Kuitīr Ngāi Sinthō 26
26
Rēng Agripa Matona Paul ei Ānrungna
1Hatuka Agripa hān Paul a kōma: “Nang na theia rui ngāi āril ranga ka na phal zei,” a tī na.
Hatuka Paul chu a kut ālāng a, ama a ninga ei ānzōkna rang chong aril a phut a. 2#Sām 119:46Amā'n, “Rēng Agripa, kei rungna ranga chong aril ranga aviana na matona kei ānding hi ka rāi asāna kā'n riat. Zehudi ngāiin ka chunga chong āsia ei na manlō una ngāi dōr ātā kei ānzōkna chong aril ka nāng zei. 3Nangin Zehudi nam ngāi kāra rui lē namdān ngāi rui anpōn dōra takchunga ariat sabak nei ni sika aliaktēna ka rāi asāna. Hasikhan dūk a na diarpui zāma ka chong anā'n ngāipē ranga achālaka kei na mathēm.
4 #
Gal 1:13-14; Fil 3:5 “Nāipangtetē kā ni lāi ātā Zehudi ngāiin kei lēngdān chu ei na riat zit u a ni. Aphut len ātā ka nam ngāi bila Zerusalem khopuia kei hong om hi Zehudi ngāiin um aphāmān ātā ei na riat zit u kēng. 5#Fil 3:5Ka sākhuo phom dān ankhir khīt anga Farisāi kā ni na. Amānī'n hava ha a puong nuom u ten, aphāmān len ātā a na riat u na. 6#Rōm 15:8Pathianin koini na chipui ngāi kōma a chongtin a iam kei ni sika, atun hin ka rui anril ranga kei hong ānding. 7#1Th 3:10; 1Ti 5:5; Zak 1:1Hiva a chongtin hi āman ranga ei mangang u na, koini na nam sōmleianni ngāiin asūn azāna malung tataka Pathian ei mōk u chachak. O Rēng Agripa, hiva chongtin nei mangang ruia hin Zehudi ngāiin āsia ei na mantung u. 8Pathianin hava āthi ngāi ei mathui hi, ichanga mo nangnī'n a iamruo ni thei mak nei ti u?
Paul-in ei Ānzirtharna Rui ei Rilna
9 #
Zn 15:21; 16:2; 1Ti 1:13 “Taktaka koi um Nazaret-a mi Isuo raming aduia athōruo ātampā hi kei thō rang hi a nāng a tī na kei ānriat. 10Hava tak ha Zerusalem khopuia kei thō lelē a ni. Chāizūng ulian ngāi kōm ātā ningneina kei lāka mīnthiang ngāi tamtak ankhumna-ina kei khum chachak a ni. Amāni ngāi athat u lāi um kei pomna kei manlang a ni. 11#Mt 10:17Sinagog tina ka lei zēm u chachak a. Sākhuo siat ānril u ranga ka lei put chachak. A chung una achālaka kei sing nōk a ni. Ram atei tenpei kei sē na, kei sinsak u chachak.
12“Havan tin han ansinsak ranga ka suok lāi han, Damaska khuona kei sē na, chāizūng ulian ngāi kōm ātā ningneina lē phalna lekhā kei chōi a ni. 13Hatuka, O Rēng, lampuia kā sē lāi han anvān ātā a ni nēka raāng anei ka muna. Hava ha sūnchimrip a ni, koi lē ka lōm kei sēpui ngāi ravēl chu khuonlek anga a ēl zuok a. 14#Zn 5:2Na loma phila nā'n bok kiar le chu, Hebrāi chonga a nā chongpui rasā ka riat a, amā'n, ‘Saul, Saul, ichang mo nei na sinsak? Na ranga sunrol anzum anpir chu āntak kēng,’ a tī na. 15Hatuka koiin, ‘Tū mo nā ni, Puma?’ ka tī na. Amā'n, ‘Koi hi Isuo, nei na sinsakpū chu kā ni. 16#Izk 2:1; Dnl 10:11Atun chu anthui tānla na kē le anding ta ro. Na kōma kei hong ānrālna chu hava ha asik a ni. Koi ka dorbōndom ranga lē ka chong anriatpū chang ranga kei na phun kēng. Nangin ka ruia nei mu ngāi lē na kōma kei ānrālna rui arilpū chang in na ti. 17#Zer 1:8Nang na nam ngāi le atuna namtei ngāi kōma kei na tīr ngāi kut ātā na mazōk ka ti. 18#Sām 18:28; Isa 35:5; 42:7, 16; Lk 24:47; Efe 5:8; Kol 1:13; 1Pe 2:9A mit u ei vār theina rang lē āzīng ātā avāra ei hong kīr u theina ranga amāni kōma kei na tīr. Setan ningneina nātā Pathian opna tianga hong kīr u'n ti. Hanūk chu koi a na iam a, āsia anduolna le kei manthiang ka mi ngāi bila dōngluona man u'n ti,’ a tī na.
