Mathāi 26
26
Isuo Thatna Rang Anval
Mk 14:1-2; Lk 22:1-2; Zn 11:45-53
1Hintin hin a ni, Isuo'n hiva ngāi dōra a ril suole, a zolāi ngāi kōma, 2#Zn 11:55“Ni anni suona Kallēn Pāntā ei ni rang na riat u na. Miring Nāipasal chu khrōsa āntār ranga anbetōk in ti,” a tī na.
3 #
Sām 2:2; Lk 3:2; Zn 11:47-50; Kui 4:6 Hava lāi han chāizūng ngāi, dānmīnchūpū ngāi lē pātar ngāi chu chāizūng ulian khīt Kaiafa ei ti u a tuola han anchun u na. 4Isuo chu aphila, ei that thei una rang a val u na. 5Tenchu amānī'n, “Pānta lāitak ni nō rase, hanōkten mipui kāra anbuoina a om inle,” a ti u na.
Bethani-na Isuo Sariak ei Ānthī Rui
Mk 14:3-9; Lk 12:1-8
6Isuo chu Bethani khuona āphār#26:6 āphār: “Vun rikhuo tong” tīna a ni, atunlāia āphār nei riat anga ni mak. Simon a ina a om lāi han, 7nupang khatin alabastar-lung koka sariak marimhui manlū chōia a kōma a hong a. Bū nēka ansut lāi han a lusīpa a hong leipē na. 8A zolāi ngāiin hava ha a mū u na, a tak asi u na, “Ichang mo pei ei manchang so? 9Hiva sariak marimhui hi man atampāna anzuora, ānriang ngāi kōma anpēk thei ke ba,” a ti u na. 10Hava ha Isuo'n a lei riat a, amāni kōma, “Ichang mo hiva nupang hi nei manbuoi u? Asik chu amā'n ka ranga sin āsa kēng ei thō. 11#Dān 15:11Asik chu ānriang ngāi chu na bil una a om babang kēng. Koi chu na bil una om babang nō ning. 12#Zn 19:40Ka chunga marimhui ei lei hi, kei ānphūmna ranga a lei mansūk kēng. 13Taktaka kei na ril a ni u zei, maniapūra thangahui ei ānrilna mun tina, hiva nupang a sinthō hī'm ama riattitna ranga anril in ti,” a tī na.
Zuda'n Isuo ei Mansūrna
Mk 14:10-11; Lk 22:3-6
14Sōmleianni ngāi bila angkhat Zuda Iskariot ei ti u chu, chāizūng ulian ngāi kōma a sē na, 15#Ant 21:32; Zek 11:12amā'n, “Ama chu na kōm una ka na betōk u ten, hong mo nei na pēk u rang?” a tī na. Amānī'n sumrū chēng#26:15 sumrū chēng: Sumrū chēng 1 chu drakma 4 a ni. 30 a pēk u na. 16Hava hun len ātā ama chu ānsūr ranga a val a.
Kallēn Pāntā
Mk 14:12-26; Lk 22:7-20, 24-30
17 #
Ant 12:18-20; Dān 16:5-8 Cholanchellui vāipōltāp nikhuo mānsana, zolāi ngāi chu Isuo kōma a hong u na, amānī'n, “Kallēn Pāntā nēkna chu hon tiang mo nei mansūk ranga nei zōt?” a ti u na. 18#Mk 14:35, 41; Zn 7:6, 8Amā'n, “Khopuia sē u tānla, mī khat kōma, ‘Mīnchūpū'n, “Ka hun a anāi zei. Kallēn Pāntā chu ka zolāi ngāi le, na ina mang in ti,” a tī,’ va ti u ro,” a tī na. 19Hantin han Isuo'n ei tī anga a zolāi ngāiin a thō u na, Kallēn Pāntā nēkna chu a mansūk u na. 20Khului a hong ānī le, ama chu a zolāi Sōmleianni ngāi le bukhalāi akāi u na. 21#Lk 22:21-23; Zn 13:21Amāni chu a nēk u lāi han, amā'n, “Taktaka kei na ril a ni u zei, nangni bila mī khatin na mansūr in ti,” a tī na. 22Hatuka amāni chu a malung a na sabak u na, ama kōma a mimal chip u na, “Puma, koi mo kā ni?” tīna a rakel u na. 23#Sām 41:9; Zn 13:18Isuo'n a masang a, “Ka bila khēnga a kut āphūmpū'n na mansūr in ti. 24#Isa 50:6; Dnl 9:26; Mk 9:12; Lk 24:25-27; Kui 17:2-3; 1Pe 1:10-11Miring Nāipasal chu a ruia ei ānziak anga a sē na. Tenchu Miring Nāipasal ānsūrpū chu a vān a duoi. Hava miring chu anzir ngal nō sela, a ranga sa uol in ti ba,” a tī na. 25Ama ānsūr rang pū Zuda'n a masang a, a kōma, “Rabi, koi mo kā ni?” a tī na. Isuo'n a kōma, “Nangin nei tī anga a ni,” a tī na.
