Rōm 16
16
Chubai Thōna
1 #
Kui 18:18; 2Ko 3:1 Koini na sarnū, Kenkria kuibinga hasōndom Foibi ha ka na manriat zōt u na. 2#Kui 9:13; Fil 2:29Mīnthiang ngāiin ei pom u anga ama hi Puma raminga lei pom u ro. Hanūk chu kong tina ama ei nāngna tina āsan ranga kei na mathēm u. Asik chu ama apum len hi mi tamtak āsan lē koi len um ana san chachak a ni.
3 #
Kui 18:2; 1Ko 1:30; 16:19; 2Ko 5:17; 2Ti 4:19 Khristā Isuona ka sinthōpui ngāi Priskila le Akuila ha chubai na thōpē u ro. 4Amāni chu kei damna ranga a rīng adō ngāi a ni u. Koi rong ni mak amāni anni ngāi chunga rāisānna antung, tenchu namtei ngāi kuibing pumpuiin um rāisānna a mantung u na. 5#Kui 2:9; 1Ko 16:15, 19; Kol 4:15; Flm 1:2Amāni anni ngāi insūnga kuibing āom ngāi ha chubai na thōpē u ro. Hatuka Khristā ranga Akhaia rama mararapā mānsā kei madit Epaineta ha chubai na thōpē u ro. 6Koini na ranga achālaka apōng sabak Mari ha chubai na thōpē u ro. 7#Kol 4:10; Flm 1:23Ka ūnāi ngāi lē ankhumna-ina kei ānkhumpui ngāi Andronika lē Zunia ha chubai na thōpē u ro. Hava ngāi ha kuitīr ngāi bila raming anthang a ni u na, hanūk chu ka māna Khristā-na a lei om u a ni. 8Pumāna kei madit Ampliata ha chubai na thōpē u ro. 9Khristā-na koini na sinthōpui Urbana lē kei madit Stakhus ha chubai na thōpē u ro. 10#Kui 11:14Khristā-na apomruo mi Apeles ha chubai na thōpē u ro. Hatuka Aristobula insūngkuona mi ngāi chubai na thōpē u ro. 11#Kui 11:14Ka ūnāi Herodion ha chubai na thōpē u ro. Pumāna āom Narkisa insūngkuona mi ngāi ha chubai na thōpē u ro. 12Trufaina lē Trufosa ha chubai na thōpē u ro. Hava ngāi ha Puma ranga apōng sabak a ni u na. Pumāna achālaka apōng sabak kei ādit Persis ha chubai na thōpē u ro. 13#Mk 15:21; 2Zn 1:1Pumāna anthang Rufa lē a nū koi um ka nū kei ti ha chubai na thōpē u ro. 14Asunkrita, Flegon, Hermas, Patroba, Hermes lē a bil una ūnāi āom ngāi ha chubai na thōpē u ro. 15Filologa lē Zuli, Nerea lē a sarnū hanūk chu Olumpa lē a bil una mīnthiang āom ngāi ha chubai na thōpē u ro. 16#Kui 9:13; 1Ko 16:20; 2Ko 13:12; 1Pe 5:14Biang antum anthianga chubai le han chubai anthō u ro. Khristā kuibing pumpuiin chubai a na hong thō u.
Huongvār Hekna lē Bōrsāng Zārzongna
17 #
Mt 18:15-17; 1Ko 5:11; Gal 1:8-9; 2Th 3:6, 14; 1Ti 1:3; 2Ti 3:5; Tit 3:10; 2Zn 1:10 Ūnāi ngāi ka na hong mathēm u, anchūna nei man u ang ni luia a leko tianga ansenna le anduina āsin ngāi ha mandang u ro. Hava ngāi kōm ātā ankhāi u ro. 18#Isa 30:10; Fil 3:19; Kol 2:4Asik chu havan tina mi ngāi chu koini na Puma Isuo Khristā hasō ni mak ei dom u, tenchu a von khopna ranga hasōndom u kēng. A chong thum una le aner thiam una amanga mōlmāna āom ngāi malung chu ei huong u chachak. 19#1Ko 14:20Nangni ngāi na hē tel una rui chu mitin kuora anthang kēng a ni zei. Hasikhan na chung una ka rāi asāna. Hanum ni sela, āsa lampanga chu ahiana lē āsa nōk lampanga chu mōlmāna om ranga kei na zōt u a ni. 20#Mt 4:10; Gal 6:18; 1Th 5:28; Anl 22:21Phūkdāina Pathianin anrapa Setan chu na kephā thuoi una āchīl in ti. Koini na Puma Isuo Khristā lungkhamna chu na kōm una om rase. Amen.
21 #
Kui 13:1; 16:1; 17:5 Ka sinthōpui Timothi le ka ūnāi Lukia, Zason, Sosipater ngāiin chubai a na hong thō u.
22Hiva lekhā ānziakpū koi Tertia'n Puma raminga chubai ka na hong thō u.
23 #
Kui 19:29; 2Ti 4:20 Gaia, ka tunginpū lē kuibing pumpui tungna in pū'n chubai a na thō u. Hiva khopuia sum āvongpū Erasta lē koini na paruol Kuarta'n chubai a na thō u.
24Koini na Puma Isuo Khristā lungkhamna chu na lom u chunga om rase. Amen.
25 #
Kol 1:26; 1Ti 3:16; 2Ti 2:8; Zud 1:24 Koi ka thangahui le Isuo Khristā rui anthekna zāra nangni ngāi a nā'n ding thei u kōma anpākna om rase. Hava ha tianlāi hun len ātā anlang lui chongrīl anthup a ni. 26#Kui 6:7; Efe 1:9Atun chu hava ha tāituon Pathian a chongpēk anga deari ngāi lekhā maziak amanga a hong anlang zei a. Nam tinin ama chu ei iam theina rang le a hē ei tel thei una ranga. 27#1Ti 1:7; 6:16Isuo Khristā zāra ama rong āhian khīt Pathian kōma tāituon tāituona anlianna om rase. Amen.
Bible in Ranglong, © Bibles International, the Bible society of Baptist Mid-Missions, 2024.