawninman; chaypim mayllaqku lliw kañana sacrificio ofrecenanku kaqkunata. Estanquem ichaqa sacerdotekunapa mayllakunanpaq karqa.
7 #
Ex 25.31-40. Ruwachirqataqmi Diospa kamachisqanman hina, qorimanta chunka candelabrokunatapas, chaykunatam temploman churarqa, pichqata alleq lawninman, pichqatañataq ichoq lawninman. 8#Ex 25.23-30.Ruwachirqataqmi chunka mesakunatapas, chaykunatam churachirqa temploman, pichqatam churachirqa alleq lawninman pichqatañataqmi ichoq lawninman; ruwachirqataqmi qorimanta pachak tazonkunatapas.
9Ruwachirqataqmi sacerdotekunapaq patiotapas, hawapi hatun patiotapas, patiopa punkunkunatapas, hinaspam broncewan llusichirqa. 10Estanquetapas churachirqataqmi templopa alleq lawnin intipa qespimunan sur lawpi.
11Hirammi ruwarqa mankakunata, palakunata hinaspa tazonkunata. Chaynatam tukururqa Diospa templonpaq Salomonpa kamachisqan obrakuna ruwayta. 12Paypa ruwasqankunam karqa iskaynin pilarkuna, pilarkunapa puntanpi iskay adornokuna, chay adornokunapa hawanpi iskay mallakuna, 13chay iskay mallakunapa hawanpi tawa pachak granadakuna; iskay seqe granadakunam karqa sapa mallapaq, chay mallakunaqa karqa pilarkunapa puntanpi kaq ruyru adornokunata tapananpaqmi; 14fundirqataqmi chunka tiyanakunatapas; chaykunapim chay chunka lavatoriokunata tiyachirqa; 15ruwarqataqmi estanquetapas, estanquepa tiyanan torokunatapas, 16mankakunatapas, palakunatapas chaynataq tazonkunatapas. Tukuy chaykunatam llipipipiq broncemanta Hiram-abi ruwarqa Tayta Diospa templonpaq, rey Salomón kamachisqanman hina.
17Chaykunatam rey fundichirqa Jordán mayupa patanpi llinku mitu allpapa kasqanpi, Sucot llaqtamanta Saretán llaqtaman rinapi. 18Salomonqa manaña yupay atina serviciokunatam ruwachirqa, chayraykum hayka llasasqantapas mana yacharqakuchu.
19Salomonqa ruwachirqataqmi Diospa templonpaq qorimanta altartapas, qorimanta mesakunatapas patanasqa tantata Diospa qayllanpi ofrecenanpaq, 20suma-sumaq qorimanta candelabrokunatapas mecherontintakama, hinaspam churachirqa “Chuyay-chuyay” sutiyuq cuartopa ñawpaqninpi, Diospa kamachisqanman hina ratachinankupaq. 21Ruwachirqataqmi suma-sumaq qorimanta waytakunatapas, mecherokunatapas, tenazakunatapas, 22mecha kaptanapaq tijerakunatapas, tazonkunatapas, wisllakunatapas hinaspa incienso qontichinakunatapas. Templopa punkuntapas, “Chuyay-chuyay” sutiyuq cuartopa punkunkunatapas qorimantam ruwachirqa.
Chuya Qellqa Revisión @ Sociedad Bíblica Peruana, 2012