Puma Zāndui
Mk 14:22-27; Lk 22:17-20; 1Ko 11:23-34
26A nēk u lāitak han Isuo'n vāipōltāp a lāk a, bōr a pēk a, a khiak a. A zolāi ngāi kōma a pēk a, “La u tānla, sāk u ro, hiva hi ka taksā a ni,” a tī na. 27#1Ko 10:16Hava suona khuri a lāk a, rāisānchong a ril a, a kōm una a pēk a, “Na lom una hiva nātā buong u ro. 28#Ant 24:6-8; Zek 9:11; Mal 2:5; Mk 1:4; Heb 9:20Hiva hi Dānkhit Athara ka thisen, mi tamtak āsia sāina ranga ā zān chu a ni. 29#Kui 10:41Tenchu kei na tī a ni u zei, ka Pā rēngrama nangni ngāi le athara ka buong rēt māseng chu, atun ātā hiva theirapom marā ningtī hi buong lāi nō ning,” a tī na. 30Hatuka lā a thō suo u na, Oliv muola a vā kal u na.
Peter-in Isuo ei Maniang rang Aphāmān a Lei Ril
Mk 14:27-31; Lk 22:31-34; Zn 13:31-38
31 #
Zn 16:32
Hatuka Isuo'n amāni kōma, “Atun zān hin koi ka sika na lom una anpal u na ti, asik chu, ‘Berapū chu razīk ka tia, beraruol ngāi chu anchēn rak u'n ti,’ (Zek 13:7) tīna ei ānziak anga han. 32Tenchu anthuia kā om rēt tika chu, na maton una Galili rama sē ka ting,” a tī na. 33Peter-in a masang a, a kōma, “Nang na sika aloma anpal kiar ngal u nā'm, koi chu anpal nō ning,” a tī na. 34#Zn 13:38Isuo'n a kōma, “Taktaka kei na ril a ni zei, atun zān hin ār a khuong mān, voi anthum na maniang na ti,” a tī na. 35#Zn 13:37Peter-in a kōma, “Na bila athina dan ngal suok sela, na maniang nō ning,” a tī na. Hantin han a zolāi ngāi dōrā'n a ti u na.
