Mui Psalm 104
104
1Maurihaaku, Oke sai diana ana Lord: Lord God ineu, O Alaha liuta, Ioe inemauri o tooni hahio ana rara na (Manikuluanga)
2O tooni hahio ana mataqanga mala tooni: O holase salo mala qana.
3Oneie mu oto ana nume ioe i hahona wai: Oio i lengine salo mala kaata; Oko rekereke ilengine oru.
4O dau hurulaa ana oru: na dunge ko esoeso huni esuesu nemue.
5Onei meutaa ana anohu ilengine popotana: e saa asu oloolo oto oo.
6O aluhie anohu ana asi mala mu sala: na mu wei e ure mai mwaanie mui toloi henue.
7Ohaa erera, oto kire tahi: kire rongoa walamu ana loulou oto kire si tehi mwaanie.
8Kire luelai hule ana mui suisungie, kire mwaa toli laloi deri: kire si hule ana leu o dau akau ana oto hunire.
9Opara honosire, kire saa lue laonge: kire saa lue lou huni anomie anohu.
10One e mu wei ke ahe laloi deri: hunie kire ke ahe mwamwa iluilutaa kalie mui toloi henue.
11Mu po laloi elu ko inuinu: na mu po ni meesu ko inu ana kire ko marou.
12Mu menu ni lengi ko oa ilengine: kire kosi ngarangara ilengine sasarana.
13O unue nemo ke nemo i toloi henue: anohu e honu ana mu ngeula o haaholai.
14Hahalisi esi qito ana taena nga po: na mui ngeula inoni ko esuesu talani.
15Na mu ngeula ko qito i mwakano, na mu Vine huni haamwaeroa iana mui inoni: na rumu ana huni haanua maada, na bread ni haa aailaa mui inoni.
16Taenanga dango a Lord e too totongaani: na mui Eilemu ni Lebanon e hasii.
17Mu memu ko tola niui ileune: na mu urou ko oa ilengine mu apalolo.
18Mu po ko oo tai toloi henue: na mu po lou aopa laloi tatahau.
19Ohaahola warowaro huni nei tolima ana mu heuli qongi: na tolima ana sato e manatainie maholo kei su ana.
20Ohaahola rodohono oto e rodo: mu po okaoka ni meesu kire ko siisiisi taa ana.
21Mu Lion kosi tola lilisi huni po ada: na ikire noone kire ko heitalea ngauhada ana God.
22Sato e qaa kire kosi oli: kire kosi eno too ilaloi hahale.
23Na mui inoni kosi isita huni esuesu: lai hule ana kei seulehi.
24Lord mui palonga ioe e lai hunge: O qaoa ahuteni kire ke sae nanau; anohu e honu ana tootoolamu.
25Asi lou e paine na e aroka: kire saa idu suhana waluola ilaona, muini peine na muini mweimwei lou.
26Muini iola kire ko walowaloliu ileune: na o haahola mu ie paine, na kire ko ngeu tatanga ilalona.
27Ahutada kire ko meni maohio: Oke haaadora ani ngeula ada suli maholo.
28Oko ni ada oto kire ko ngeu: oko rokasie nimemu, kire kosi ngeu ni pote ana muola diana.
29Oko lio aopa, oto kire ko ulalo: o taase mangoda mwaanire, oto mangoda e su, kire si nei mwakano lou.
30O usungeinie wau lioa ioe, nge osi haaholara: na osi deu diana lou ana anohu.
31Manikuluhaana Lord kei io hu: a Lord, ke ileileinimwae hahie waluteni ola ingeie.
32Ko toomaie anohu oto ko asoso: oko helehele ana mui toloi henue kire kosi qeuqeu.
33Nekei kana hunia Lord susue qongiku: nekei haamanikulua God ineu susue mu helisi ineu.
34Mu loonainge ineu ke diana inaomu: na ineu nekei ileilenimwae i nunuhaana Lord.
35Kira orahaala kei eia mwaanie walumalau, na muini tataala kire kei aha ore: tae maurihaaku, ke sai diana ana Lord.
اکنون انتخاب شده:
Mui Psalm 104: apbPSA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published as part of the Anglican Prayer Book by the Melanesian Press, 1946.