Mui Psalm 84
84
1Nume ioe e diana Lord Sabaoth!
2Maurihaaku ke sae hanale, siue, ana lolata Lord: saeku na hasioku ena ko rikerike nana God a Maurihe.
3Kiokio e lio odoie nume nana, na tatapolano niuine ni konie mu kalena i lalona: ora ni unuunu ioe, ena, Lord Sabaoth, Inemauri ineu na God ineu.
4Deidehie mwala ko ooo i nume Ioe: kira kei saro palaheo.
5Deidehie ini ko raramo i nunuhaamu: i manatana oto tala.
6Kire ko isiisita mai ure ilaona dari ni ngaranga, kire ko qaoa nga lehu talana na hulehule ani wei: siue naohai nemo kei nemo hahie ana taenanga haadianaanga.
7Mwala ngeena ko tahe taraasi ure ana ramonga laona nga eta ramonga: taenanga ini hikada kei ure i naona God i Sion.
8Kau, Lord God Sabaoth, rongo hunie aitanainge ineu: hahurei elinge mai God Jacob.
9Lio kau mone, God, mei talo honotamami: na oke toomaie inoni ioe kire suuhie.
10Ana e taataa haidinge i laona lolata ioe e diana mwaanie sinolai heidinge: ekele daina mai uri neke ure upuupu ana nume a God ineu, mwane nou talei ooo oto mola ana mu apaapa kira orahaa
11Ana Lord ena Sato na mei Talo; a Lord kei niie niinge mai na rara: ana Ingeie e saa sae hahie ike nga meola ana waluteni ola diana mwaanie mwala ko laelae oromai.
12Kau, Lord Sabaoth: deidehie inoni e norutoo amu.
اکنون انتخاب شده:
Mui Psalm 84: apbPSA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published as part of the Anglican Prayer Book by the Melanesian Press, 1946.