Getsemane Rahuona Isuo Zārzongna
Mk 14:32-42; Lk 22:39-46; Zn 18:1
36Isuo chu a zolāi ngāi le han Getsemane ei ti u muna han a hong u na. Amā'n a zolāi ngāi kōma, “Sovā son zār ka va zong kār pei, hiva hin lei ānsut u ro,” a tī na. 37Ama bila han Peter lē Zebedai a nāipasal anni ngāi a ruoi a, a malung a nā na, lunghāng ansak sabak a. 38#Zn 12:27Amā'n a kōm u na, “Thīna rang khopa, ka malung a na sabak a. Hiva hin om u tānla, na mengpui u ro,” a tī na. 39#Sām 40:6-8; Isa 50:5; Zn 4:34Ama chu ala beta a sē na, anbok laka zār a zong a, “Ka Pā, a ni thei ten, hiva khurī'n na pial zām rase. Hanum ni sela, kei zōt anga niluia, nei zōt anga ni rase,” a tī na. 40A zolāi ngāi kōma a hong a, amāni chu a lei in chīta a hong mū na. Peter a kōma, “Imo! Ka bila hin dārkār khat ngal meng thei u mak chē mo? 41Thēmnāna nei chul u nōkna ranga, ahara om u tānla, zārzong u ro. Rathā chu a zōt, tenchu taksā chu a chuoi,” a tī na. 42Ama chu voi annina a sē na, zār a va zong rēt a, “Ka Pā, hiva khuri hi kei buong nōka a pial salui a ni ten, nei zōtdān anga ni rase,” a tī na. 43Ama chu a hong ākīr rēt a, amāni chu a lei āin rēta a hong mū na, asik chu a mit akhu sabak u na. 44Amāni chu a māk rēt a, ei ti ngāi ang dēna voi anthumna zār a va zong a. 45Hatuka a zolāi ngāi kōma a hong rēt a, a kōm u na, “Nei la in u na, pōng nei lā'n sa chian u mo? En u ta, hun a hong āsuok zei, Miring Nāipasal chu misalui ngāi kuta anbetōk rang a ni zei. 46Anthui u tānla, sē u ta rei. En u ta, koi anā'n sūr rang pū chu a hong zei,” a tī na.
Isuo ei Ānsūrna
Mk 14:43-50; Lk 22:47-53; Zn 18:3-12
47Hatuka ama chu a lā chong lāitak han, entā, Zuda, Sōmleianni ngāi bila angkhat chu, chāizūng ulian ngāi lē mipui vāntāng ulian ngāi ātā āntīr mipui ātampā le han, khendāi lē sunrol achōia a hong u na. 48Hatuka ama ānsūr rang pū'n amāni kōma andangna khat a pēk a, “A biang kei tum tak chu ama ha a ni zei, ama chu sūr u ro,” tīna. 49Anrapa Isuo chu a va pan len a, “Chubai, Rabi!” tīna a biang a tumpē na. 50Isuo'n a kōma, “Mala, nei thō rang chu thō pei ta ro?” a tī na. Hatuka amāni chu a hong a, Isuo chunga kut a thāk u na, a sūr u. 51#Lk 22:36, 38; Zn 18:10Entā, Isuo bila angkhatin a kut asōna, a khendāi a radok a, chāizūng ulian khīt a suok khat chu a tuk a, a kuor chu a ātpē ving a. 52#Aph 9:6; Ant 21:12; Anl 13:10Tenchu Isuo'n a kōma, “Na khendāi ha a mun dēna siak ro. Asik chu khendāi anlek chu khendāi dēn le kēng ei thi rang. 53#2Rē 6:17; Dnl 7:10Atun len hin vānpalāi sipairuol#26:53 sipairuol: Rōm sipaiphom (legion). Legion khat chu mī 6,826 tāng a ni. sōmleianni nēka tam ka kōma a na hong ā tīrpē ranga, ka Pā kōma a zong thei nōk ranga mo nei na iam? 54Hantin han anthō sela, Pathian Lekhabūna ānziak anga hintin hin ei ni ngēt rang ti ha, hontin mo ei kip thei rang?” a tī na. 55#Mk 12:35; Lk 21:37; Zn 7:14, 28Hava lāitak han Isuo'n mipui ngāi kōma, “Khendāi lē sunrol achōia mīsuompū sūr rang anga, anā sūr rang mo nei hong u? Anikhuo'n tina na bil una ansuta tempula ka na manchū u na, hava han na sūr u mak chē na. 56Tenchu deari ngāi chong maziak ngāi ei kip theina ranga, hiva ngāi dōra hi ei hong ānthō a ni,” a tī na. Hava suole han a zolāi ngāi dōrā'n ama chu a māk u na, a rot rak u na.