Paul-in a Dorbōndomna Rui ei Rilna
19 #
Isa 50:5
“Hava sika han, Rēng Agripa, chungvān ātā anrālna ha telluia om thei mak ung a. 20#Zer 18:11; Mt 3:8; Lk 3:8Mānsāna Damaska lē Zerusalem-a, hanūk chu Zudāi ramper pumpuia, hatuka namtei ngāi kōma na puong a. Hankēng ansīra Pathian tiang ei anhoia lē ei ānsīrna ei ānlangna ranga sin asa ngāi chu ei thō u rang. 21Hava sika han Pathian biak-ina kā om lāi han Zehudi senkhat ngāiin ei na sūr a, anā that ranga ei na val u. 22#Lk 24:27, 44Tenchu Pathianin a na sana avian tenpei hin milian khīt le mīsīn khīt ngāi kōma ama ruia aril thei ranga kei lā'n ding a ni. Mōsi le deari ngāiin ei ril u ha anrapa a hong ātung rang a ni zei ti rong ha kēng kei ril atei ītē kei ril om mak. 23#Mt 16:21; Lk 2:32; 1Ko 15:20, 23; Kol 1:18; Anl 1:5Khristā chu antakna ei la hong tiar ngēt rang rui kēng amānī'n ei ril u. Ama chu āthi ngāi kār ātā anthui mānsa khīt ei ni sika mānsāna Zehudi nam kōma raāng ruiril in ti. Hava suole han namtei ngāi kōma ril in ti, ei ti u,” a tī na.
24 #
Zn 7:15; 10:20; 1Ko 4:10 Havan tin han ama a ninga ei ānzōkna rang rui a ril lāitak, Festa chu anring sabaka ankhēk a: “Paul, āchāng kēng nā ni. Achālaka lekhā nei theinā'n na lu ei masiat kēng a ni zei,” a tī na. 25Tenchu Paul-in: “Lalchi thōruo, Festa ālian khīt, āchāng ni mak ung. Tenchu chongtak lē malung avār vanga kēng chong kei ril. 26Rēngin hiva rui ngāi dōra ei riat zit sika a kōma anngam panga chong kei ril thei. Asik chu hiva ngāi hi Rēngin ītē ei riat nōk om mak a tī na kei ānngam pang a ni. Asik chu hiva rui ngāi hi maruka mī'n ei thō om mak. 27Rēng Agripa, deari ngāiin ei ril u hi na iam mo? Na iam a tī na ka na riat,” a tī na. 28Agripa chu Paul kōm: “Nangin hiva hun anraptēna Khristian ānchang ranga nei na mathēm kēng hile,” a tī na. 29Hatuka Paul-in: “Hun anāi tena mo ole hun asōtpāna mo, ni rase. Nang rong ni mak, tenchu aviana ka chong anngāi ngāi dōra koi kei chang anga nei chang u ranga Pathian kōma ka zārzong a ni. Tenchu hiva zīngzir ankhit ngāi rong om nō rase,” a tī na.
30Hatuka Paul-in hiva chong ngāi a ril suole han Rēng Agripa, hanūk chu ramoppū, hanūk Berniki hanūk chu a bil una ansut ngāi dōra anthui kiar u na. 31Hava in a māk suo u le amāni lē amāni a chong u na: “Hiva miringin thīna rang lē ankhumna rang khop chu ītē āsiat ei thō om mak hile,” a ti u na. 32Hatuka, Agripa hān Festa kōma: “Amā'n Kāisar kōma ruirilna va zong nō sela chu, koinī'n na mazōk thei ba,” a ti u na.
Bible in Ranglong, © Bibles International, the Bible society of Baptist Mid-Missions, 2024.