Rōm 6
6
Āsia Sika Thīna, Khristā Zāra Damna
1Hantin han a ni ten hong mo nei ti rang a ni zei? Lungkhamna chu ei pung riam theina ranga mo āsia chu nei thō riam rang a ni zei? 2#Kol 3:5; 1Pe 2:24Ni pial nō ni. Asik chu koini chu āsia thō rui renga chu āthi suo kēng nā ni zei hale, hontin mo āsia thōna lama nei la om chian rang? 3#Mt 28:19Isuo Khristā-na koinī'n baptisma nei lāk hi ama ei thināna baptisma lāk kēng nā ni zei tī hi nei riat ni u mak mo? 4#Kui 2:24; 2Ko 5:17; Efe 4:22-24; Kol 3:10Asik chu koinī'n baptisma nei lāka hin Khristā ei thina bila han thāna ānphūm kēng nā ni zei. Khristā chu āthi ngāi bil ātā Pā ei ānlianna le han ei mathui rēt anga koinī'm ni sela damna thara kal chōi rēt u rei.
5 #
2Ko 4:10; Efe 2:6; Fil 3:10-11; Kol 2:12; 2Ti 2:11 Asik chu ama ei thina anga ama le munkhat nā chang ten, amā'n thīna nātā ei ānthuirēt anga ama le angkhat chang in ti. 6#2Ko 4:10; Gal 2:20; 5:24; Efe 4:22; Fil 3:10; Kol 2:12, 20; 3:9Koini na miring maruo chu Khristā bila han khrōsa āntār suo kēng a ni zei ti ha nei riat a ni. Hasikhan hava pang āsia thō taksā nātā nei zōka āsia thōna suoka nei om lāi nōkna ranga. 7Asik chu tūkareng āthi suo ha chu āsia thō nātā azōk suo kēng a ni zei. 8Khristā bila āthi suo nā ni ten, ama bila damna man rēt in ti tī hi nei iam a ni. 9#Kui 2:24; Anl 1:18Khristā chu āthi ngāi bil ātā a hong ānthuirēt kēng a ni zei tī hi nei riat a ni. Hasikhan ama chu hava pang thi lāi nō ni. Ama chunga thīnā'n ningneina dōn pial lāi nō ni. 10#Heb 7:27Ama ei thī han āsia thō rui renga chu khēp khat len ranga āthī kēng a ni zei. Tenchu ama kōma damna āom chu Pathian sika ādam kēng. 11Hasikhan nangnī'm ni sela āsia thō ruia chu āthī suo anga, tenchu koini na Puma Khristā Isuo zāra Pathian sika ādam anga anbelbō u ro.
12Hasikhan āsia ningōlnā'n ei na mator thei u lāi nōkna ranga āthī theina taksā u chunga āsia'n ruiril lāi nō rase. 13#2Ko 5:14-15; 1Pe 2:24Na taksā u angkhakhat chip hi ādik nōk tianga mangruo anga āsia thōna ranga betōk u nō ro. Tenchu āthi nātā ānthuirēt anga nā thei chip una Pathian kuta anbetōk u ro. Hanūk chu na taksā angkhakhat chip hi dikna tianga mangruo anga Pathian kuta anbetōk u ro. 14Dān thuoia om nei ni u lāi nōk sika han āsia'n na chung una ningneina dōn lāi nō rase, tenchu lungkhamna thuoia om kēng nā ni u zei.
Dikna Suok
15Hanle dān thuoia om ni lāi mak mē na tenchu lungkhamna thuoia om kēng nā ni zei nei ti sika mo āsia nei thō chian rang a ni zei? Ni pial mak. 16#Aph 4:7; Sām 57:5; Zn 8:34; 2Pe 2:19Tū khatin mo mī khat pei a chong ātel ranga anpēk u tānla, ama a chong nei tel u han ama asuok ni mak mo nei chang u rang tī hi anriat u mak chē? Thīna ranga āsia thōna suok nōk ten, ādik anlōna ranga Pathian hē tel suok mo angkhat pei chu nei chang u a ni. 17#2Ko 2:14; 2Ti 1:13Tenchu machin lāi han chu āsia thō suok nā ni u nā'm ni sela, anchūna lam ang taka nei ānruoi u, malung tataka hē nei tel u sika Pathian kōma rāisānna chong ka mantung. 18#1Pe 4:1Atun hin chu āsia thō nātā nei zōk u na, ādik anlōna suoka kēng nei om a ni u zei. 19#Gal 3:15Na taksā u ngāi ei rāt nōk sika hin miring chong anga kei chong a ni. Asik chu na taksā u angkhakhat dān hē ha ākhēl ranga anthianglui lē dān poisaklui suok anga nei ānbetōk u a ni. Havan tin dēn han atun chu na taksā u angkhakhat ha anthianga om ranga dikna suok anga anbetōk u ro.
20Āsia thō suoka nā om u lāi chu ādik anlōna rui ātā chu āzōk nā ni u na. 21Hava lāi han hong mo marā nei man u ha? Atun chu hava ngāi rui ha anzakpuiruona nei bē ni u zei ni? Ataktaka hava ngāi dōra ei hekna marā chu thīna a ni. 22#Mt 25:46; 1Ko 7:22; Efe 6:6; 1Pe 2:16Tenchu atun hin chu āsia thō nātā azōk kēng nā ni u zei, hanūk chu Pathian suok achanga anthiangna ranga marā nei man a ni u zei. Hatuka hava ngāi ei ānzuina chu tāituon damna a ni. 23#Aph 2:17; Chn 10:16; Izk 18:4; Mt 25:46; Gal 6:7-8; Zak 1:15Asik chu āsia man chu thīna a ni. Tenchu Pathian phāmpēk chu koini na Puma Isuo Khristā zāra tāituon damna a ni.
Bible in Ranglong, © Bibles International, the Bible society of Baptist Mid-Missions, 2024.