Isuo Sanhedrin Matona
Mk 14:53-65; Lk 22:54-55, 63-71; Zn 18:13-14, 19-24
57Hatuka Isuo āsūrpū ngāiin ama chu chāizūng ulian khīt Kaiafa ina, dānmīnchūpū ngāi lē pātar ngāi ei ānchun una han a ruoi u na. 58#Mk 14:66; Lk 11:21; 22:55; Zn 18:15Tenchu Peter-in ankār uola ama nūk chu chāizūng ulian khīt a tuomāi tenpei a va zī na. Ahek tenpeia āen ranga insūnga a vā lūt a, suok ngāi bila ansut a. 59Chāizūng ulian ngāi, pātar ngāi lē ruirilpū ulian ngāi dōrā'n#26:59 Chāizūng ulian, pātar, lē ruirilpū ulian ngāi: Zehudi sākhuo ruirilphom (Sanhedrin) tīna a ni., Isuo ei that thei una rang, ama chunga milak rui ā rok u na. 60#Dān 19:15; Sām 27:12; Kui 6:13Tenchu angkhattē ngal man u mak a. Āriatpuipū rothol a hong āsuok sabak ngalā'm angkhattē ngal man u mak a. Aheka chu āriatpuipū rothol anni a hong u na, 61#Zn 2:19amānī'n, “Hiva mī'n, ‘Pathian tempul masiam ka tia, nīnthum sūnga manding rēt ka ti,’ a ti,” a ti u na. 62Hatuka chāizūng ulian khīt chu ānding a, a kōma, “Ītē masang nō ta ni mo? Hiva mi ngāiin na chunga āsia anlōna chong ei hong chōi u hi hong tīna mo?” a tī na. 63#Lev 5:1; Mk 14:61; Lk 22:67Tenchu Isuo a dāirek a. Chāizūng ulian khītin a kōma, “Pathian adam raming asāla chong kei na pēk a ni zei, nang hi Khristā, Pathian Nāipasal mo nā ni, na manthei ta?” a tī na. 64#Mk 16:19; Lk 22:70; Anl 1:7Isuo'n a kōma, “Nei tī anga kā ni. Hanum ni sela, kei na tī a ni u zei, atun ātā Miring Nāipasal chu Ranakaneipū chang tiang ansuta lē anvān sūmpui bila āhong chu la mu u'n na ti,” a tī na. 65#Mk 14:63Hatuka chāizūng ulian khītin a puon a thēt a, “Hiva mī'n Pathian siat a ril a! Koinī'n āriatpuipū atei imo nei la nāng! En u ta, atun len hin Pathian siat ei ril chu na riat kiar u hale! 66#Lev 24:16; Zn 19:7Hong mo na mandon u?” a tī na. Amānī'n, “Ama chu āthiruo kēng,” tīna, a masang u na. 67Hatuka amānī'n a māisuona a machil u na, a razīk u na. Atei ngāiin kutmazā le ā bēn u na, 68#Lk 22:63-65“Nang Khristā, tū mo a na zēm, ril ro!” a ti u na.
Peter-in Isuo ei Maniangna
Mk 14:66-72; Lk 22:56-62; Zn 18:15-18, 25-27
69Hava lāi han Peter chu apang tuomāia ansut a. Suok nupang khat chu a kōma a hong a, “Nang um Galili rama Isuo bila mī kēng nā ni hile,” a tī na. 70Tenchu amā'n alom una matona, “Hong mo nei ti riat mak ung,” tīna, amaniang a. 71Hatuka atei nupang khatin ama chu tuol makot tianga ei pan a mū na, havana āom ngāi kōma, “Hiva mi hī'm Nazaret khuona Isuo bila a om ha kēng,” a tī na. 72Tenchu amā'n, “Hava miring chu riat mak ung,” tīna, khomāk ansama amaniang a. 73Sōtluitē suona ama kōla ānding ngāi chu Peter a kōma a hong u na, “Taktaka, nang um amāni bila mī khat kēng nā ni hile, asik chu na chongrila andang,” a ti u na. 74Tenchu amā'n, “Hava miring chu riat mak ung,” tīna, a raming asāla khomāk ansam a. Hankēng ār chu a hong ākhuong len a. 75#Zn 13:38Hatuka Peter-in Isuo chongkam, “Ār a khuong mān, nangin voi anthum na maniang in na ti,” ei ti ha, a malunga a hong āchui a. Hatuka apanga a suok a, a vā chap sabak a.
Bible in Ranglong, © Bibles International, the Bible society of Baptist Mid-Missions, 2024.