نامَه اوّل تیموتائوس 4
4
مُشتی از ایمون اَفتِت
1اَلَه روح خدا، بُری روشن اَگِه که تِی زَمونِی آخر، مُشتی خاد وَکف کِردَهِ خوشو اُ روحِی که گول اَزنِت و اُ تعلیمِی دیویا، از ایمون اَفتِت. 2اُ واسطَهِ دو روئِنِ دروغگونیا که وجدانشو از کَر اُفتَدِ. 3آنایا عَیش کِردَ وا کَدَغان اَکنِت و فَرمو اَتِت از خوراکِی پرهیز بِکنِت، که خدا خَلک اُشکِه، تا آنایایی که اُ حکیکت ایمون شُهَه و حکیکتا اَشناسِت، وَ شکر کِردَ از آنایا بِخرِت. 4اَسِی که هرچی که خدا خَلک اُشکِه، خَشِه و اَگَه وَ شکر کِردَ کَبول بِبِه، هیچ چِی نباید رَد بِبِه. 5اَسِی که وَ کلوم خدا و دعا مکدّس اَبِه.
6اَگَه اِ چِییَهوا اُ کاکَیّا یادآوری بِکنِش، یَک خادم خَش مسیحْ عیسی اَبِش، که تِی حرفِی ایمون و مِ تعلیم خَشا که دَمبالَهراوُشِش، تربیت بُستِش. 7خاد کِصَهئِی اَلَکی که اُمرَهِ کُفرِه کَری اُتنِبِه، وَ جاش اُ خوت اَسِی دینداری تربیت بِکو. 8اَسِی که، با اِکِه تربیت کِردَهِ بَدن هیلَی فایدَه اُشَه، ولی دینداری از هر نظر فایدَه اُشَه، هم اَسِی زندگِنِ آلَه و هم اَسِی زندگِنِ آیندَه وعدَه اَدَ.
9اَبِه اُ اِ حرفا اطمینان بِکنِش و حَکُشِه که کامل کَبول بِبِه 10اَسِی که اَما اَسِی اِ زحمت اَکَشِم و تَک و دُو اَکنِم، اَسِی که امیدمو مُن لِی خدای زندَه نَدِ که نجاتدَهندَه هَمَهِ آدامیائِه، مخصوصا آنایایی که ایمون شُهَه.
11اِ چِییَهوا حُکم بِکو و تعلیم هادِ. 12مَهِر هِسکَه وَخاطر جَوونیت کوچک تاکو بلکه تِی حرف زادَ، تِی رفتار کِردَ، تِی محبت، تِی ایمون و تِی پاکی، اَسِی ایمونداریا یَک نَمونَه بِش. 13تا مِ موکَهای که دِیام، اُ خوت وَکف اِ بِکو که نوشتَهئِی مکدّسا اَسِی هَمَه تِی جمع واخوانِش، اُ آنایا تشویک بِکنِش و تعلیمشو هاتِش. 14از مِ عطای روحانِنی که اُتَه غافل مَبش، مِ عطایی که اُ واسطَهِ نبوّت اُ تو دَدَ بو، مِ موکَوا که جماعت شیخیا دستشو شُن لِی تو نَه.
15اِ چِییَهوا اَنجوم هادِ، و اُ خوت وَکف آنایا بِکو تَ هَمَه پیشرفتُت بِبِنِت. 16وَلم حَواسُت اُ خوت و تعلیمی که اَتِش بِه. تِی اِ کَرا پریچ بِش، اَسِی که وَ اِ کَرا هم اُ خوت و هم اُ آنایایی که از تو اَشناوِت نجات اَتِش.
اکنون انتخاب شده:
نامَه اوّل تیموتائوس 4: LAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company